2021-01-31 12:10:13
Ўлат (нюкасл касаллиги, чума) касаллиги ва уни олдини олиш йўллари
ЎЛАТ (НЮКАСЛ КАСАЛЛИГИ, ЧУМА)– товуксимонлар авлодига мансуб паррандаларнинг ўткир кечадиган жуда юкумли касаллиги булиб, пневмония, энстефалит белгилари хамда турли аъзоларда нуқтасимон қон қуюлишлар кузатилиши билан намоён булади.
Белгилари. Касалликнинг яширин даври 1-5 кун, баъзан 17 кунгача давом этади. Касаллик кўпинча ўткир хамда ярим ўткир ва сурункали тарзда кечади. Касал паррандаларда тана хароратини +44°С гача кўтарилиши, иштахани йўқолиши, бошини пастга қилиб туриш, кўзни жарохатланиши (конъюнктивит), йўтал, акса уриш, беўхшов товуш чиқариш қалтираш, айланма харакат, қанот ва оёқларнинг фалажланиши, касалликнинг 3-5 кунларида кўплаб ўлим кузатилади.
Олдини олиш ва қарши курашиш чоралари. Касаллик аниқланган товукчилик хужаликларида карантин белгиланиб. мавжуд юриқномаларга риоя қилинади.
Республикамизнинг товуқчилик хўжаликларида Нюкасл касаллигининг олдини олиш мақсадида режали равишда ва махсус схема асосида профилактик эмлаш тадбирлари ўтказилади. Бунинг учун эпизоотик холатни иноботга олган холда «Ла-Сота» ёки «Н» штаммли вакциналардан фойдаланилади. Товукчилик хўжалиги ўлат касаллиги бўйича согълом хисобланса «Ла-Сота» штаммли эмлама жўжаларнинг 12-14 кунлик, 30-40 кунлик ва 80-85 кунлик ёшида эмламани қўллаш юриқномасига кўра, жўжаларнинг ҳар иккала бурун тешикларига бир томчидан томизиш усулида эмланади.
Нюкасл касаллиги бўйича носогълом хўжаликларда дастлаб «Ла-Сота» штамми билан 2 марта эмлаш ўтказилиб, 3- марта эмлашда «Н» штамми билан эмланади. Эмламанинг 100 дозаси 100 мл физиологик эритмада эритилиб, парранданинг туши ёки сони мускулига 0,5-1 мл микдорида инъексия қилинади. 14 кундан кейин паррандалардан олинган кон зардобидаги антителалар турини аниклаш билан иммунитет даражаси аникланади ва шунга кўра, талаб этилганда такрорий эмлаш ўтказилади. Қайта мажбурий эмлашга эхтиёж бўлмаса ҳар 6 ойда бир марта эмлаш такрорланиб турилади.
Нюкасл касаллигида самарали даволаш усуллари ишлаб чикилмаган, шунинг учун умумий ветеринария-профилактик тадбирларига қатъий риоя этилиши лозим.
Каналга обуна бўлинг
https://t.me/joinchat/AAAAAD_YRDy5AGypr6TnwA
дўстларингизни ҳам таклиф қилишни унутманг
555 viewsСарварбек Жабборов, 09:10
T
