Travel Book

2022-08-04 12:21:30 #PismoBeach

Pismo Beach пляж шаҳри Калифорния марказий қирғоғида, Тинч океани соҳилида Сан-Франциско ва Лос-Анжелес ўртасида жойлашган. Мазкур пляжда дам олиш давомида қирғоқда голф ўйнаш, қумтепаларда сайр қилиш, отда сайр қилиш, сёрфинг билан шуғулланиш, бодибординг ёки балиқ овлаш мумкин.

Pismo Beach ажолиси айни пайтда 8,156 нафарни ташкил қилади. Пляжда турли байрамлар нишонланади. Бундан ташқари, қизиқарли тадбирлар ҳам ташкиллаштирилади.

PS: Мазза қилиб пешком юришли жойла… Атрофда маҳалла тинч, эрталаблари ўзгача туман бор… Ochish/sharhlash

2022-08-03 13:39:38 Сан Франдаги Market Street.

Деярли 5 км узунликдаги Маркет-стрит Сан-Францискодаги марказий кўчалардан биридир. Бу кўча соҳилдан бошланиб, осмонўпар бинолар, тарихий жойлар, офислар, ресторанлар ва дўконларни ўз ичига олган ҳолда, бутун шаҳар бўйлаб чўзилган.

Кўчада туристик ахборот маркази ҳам мавжуд. Кўплаб дўконлар ва савдо марказлари эса ҳеч кимнинг эътиборидан четда қолмаслиги аниқ. Уларда кўнглингизга ёққан ҳамма нарсани топа оласиз. Нархлари ҳам турлича, қимматбаҳо буюмлардан тортиб, ҳамёнбопларигача бор. Маркет-стрит бўйлаб пиёда ёки трамвайда сайр қилиш мумкин. Ochish/sharhlash

2022-08-01 22:15:14 Lombard Street Сан-Франциско шаҳридаги энг машҳур кўча. Ломбард кўчаси Калифорниянинг Сан-Франциско шаҳридаги 8 та кескин бурилишли тик кўчадир. Мазкур диққатга сазовор жой "дунёдаги энг қийшиқ кўча" номига ҳам эга. Бу кўчага 1922-йилда асос солинган. Бу кўчада юриш мутлақо бепул бўлиб, у нафақат машиналар қатнови учун, балки пиёда йўловчилар учун ҳам мўлжалланган. Ochish/sharhlash

2022-08-01 13:44:20 Golden Gate Bridge - Олтин дарвоза кўпригига ташриф…

———

Ўзининг гўзал манзалари билан бутун дунё сайёҳларини жалб қиладиган Олтин дарвоза кўприги Сан-Францисконинг ҳақиқий рамзи ҳисобланади. Осма кўприк Сан-Франциско шаҳри ва Саусалито яқинидаги Марин округини боғлайди. Олтин дарвоза Шимолий Калифорниянинг асосий автомагистрали вазифасини ҳам ўтайди ва АҚШнинг энг диққатга сазовор жойларидан бири сифатида танилган. Унинг узунлиги 2737 метр, баландлиги 230 метр, кенглиги 27 метр ва оғирлиги 894,5 минг тоннани ташкил қилади.

Афсуски, ўзининг ажойиб манзараларидан ташқари, Олтин дарвоза кўприги ўз жонига қасд қилувчиларни ҳам тез-тез жалб қилади. Ўртача ҳисоб-китобларга кўра, ҳар икки ҳафтада кимдир бу ерда ҳаёт билан хайрлашади. Норасмий маълумотларга кўра, 80 йилдан ортиқ вақт давомида кўприкдан 1250 га яқин одам сувга сакраган. Ochish/sharhlash

2022-08-01 11:44:26 Пирс 39 - Pier 39

Пирс 39 - Сан-Францискодаги энг кўп ташриф буюриладиган сайёҳлик жойларидан биридир. У йирик кўнгилочар мажмуа бўлиб, у ерда сайёҳларнинг дам олиши ва бўш вақтини ўтказиши учун жуда кўп жойлар мавжуд.

Пирсда кўплаб сувенир дўконлари, ресторан ва кафелар, кинотеатрлар, ўйин марказлари ва аттракционлар бор ва тез-тез кўча томошалари ташкил этилади. Айниқса Forbes Island ресторани кўпчиликка манзур бўладиган жойлардан.

Аммо кўприк устунлари устидаги ёғочларни ўзига уй қилиб олган денгиз мушуклари (тюленлар) ташриф буюрганлар учун кутилмаган манзара бўлади.

Уларнинг сони доим ўзгариб турар, Баъзан тюленлар овқат излаб пирсни тарк этишар, аммо баҳорда яна қайтиб келишар экан. У ерда тахминан 1500 га яқин денгиз мушуги борлигини таъкидлашди.

ПС: Бу ерда жўда кўп мартта бўлганим сабаб денгиз мушукларини расмга олиш хаёлдан кўтарилибти… Ochish/sharhlash

2022-07-31 16:57:32 San Franciscoda kun botishi…

PS: Kanalimiz shunaqa formatda davom etishi ham qiziq ekan… :) Ochish/sharhlash

2022-07-31 11:54:57 Okean ortida ham osh bor. Guruch lazer emas, oddiygina pokistonliklarni Basmatisi. Ochish/sharhlash

2022-07-31 10:35:49 “The heart of man is very much like the ocean, it has its storms, it has its tides and in its depths it has its pearls too” - Vincent van Gogh

-

Bugun Kaliforniya shtatining Pacifica hududida edik. Okean bo’yida sayr qilib yaqinlar bilan osh qildik. Dam olish kunini o’z yaqinlaringiz bilan o’tkazishingizda boshqacha zavq bor. Ochish/sharhlash