Ака келинг Уйим тури хувуллаб қолган, Тўрт девордан чиқмайди | To‘y Bob She'rlar ✔️

Ака келинг

Уйим тури хувуллаб қолган,
Тўрт девордан чиқмайди садо.
Зор кўзларим тикилиб толган.
Ичимдан бир чорлайди нидо.

Ака келинг жон отам бўлиб,
Опа келинг жон онам бўлиб.

Ярим кунглим соғинчдан безор,
Кутар хануз эшикка боқиб,
Қувонч тўлмас тунлари бедор,
Йўлингизга нам киприк қоқиб.

Ака келинг жон отам бўлиб,
Опа келинг жон онам бўлиб.

Дийдоримиз армон бўлмасин,
Беш кунлик бу ёлғон дунёда.
Исёнчилар хаддан кулмасин,
Бегонадек юрсак хар ёнда.

Ака келинг жон отам бўлиб,
Опа келинг жон онам бўлиб.

Ташвишларни чеккага суриб,
Давраларни хўп қизитайлик.
Дилдан овунч суҳбатлар қуриб,
Болаликка яна қайтайлик.

Ака келинг жон отам бўлиб,
Опа келинг жон онам бўлиб.

Тиловатни зиё таратсак,
Ота-онам рухи шодланар.
Гиналарни нари аритсак,
Ўртамизда меҳр қадланар.

Ака келинг жон отам бўлиб,
Опа келинг жон онам бўлиб.

Юсупова Зулфия.

➢ 𝙏𝙖𝙧𝙦𝙖𝙩𝙞𝙣𝙜𝙡𝙖𝙧 ➢

➥DÒSTLARGA YUBORING


@Toy_bob_sherlar

@Bayramlar_Uchun_Tabriklar