Tuproqqal‘a MMTB

2022-07-05 11:39:33 #Огоҳлантириш

Ягона мактаб формаси масаласида мактаб директорлари, синф раҳбарлар ва ўқитувчилар ҳушёр бўлиши лозим

Маълумки, Ўзбекистонда 2022-2023 ўқув йилидан бошлаб давлат мактабларида ўқувчилар учун мактаб формаси тўлиқ жорий этилади. Бу ҳақда ҳукумат қарори ҳам тасдиқланган. (271-сон, 19.05.2022 й.)

Ўтган ўқув йилида ўқувчилар Вазирлар Маҳкамасининг қарори билан тасдиқланган мактаб формасини кўнгилли равишда кийишлари мумкин эди. 2022 йилнинг сентябрь ойидан эса ўқувчиларнинг мактабга ҳукумат тасдиқлаган формада келишлари мажбурий бўлади.

Амалдаги тартибга кўра ҳудудий ҳокимликлар ва «Ўзтўқимачиликсаноат» мактаб формасини ишлаб чиқарувчи ташкилотларни белгилашда уларнинг технологик жиҳатдан ишлаб чиқариш имкониятлари ва ҳудудий жойлашувини инобатга олган ҳолда, мактаб формасини ишлаб чиқарувчи ташкилотлар рўйхатини ҳудудлар бўйича шакллантиради.

2022 йил 10 августдан бошлаб ҳудудий ҳокимликлар «Ўзтўқимачиликсаноат» уюшмаси билан биргаликда  мактаб формаси савдосини ташкил қилиш мақсадида республиканинг ҳар бир туман (шаҳар) марказида аҳолига қулай жойларда, мактаб ярмаркаларида мактаб формасини ишлаб чиқарувчи ташкилотларнинг савдо шохобчаларини ташкил этиб, уларнинг жойлашиш манзилларини оммавий ахборот воситалари орқали эълон қилади.

Шу сабабли мактаб директорлари, синф раҳбарлар ва ўқитувчилар мактаб формаси олди-сотдисига аралашмаслиги керак. Бу борада мактаб маъмуриятининг асосий вазифаси ўқувчиларнинг ота-оналари ёки уларнинг ўрнини босувчи шахслар орасида давлат умумий ўрта таълим муассасаларига мактаб формасида келишнинг афзалликлари тўғрисида тушунтириш ишларини олиб боришдир.

Ота-оналар формани савдо нуқталарида ўзлари харид қилишлари керак. Мактаб формаси учун нархлар ишлаб чиқарувчилар томонидан эркин бозор муносабатларидан келиб чиқиб белгиланади. Формани тикувчи корхоналар ота-оналардан ҳали ишлаб чиқарилмаган мактаб формаси учун аванс тўловларини йиғишга ҳақли эмас. Айниқса педагог ходимларнинг ота-оналардан мактаб формаси учун пул маблағларини йиғиши катта хато ҳисобланади.

Эслатиб ўтамиз, кам таъминланган оила фарзандлари учун мактаб формаси маҳаллий бюджет ҳамда “Темир дафтар”, “Аёллар дафтари” ва “Ёшлар дафтари” жамғармалари маблағлари ҳисобидан сотиб олинишида кўмаклашилади.

Xalq ta'limi Info Ochish/sharhlash

2022-07-03 20:36:58 #abituriyent

Мақсадли қабул квоталари

СОҒЛИҚНИ САҚЛАШ соҳаси учун ҳудудлар кесимидаги мақсадли қабул параметрлари эълон қилинди.

Изоҳ: мақсадли қабул дегани, соғлиқни сақлаш йўналишида давлат гранти фақат шу файлда кўрсатилган ҳудудлар учун бўлиб берилган дегани.

PDF файл, 788 кб.


@xushnudbek Ochish/sharhlash

2022-07-02 13:12:39 Farrux Alimov:
Assalomu alaykum Hurmatli Pitnak ahli. Davlat ishida ishlamaydigan, ishsiz yurgan maktabni tugatgan 18 yoshdan 70 yoshgacha bo'lgan barcha yoshlar va yoshi ulug'larga. Kompyuter savodxonligidan bepul 2 oylik to'garak tashkil qilinmoqda. Kimda kim kompyuter savodxonligiga qiziqsa quyidagi raqamlarga murojat qilsin +998-99-525-87-25, +998-90-725-87-25

Sizdan faqat Pasport va Shaxodatnoma 11 sinfni tugatganligi xaqida yoki Diplom kasb-hunar kollejiniki

To'garak 2 smenali, bir guruhda 12-13 odam o'qitiladi.

TO'GARAK MUTLOQ BEPUL!!!
Qabul 04.07.2022 dan boshlanadi Ochish/sharhlash

2022-07-01 22:15:47 Channel photo updated Ochish/sharhlash

2022-07-01 22:14:44 #Ixtisoslashtirilgan_maktablar
#Imtihon_2022

Hurmatli ota-onalar va o‘quvchilar!

