Хитойда тезлиги соатига 600 км.га етадиган поезд намойиш этилди, деб хабар бермоқда Xinhua давлат ахборот агентлиги. Маълумотларга кўра, мазкур поезд ушбу хусусиятларга эга бўлган дунёдаги биринчи қуруқлик транспорти модели ҳисобланади. Поезднинг асосий хусусияти магнитли йўлакча бўлиб, у шовқинни камайтиради ва ҳаракат пайтида темир йўл юзасига тегмасликка имкон беради.
«Поезд ўнтагача вагондан ташкил топиши ҳамда 100 дан ортиқ йўловчини ташиши мумкин», — дейди лойиҳа бош муҳандиси Дин Саньсань.
Унинг сўзларига кўра, бу 1500 км.гача масофага саёҳат қилиш учун энг мақбул ечим.
@TrendUZB - энг сўнгги янгиликлар ва қизиқарли видеолар канали
