TATU | Rasmiy kanali

2022-08-31 11:44:29 #TATU
#FAKTLAR
#QIZIQARLI_VIDEO

Muhammad al-Xorazmiy nomidagi Toshkent axborot texnologiyalari universiteti haqida siz bilmagan 3 ta FAKT

Shu va shunga o'xshagan qiziqarli ma'lumotlardan xabardor bo'lish uchun TATUning instagram sahifasiga obuna bo'ling!

https://www.instagram.com/tuit.official/ Ochish/sharhlash

2022-08-31 04:13:02 Mustaqilligimizning 31 yilligi muborak bo'lsin!

Barchangizni xalqimizning eng ulug’, eng aziz bayrami – O’zbekiston Respublikasi Mustaqilligining 31 yilligi bilan samimiy muborakbod etamiz!

Shunday qutlug’ damda yurtimizga tinchlik, barchangizga sihat-salomatlik, oilangizga farovonlik tilab qolamiz! Ochish/sharhlash

2022-08-30 16:51:14 #MITC
#TATU

Axborot texnologiyalari va kommunikatsiyalarini rivojlantirish vaziri Sherzod Shermatov, IT sohasidagi yetakchi kadr tayyorlovchi OTMlar boʻlgan, Muhammad al-Xorazmiy nomidagi Toshkent axborot texnologiyalari universiteti, INHA universiteti va Amity universitetlari talabalari bilan ochiq suhbat oʻtkazdilar.

Suhbat jarayonida IT sohasida amalga oshirilishi kerak boʻlgan islohotlar haqida soʻz bordi. Ochiq muloqotda talabalar oʻzlarini qiziqtirgan savollarga javob olishdi. Ochish/sharhlash

2022-08-30 09:27:13 #TATU
#Texnikum

Texnikum bitiruvchilari uchun o'tkazilgan suhbat natijalariga ko'ra 67 ball va undan yuqori natijalarga erishgan abituriyentlar 2022-yilning 5-sentabrdan boshlab hujjatlarni tegishliligi bo'yicha fakultet dekanati yoki sirtqi bo'limga topshirishlari mumkin!

Hujjatlar ro'yxati:
1 - Rektor nomiga ariza
2 - Texnikum diplomi va ilovasi (asli va 2 dona nusxasi)
3 - 3,5x4,5 foto surat (8 dona)
4 - Pasport (asli va 2 dona nusxasi)
5 - Qog'ozlar uchun papka
6 - Konvert (A5 format)

Murojaat uchun:
Kunduzgi ta'limga tavsiya qilinganlar uchun:
Kompyuter injiniringi yo'nalishi - dekanat D bino 216-xona
71 238-65-16;
Dasturiy injiniringi yo'nalishi - dekanat E bino 217-xona
71 238-64-42;
Telekommunikatsiya yo'nalishi - dekanat A bino 406-xona
71 238-65-54;
Mobil aloqa va Teleradioeshittirsh yo'nalishlari - dekanat A bino
110-xona 71 238-65-51;
Axborot-kutubxona faoliyati - dekanat B bino 411-xona
71 238 65 08.

Sirtqi ta'limga tavsiya qilinganlar uchun:
Barcha yo'nalishlar bo'yicha - Sirtqi bo'lim C bino 344-xona
71 238 65 88 Ochish/sharhlash

2022-08-30 07:47:16 #Биласизми

Тўлов-контракт асосида ўқиш учун таълим кредитларини ажратиш тартиби

Таълим кредитлари таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон фуқароси бўлган талабаларга берилади.

Бунда, кредит олувчининг доимий даромад манбаига эга оила аъзолари (ота-онаси, ака-укаси, опа-синглиси, эри ёки хотини) ёки васийлари биргаликда кредит олувчи сифатида қатнашиши мумкин.

Таълим кредитининг асосий қарзи талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади.

Таълим кредитини олиш учун Молия вазирлигининг расмий веб-сайтида эълон қилинган тижорат банкларига қуйидаги ҳужжатлар тақдим этилади:

ариза;
тўлов-контракт шартномаси ва унга илова қилинадиган ҳисоб варақаси/фактураси (мавжуд бўлганда). Шартномада ўқишни тамомлашнинг белгиланган муддати ва бир йил учун тўлов миқдори кўрсатилган бўлиши лозим;
таълим кредити қайтарилишининг таъминоти бўйича ҳужжат. Бунда “Ижтимоий ҳимоя ягона реестри”га кирган оилаларнинг фарзандларига ажратиладиган таълим кредити бўйича гаров ва кафиллик талаб этилмайди;
“Ижтимоий ҳимоя ягона реестри”га киритилганлигини тасдиқловчи маълумотнома (“Ижтимоий ҳимоя ягона реестри”га киритилган оилалар фарзандлари учун);
биргаликда кредит олувчига тегишли маълумот.

Ҳужжатлар 5 иш кунида кўриб чиқилади.

Таълим кредити шартномаси тўлов-контракт шартномасида кўрсатилган бир йиллик тўлов суммасига тенг миқдордаги суммага тузилади.

Таълим кредити кредит олувчига Марказий банкнинг асосий ставкаси миқдорида ажратилади.

Бунда, Марказий банкнинг асосий ставкаси пасайтирилган тақдирда, таълим кредити бўйича фоиз ставкаси мутаносиб равишда пасаяди, Марказий банкнинг асосий ставкаси оширилган тақдирда эса таълим кредити бўйича фоиз ставкаси ўзгаришсиз қолади.

