Тошкент шаҳар Соғлиқни сақлаш бош бошқармаси

2022-09-01 06:36:59 ​Ҳурматли касбдошларим!

Аввало, инсон соғлиғини асраш ва мустаҳкамлашдек олижаноб ишга ўз ҳаётини бағишлаган сиз, азизларни мамлакатимизда кенг нишонланаётган Ватанимиз Мустақиллигининг 31 йиллиги билан чин қалбимдан табриклайман.

1991 йил 31 августда республика тақдирида бурилиш нуқтасига айланган чинакам буюк тарихий воқеа юз берди. Ҳар доим келажакка ишонч билан катта умид билан қарайдиган халқимиз азалий орзусини - давлат мустақиллигини қўлга киритди.

Барчамизга аёнки, эл-юртимиз асрлар давомида озод ва эркин ҳаётни, адолатли жамиятни орзу қилиб яшади. Бу муқаддас мақсад йўлида жон олиб, жон бериб курашди, машаққатли синовларни мардона енгиб ўтди.

Бугунги кунда юртимизда тиббиёт соҳаси, унинг фаолият мазмуни тубдан ўзгармоқда, десак, янглишмаган бўламиз. Аввало, бирламчи тиббий-санитария ёрдами кўрсатишнинг сифати ва самарадорлиги, соғлом турмуш тарзи янги босқичга кўтарилди. Кўп тармоқли поликлиника ва касалхоналарнинг моддий-техник базаси, кадрлар салоҳияти мустаҳкамланди.

Тез тиббий ёрдам тизими замон талаблари асосида қайта ташкил этилиб, молиявий таъминоти кучайтирилди.

Халқимизни тезкор ва самарадор, сифатли тиббий ёрдам билан таъминлашга қаратилган ислоҳотлар изчил давом эттирилмоқда.
Қадрли дўстлар!

Мана шу муборак айёмда барча ютуқларимизнинг бунёдкори бўлган меҳнаткаш, мард ва саховатли, бағрикенг ва олижаноб оқ халат эгаларига, яъни Сизларга фарзандлик меҳри билан таъзим қиламан.

Барчамизни оқ ювиб, оқ тараб вояга етказган она халқимиз доимо омон бўлсин!

Юртимизда яшаётган ҳар бир оила, ҳар бир инсон эзгу мақсадларига етсин!

Мустақиллигимиз абадий бўлсин!


Тошкент шаҳар соғлиқни
сақлаш бош бошқармаси бошлиғи
А.Алимов

@TShSSBB Ochish/sharhlash

2022-09-01 06:34:52 ​Азиз юртдошлар, жонкуяр ва фидойи тиббиёт ходимлари!

Сизларни, аввало, энг улуғ ва энг азиз байрам — Ватанимиз Мустақиллигининг 31 йиллиги билан чин қалбимдан табриклайман.

“Янги Ўзбекистонда эл азиз, инсон азиз” деган эзгу ғояни рўёбга чиқаришда Сиз, тиббиёт фидойиларининг ҳам муносиб ҳиссангиз бор, албатта.

Чунки бугун соҳадаги барча янгиланишлар халқимизни рози қилишга қаратилган! Тиббиётни аҳолига янада яқинлаштириш учун бор имкониятлар ишга солинмоқда. “Инсон қадри учун” деган тамойил фаолиятимизнинг бош мезонига айланган.

Бу йўлда ўз ҳузур-ҳаловатидан кечиб, керак бўлса, жонини хатарга қўйиб, кечаю кундуз ўзгалар дардида елиб-югурадиган шарафли касб эгаларини халқимиз ҳам, давлатимиз ҳам ҳамиша ардоқлайди ва қўллаб-қувватлайди.

Тиббиётни янада халқчил тизимга айлантириш бундан кейин ҳам бош мақсадимиз бўлиб қолади. Бунга эришишда эгнига оқ халат кийиб, номи ва шаънини худди либосидек покиза сақлайдиган Сиз, азизларнинг меҳнатингизга суянамиз.

Муҳтарам соғлиқни сақлаш тизими ходимлари!