Prezident ta'lim muassasalari agentligi tizimida yangi tashkil etilgan ixtisoslashtirilgan maktablarga saralash imtihonlari 3-,4-,5-,6-,7- va 8-iyul kunlari bo'lib o'tishini ma’lum qilamiz.

Test jarayonlari 3-iyul kuni 08:00 da boshlanadi.

Imtihonlar 3 smenada - 08:00 13:00 va 18:00 da bo'lib o'tadi.

Eslatib o‘tamiz, imtihonga belgilangan vaqtdan 1 yarim soat oldin kelish talab etiladi.

Imtihon joyi va boshqa zaruriy ma’lumotlarni “Shaxsiy kabinet” orqali olishni unutmang.

Talabgorlar tug'ilganlik haqidagi guvohnomaning asl nusxasi va ruxsatnoma bilan kelishlari kerak.

Imtihon kuni karantin qoidalariga amal qilish talab etiladi.

Biz ijtimoiy tarmoqlarda:
Veb-sayt | Telegram | Instagram | YouTube Ochish/sharhlash

2022-07-01 17:56:45 Қурбон ҳайити арафасида иш ҳафтасининг туридан қатъи назар ўзбекистонликлар 4 кун дам олади

Бунда:

9 июль (шанба) – Қурбон ҳайити байрами;
10 июль (якшанба) – дам олиш куни;
11 июль (душанба) – барча ходимлар учун қўшимча дам олиш куни;
12 июль (сешанба) – 6 кунлик иш ҳафтасида ишлайдиганлар учун қўшимча дам олиш куни, 5 кунлик иш ҳафтасида ишлайдиганлар учун 16 июль (шанба) дан кўчирилган дам олиш куни.

@daryo_live Ochish/sharhlash

2022-07-01 15:18:44 IT технологияларига ўқимоқчи бўлган ёшларга яхши янгилик!

Президентимиз кечаги Ёшлар куни байрам тадбиридаги маърузада бизнинг соҳага қизиқадиган ёшлар учун жуда фойдали бўлган янгиликни айтиб ўтдилар: “Ҳисоб-китобларга кўра, бугунги кунда 1 нафар IT мутахассисини тайёрлаш учун камида 1 йил вақт ва 20 миллион сўмгача маблағ талаб этилади. Ваҳоланки, яхши мутахассис 2-3 ойда битта дастур яратиб, ушбу харажатни бемалол қоплаши мумкин. Бундан буён хусусий таълим муассасаларида IT технологиялари бўйича ўқиш (дастурлаш, веб-дизайн, анимация) истагини билдирган ёшларга ҳам 20 миллион сўмгача миқдорда 4 йиллик имтиёзли кредит тақдим этилади.”

Бизнинг соҳамизда ўқиш ниятида бўлган ёшлар 100дан ортиқ IT-PARK нодавлат таълим резидентлари орасидан ўзларига мосини танлаб олишлари мумкин: https://education.it-park.uz/

Юқорироқ сифатдаги видео: https://www.facebook.com/watch/?v=584275403332135 Ochish/sharhlash

2022-07-01 10:50:50 ХАЛҚ ДЕПУТАТЛАРИ ТУПРОҚҚАЛЪА ТУМАН КЕНГАШИНИНГ 60-СЕССИЯСИ БОШЛАНДИ

Сессияни YouTube тармоғи орқали жонли эфирда кузатишингиз мумкун.

https://www.youtube.com/tuproqqala/live

Тупроққалъа ҳокимлиги ахборот хизмати Ochish/sharhlash

2022-06-30 18:43:53 Шаҳодатнома дубликати энди электрон шаклда берилади

Жорий йилнинг 1 июлидан бошлаб халқ таълими тизимида яна бир давлат хизмати ишга туширилади. Эндиликда турли сабабларга кўра, йўқолган, бузилган, яроқсиз ҳолга келган шаҳодатномалар ўрнига дубликатни 5 кунда олиш мумкин бўлади.

Бунинг учун шаҳодатномаси йўқолган, яроқсиз ҳолга келган, бузилган фуқаролар дубликатни олиш учун Ягона интерактив давлат хизматлари портали (my.gov.uz) орқали ариза беради. Ариза автоматик тарзда портал орқали туман (шаҳар) халқ таълими бўлимларига улар орқали таълим ташкилотларига юборилади.

Таълим ташкилотлари архив ҳужжатлари асосида дубликат бериш (ёки рад этиш) бўйича хулоса тайёрлайди ва туман (шаҳар) халқ таълими бўлимига юборади.

Туман (шаҳар) халқ таълими бўлимлари QR-код қўйилган дубликатни расмийлаштиради ёки дубликат беришни рад этиш тўғрисида маълумотни шакллантиради ва Ягона интерактив давлат хизматлари портали орқали электрон равишда юборади.

Фуқаролар Ягона интерактив давлат хизматлари портали орқали хизмат натижасини автоматик тарзда тизимда БЕПУЛ юклаб олади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash