Eksport jarayonidagi muammolar qay tarzda bartaraf etilmoqda? | Shaharses.uz | Rasmiy kanal

Eksport jarayonidagi muammolar qay tarzda bartaraf etilmoqda?

Hozirgi kunda davlatimiz tomonidan eksportyor korxonalarga juda ko‘p qulayliklar ajratilgan bo‘lib, ushbu oziq-ovqat mahsulotlari ishlab chiqaruvchi lekin eksport bilan shug‘ullanmaydigan korxonalarimiz ishlab chiqargan mahsulotlarini chetga sotishiga hamda o‘z salohiyatlarini bir muncha darajaga oshirilishiga zamin yaratadi.

Xususan, O‘zbekiston Respublikasi Prezidenti raisligida joriy yilning 13 iyun kuni bo‘lib o‘tgan standartlashtirish va sertifikatlashtirish sohalariga bag‘ishlangan yig‘ilishda belgilangan vazifalardan kelib chiqib, eksportyor korxonalarni qo‘llab-quvvatlash va eksport salohiyatini oshirishga doir chora-tadbirlarni amalga oshirish maqsadida, bir qator ishlar amalga oshirildi:

Sanepidqo‘m Toshkent shahar boshqarmasi tomonidan O‘zbekiston Respublikasida eksport salohiyatini oshirish maqsadida, eksportyor korxonalarni qo‘llab-quvvatlash shtabi tuzilgan bo‘lib, Shayxontoxur tuman mutaxassislari doimiy ravishda eksportyor korxonalar bilan faoliyat olib bormoqda. Eksportyor korxonalarni qo‘llab-quvvatlash shtabi tomonidan 2 guruh korxonalar ro‘yxati tuzilgan bo‘lib, bugungi kunda Shayxontoxur tumanida oziq-ovqat va qishloq xo‘jalik mahsulotlari eksporti bilan shug‘ullanadigan eksportyor korxonalari 9 tani tashkil qiladi. Eksport bilan shug‘ullanmaydigan korxonalar soni esa 7 tani tashkil etmoqda.

Sanepidqo‘m Toshkent shahar boshqarmasi Shayhontoxur tuman bo‘limi mutaxassislari tomonidan doimiy ravishda korxonalarning mahsulotlarini eksport qilish jarayonida kelib chiqadigan muammolar va takliflari o‘rganilib, boshqarma mas’ullariga yetkazilmoqda hamda tadbirkorlarni qo‘llab quvatlashga doir chora-tadbirlarni olib borilmoqda. Sanitariya-gigiyenik talablarga javob bermaydigan korxonalarga soha mutaxassislari tomonidan tegishli ko‘rsatmalar berilib, muammolarning yechimi bo‘yicha amaliy yordamlar ko‘rsatilmoqda.

Telegram: @toshsanepid
Instagram: shaharses.uz
Vebsayt: shaharses.uz




Экспорт жараёнидаги муаммолар қай тарзда бартараф этилмоқда?


Ҳозирги кунда давлатимиз томонидан экспортёр корхоналарга жуда кўп қулайликлар ажратилган бўлиб, ушбу oзиқ-овқат маҳсулотлари ишлаб чиқарувчи лекин экспорт билан шуғулланмайдиган корхоналаримиз ишлаб чиқарган маҳсулотларини четга сотишига ҳамда ўз салоҳиятларини бир мунча даражага оширилишига замин яратади.

Хусусан, Ўзбекистон Республикаси Президенти раислигида жорий йилнинг 13 июнь куни бўлиб ўтган стандартлаштириш ва сертификатлаштириш соҳаларига бағишланган йиғилишда белгиланган вазифалардан келиб чиқиб, экспортёр корхоналарни қўллаб-қувватлаш ва экспорт салоҳиятини оширишга доир чора-тадбирларни амалга ошириш мақсадида, бир қатор ишлар амалга оширилди:

Санэпидқўм Тошкент шаҳар бошқармаси томонидан Ўзбекистон Республикасида экспорт салоҳиятини ошириш мақсадида, экспортёр корхоналарни қўллаб-қувватлаш штаби тузилган бўлиб, Шайхонтохур туман мутахассислари доимий равишда экспортёр корхоналар билан фаолият олиб бормоқда. Экспортёр корхоналарни қўллаб-қувватлаш штаби томонидан 2 гуруҳ корхоналар рўйхати тузилган бўлиб, бугунги кунда Шайхонтохур туманида озиқ-овқат ва қишлоқ хўжалик маҳсулотлари экспорти билан шуғулланадиган экспортёр корхоналари 9 тани ташкил қилади. Экспорт билан шуғулланмайдиган корхоналар сони эса 7 тани ташкил этмоқда.

Санэпидқўм Тошкент шаҳар бошқармаси Шайҳонтохур туман бўлими мутахассислари томонидан доимий равишда корхоналарнинг маҳсулотларини экспорт қилиш жараёнида келиб чиқадиган муаммолар ва таклифлари ўрганилиб, бошқарма масъулларига етказилмоқда ҳамда тадбиркорларни қўллаб қуватлашга доир чора-тадбирларни олиб борилмоқда. Санитария-гигиеник талабларга жавоб бермайдиган корхоналарга соҳа мутахассислари томонидан тегишли кўрсатмалар берилиб, муаммоларнинг ечими бўйича амалий ёрдамлар кўрсатилмоқда.


Телеграм: @toshsanepid
Инстаграм: shaharses.uz
Вебсайт: shaharses.uz