Истиқлолимиз шодиёнаси барчангизга муборак бўлсин! Ҳамиша эл ардоғида бўлиб юринг! Ҳеч қачон дард кўрманг! Хонадонингиз фақат қувончу шодликка тўлсин!

Беҳзод МУСАЕВ,
Соғлиқни сақлаш вазири.

@ssvuz | @ssvmatbuotkotibi |Facebook | Instagram Ochish/sharhlash

2022-08-31 19:11:02 Тиббиёт

“Тўртинчидан, соғлиқни сақлаш тизимида аҳолига янада сифатли ва малакали тиббий хизматлардан фойдаланиш имкониятини кенгайтирамиз.

Барча ҳудудларда шошилинч тиббий ёрдам қамровини ошириб, уни одамларга янада яқинлаштирамиз.

Мақсадимиз – халқимиз соғлом ҳаёт кечириши ва ўртача умр кўриш даражасини узайтиришга эришиш”, - деди Президентимиз.


@ssvuz | @ssvmatbuotkotibi |Facebook | Instagram Ochish/sharhlash

2022-08-31 17:48:26 "Фурсатдан фойдаланиб, ислоҳотларимизни фаол қўллаб-қувватлаб, уларни амалга оширишда доимо фидоийлик кўрсатиб келаётган меҳнаткаш, олижаноб ва бағрикенг халқимизга чин дилдан таъзим қиламан.

Сиз, азиз юртдошларимни Ўзбекистон мустақиллигининг ўттиз бир йиллик байрами билан яна бир бор қутлаб, барчангизга сиҳат-саломатлик, оилаларингизга бахту саодат, файзу барака тилайман.

Эзгу орзу-ниятларимиз амалга ошсин!

Яратганнинг ўзи барчамизни паноҳида асрасин!

Юртимиз тинч, халқимиз омон, Мустақиллигимиз абадий бўлсин!”, деди давлатимиз раҳбари сўзининг якунида.

Facebook|Instagram|Twitter Ochish/sharhlash

2022-08-31 17:48:26 "Албатта, бундай кенг кўламли вазифаларни амалга оширишда олдимизда турли қийинчилик ва муаммолар пайдо бўлиши табиий ҳол. Лекин ўз тарихида қанча-қанча синов ва машаққатларни бошидан кечирган мард ва матонатли халқимиз ҳар қандай қийинчиликни енгиб ўтишга қодир. Мен бунга қатъий ишонаман.

Асосий муаллифи ва ижодкори халқимиз бўлган – янгиланаётган Конституциямиз бу йўлда мустаҳкам ҳуқуқий асос бўлиб хизмат қилади.

Асосий қонунимизни шошилмасдан, чуқур ўйлаб, халқимиз билан маслаҳат қилиб, фақат умумхалқ референдуми асосида қабул қиламиз.

Ишончим комил, Янги Конституциямиз чинакам халқ Қомуси, чинакам халқ Конституцияси бўлади", деди Президент.

Facebook|Instagram|Twitter Ochish/sharhlash

2022-08-31 17:48:26 Президент ушбу юксак марраларга эришиш учун 2026 йилгача Тараққиёт стратегияси доирасида 5 та асосий вазифани белгилаб берди.

Биринчи - таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилади. Бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилади.

Иккинчи - ҳар қандай баҳсли масалага адолатли ечим фақат одил суд томонидан топилиши керак. Судьялар ишига ҳар қандай аралашув кескин жазоланади, уларнинг хавотирсиз ишлаши учун барча зарур шароитлар яратилади.

Учинчи - бизнесни ривожлантириш орқали қўшимча иш ўринлари яратилади, камбағаллик қисқаради, аҳоли даромадлари кўпаяди. Бунинг учун хусусий мулк ва тадбиркорликка халақит бераётган барча тўсиқлар бартараф этилади. Давлат бошқаруви ислоҳ қилиниб, иқтисодиётда давлат иштироки кескин камайтирилади.