Мазкур тартиб:

чет эл фуқаролари ва фуқаролиги бўлмаган шахсларга;
тижорат банклари томонидан Жамғарма маблағларидан ташқари бошқа манбалар ҳисобидан бериладиган таълим кредитларига нисбатан татбиқ этилмайди.

Табақалаштирилган тўлов-контрактни ва унинг минимал миқдорига тенг бир марталик бошқа тўловларни амалга ошириш учун таълим кредити ажратилмайди. Ochish/sharhlash

2022-08-29 16:33:43 Bugun Muhammad al-Xorazmiy nomidagi Toshkent axborot texnologiyalari universiteti rektori B.Maxkamov TATU Urganch filiali xodimlari va professor-o'qituvchilari bilan ochiq muloqot o‘tkazdilar

Ochiq muloqotda Universitetimiz rektori filial xodimlariga bugungi kunda yoshlarning bilim olishlari va o‘z qobiliyatlarini ro‘yobga chiqarishlari uchun barcha sharoitlar yaratilganligini ta’kidladilar.

Uchrashuv jarayonida filialning yangi o’quv yiliga naqadar tayyorligi, OTMni muvaffaqiyatli tamomlagan talabalarni ishga joylashganlik masalalari, ilmiy grant loyihalarida ishtirok etish, nufuzli ilmiy jurnallarda maqolalar chop etish bilan bo’g’liq bo’lgan masalalar muhokama qilindi.

Universitet rektori uchrashuv so‘ngida TATU Urganch filiali professor-o’qituvchilar ishlari va izlanishlarida muvaffaqiyatlar tiladilar. Ochish/sharhlash

2022-08-29 14:04:16 #Tabrik

Bugun Oʻzbekiston Respublikasi Oliy va oʻrta maxsus taʼlim vaziri, Voleybol Federatsiyasi rahbari, iqtisodiyot fanlari doktori Abduqodir Hamidovich Toshqulov tavallud topgan kun!

Abduqodir Hamidovich!
Avvalo, Sizni va jamoa a’zolaringizni eng ulug‘ va eng aziz bayramimiz-O‘zbekiston Respublikasi Davlat Mustaqilligining shonli 31 yilligi bilan chin dildan samimiy muborakbod etamiz. Sizga sihat-salomatlik va ishlaringizga omad tilaymiz! Ochish/sharhlash

2022-08-29 12:42:12 Moziyga sayohat dasturi doirasida qadim va novqiron Samarqand shahriga sayohat uyushtirildi

Muhammad al-Xorazmiy nomidagi Toshkent axborot texnologiyalari universiteti Qarshi filiali rahbariyati tashabbusi bilan, professor-oʼqituvchilar, ishchi-xodimlar va ularning farzandlari hamda talaba-yoshlarning Samarqand shahriga sayohati uyushtirildi.

Sayohatchilar kunning birinchi yarmida qadimiy va navqiron Samarqand shaxrining koʼhna tarixi va istiqlol yillarida roʼy bergan katta oʼzgarishlar bilan yaqindan tanishishdi.

Ular Samarqandning diqqatga sazovor joylari boʼlgan Guri Аmir maqbarasi, Oʼzbekiston Respublikasi Birinchi Prezidenti Islom Karimovning yoshligi oʼtgan hovlisi hamda Sherdor, Tillakori madrasalari, Registon maydonida boʼlishdi. Ochish/sharhlash

2022-08-29 12:36:43 TATU Nukus filiali talabasi "TechnoWays" texnologik rivojlanish marafonida 3-o'rin sohibi bo'ldi

"InnoWeek-2022" innovatsion g'oyalar haftaligi doirasida Qoraqalpog'iston Respublikasida "TechnoWays" texnologik rivojlanish marafoni o'tkazildi.

Ushbu marafonga jami 41 ta iqtidorli yoshlar o‘zlarining innovatsion g'oyalari va ishlanmalari bilan ishtirok etdilar va 3 nafar eng yaxshi loyiha egalariga eng so'ngi rusumdagi noutbuk va 3D printerlar sovg'a qilindi.

Muhammad al-Xorazmiy nomidagi Toshkent axborot texnologiyalari universiteti Nukus filiali talabasi Niyetbaev Shingiz ushbu innovatsion ko'rgazmada faol ishtirok etib, o'zi yaratgan "Aqilli dori qutisi" loyihasi bilan 3-o'rin sohibi bo'ldi. Shuningdek, tashkilotchilar tomonidan diplom va 3D Printer bilan mukofotlandi. Ochish/sharhlash

2022-08-04 17:06:13 Diqqat e’lon
Kreativ videoroliklar yaratishga qobiliyatingiz bormi? Unda shoshiling!

Tanlovda 16 yoshga to’lgan va 30 yoshdan oshmagan yoshlar ishtirok etishlari mumkin.

Videoroliklar davomiyligi 1,5 daqiqadan 3 daqiqagacha.

Ko’rik tanlovning har bir yo’nalishi bo’yicha g’olib deb topilgan sovrindorlar:
1-o’rin uchun 15 million so’m
2-o’rin uchun 10 million so’m
3-o’rin uchun 5 million so’m pul mukofotlari hamda esdalik sovg'alari bilan taqdirlanadi.

Batafsil tanlov yo'nalishlari, nizomi va qoidalari haqida

O'z iqtidoringizga ishoning!!! Ochish/sharhlash