ИИБ ходимининг беморга куч ишлатгани тўғрисидаги видеолавҳа юз | TOSHLOQLIKLAR-RASMIY

ИИБ ходимининг беморга куч ишлатгани тўғрисидаги видеолавҳа юзасидан баёнот берилди

Сурхондарё вилояти прокуратураси ижтимоий тармоқларда тарқалган ИИБ ходимининг тиббий даволаш муассасасидаги беморга жисмоний куч ишлатгани тўғрисидаги видеолавҳа юзасидан расмий баёнот берди.

Аниқланишича, жорий йилнинг 6 май куни Сурхондарё вилояти, Музработ тумани “Шаффоф” маҳалласида яшовчи С. Ж. туман ИИБга мурожаат қилиб, шу куни туманнинг “Янги хаёт” маҳалласида яшовчи фуқаро  У. П. маст ҳолда яшаш уйига келиб унинг тинчлигини бузаётганлиги ҳақида берган хабарига асосан профилактика инспектори борган вақтда У.П. воқеа жойидан қочиб кетган.

Сўнгра, профилактика инспектори уни топиб, туман Тиббиёт бирлашмасидаги вақтинчалик мастлик ҳолатида бўлган шахсларга тиббий ёрдам кўрсатиш пунктига олиб бориб жойлаштирган.

Прокуратуранинг қўшимча қилишича, мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.

Rasmiy TOSHLOQLIKLAR kanaliga a’zo bo’lish

https://t.me/+6WMEfIl6Ke05OTJi