2023-03-30 14:43:31
• Toshkent davlat yuridik universiteti — QS xalqaro reytingi e’tirofida
28-mart Buyuk Britaniyaning eng nufuzli xalqaro reyting tashkilotlaridan biri
QS xalqaro reytingi tomonidan dunyo universitetlari, ularning yutuqlari va muvaffaqiyatlari haqida
nashrlar chop etildi. Mazkur nashrlarda mamlakatimiz oliy ta’lim muassasalari orasidan
faqatgina Toshkent davlat yuridik universiteti e’tirof etilib,
O‘zbekistonning eng yetakchi universiteti sifatida qayd etildi.
QS tomonidan TDYU va uning xalqaro reytinglardagi muvaffaqiyatlari, QS Stars xalqaro reytingidagi yutuqlari va uning universitet brendiga ta’siri bo‘yicha
maqola tayyorlanib, turli veb saytlarda e’lon qilindi. Ushbu nashrlarda
QS Stars tomonidan Toshkent davlat yuridik universitetining ta’lim sifati (Teaching) va bitiruvchilarni ish bilan ta’minlanganlik darajasi (Employability) yo‘nalishi bo‘yicha jahonda
5 yulduzli universitet sifatida qayd etilishi juda katta natija ekani alohida ta’kidlanib, TDYU tajribasi dunyo universitetlariga namuna bo‘lgani qayd etildi.
Maqola bilan quyidagi link orqali tanishish mumkin...
Ma’lumot uchun: QS xalqaro reyting tashkiloti tomonidan yiliga 1 marta dunyo universitetlari muvaffaqiyatlari va yutuqlari bo‘yicha nashrlar chop etiladi.
@tsulofficial
6.4K viewsedited 11:43