Тўртинчи - соғлиқни сақлаш тизимида аҳолига янада сифатли ва малакали тиббий хизматлардан фойдаланиш имкониятини кенгайтирилади. Барча ҳудудларда шошилинч тиббий ёрдам қамрови оширилиб, одамларга янада яқинлаштирилади.

Бешинчи - аҳолини тоза ичимлик суви билан таъминлаш масаласи доимо диққат марказида бўлади. Соҳага жалб қилинаётган инвестициялар ҳажми кескин кўпайтирилади.

Facebook|Instagram|Twitter Ochish/sharhlash

2022-08-31 17:48:26 Давлатимиз раҳбари бугун Янги Ўзбекистон тараққиёт стратегияси жадал амалга ошираётганини таъкидлади.

"Янги Ўзбекистон:

– ҳар бир фуқаронинг ҳаётини янада яхшилаш мақсадида давлат хизматларидан фойдаланиш учун кенг имкониятлар берадиган;

– одамлар ўз муаммолари ҳақида очиқ гапириши ва уларнинг ечими учун биргаликда ҳаракат қилишларига барча шароитлар мавжуд бўлган;

– ҳамма учун адолатни сўзсиз таъминлаш имкониятини берадиган ҳамда фуқаролари ижтимоий мавқеидан қатъи назар, қонун олдида тенг бўлган;

– тадбиркорликнинг ривожланиши учун зарур шароитлар яратилган давлатдир.

Бир сўз билан айтганда, Янги Ўзбекистон деганда, ҳар бир фуқароси учун ғамхўрлик қиладиган, очиқ ва адолатли жамият ҳам тушунилади”, деди Президент.

Facebook|Instagram|Twitter Ochish/sharhlash

2022-08-31 17:48:26 Президент Шавкат Мирзиёев Ўзбекистон Республикаси давлат мустақиллигининг ўттиз бир йиллигига бағишланган тантанали маросимда нутқ сўзламоқда

Давлатимиз раҳбар сўзининг аввалида бутун халқимизни улуғ айём – Мустақиллик куни билан табриклади.

"Орадан йиллар, асрлар ўтади. Лекин миллий давлатчилигимизни, ўзлигимиз ва инсоний ҳақ-ҳуқуқларимизни тиклаб берган, барча ютуқ ва марраларимизнинг замини бўлган Мустақиллик куни биз учун, келгуси авлодларимиз учун доимо энг улуғ, энг азиз байрам бўлиб қолади", деди Президент.

Facebook|Instagram|Twitter Ochish/sharhlash

2022-08-31 13:51:14 Бугун Чилонзор туманида саломатлик акцияси ва сайёр тиббий қабуллар бўлиб ўтди.

Тошкент шаҳрида туманлар кесимида ўтказилаётган ушбу тадбирларда мамлакатимизнинг малакали мутахассислари томонидан аҳолига тиббий маслаҳатлар берилиб, зарур кўриклардан ўтказилиб, чуқурлаштирилган тиббий хизматга муҳтож беморларга имтиёзли йўлланмалар расмийлаштирилди.

Вазирлик мутасаддилари ва тиббиёт ходимлари тумандаги Катта Қозиработ маҳалласида аҳоли мурожаатларини қабул қилишди.

Соғлиқни соғлиқни вазирлиги
Матбуот хизмати.

@ssvuz | @ssvmatbuotkotibi |Facebook | Instagram Ochish/sharhlash

2022-08-31 10:55:37 Узбекистон Республикаси ССВги ташаббуси билан бошланган "Саломатлик акцияси" давом этмокда. Бугунги акция Яшнабод туманидаги 28-оилавий поликлиника худуди ахолиси учуе ташкил килинди. Ахоли куриги давомида Республика ИАТМарказ мутахассислари томонидан утказилмокда. Тиббий курикда мутахассислар тавсия ва маслахатлари каторида, баьзи беморларни айнан юкори технологияли жаррохлик амалиети учун маслахат- тавсиялари берилди ва 4 та беморга юкори технологик жаррохлик амалиети буйича согломлаштириш режалаштирилди. Ochish/sharhlash