Тошлоқ тумани ҳокимлиги (расмий)

2022-08-31 18:20:48 ҲУРМАТЛИ ТОШЛОҚЛИКЛАР!

Мустақиллик байрами мана 31 йилдирки халқимизнинг энг ардоқли, шукуҳли байрами сифатида нишонлаб келинмоқда. Ҳар биримиз учун қадрли бўлган, ҳаётимизда кескин бурилишларга сабаб бўлган Истиқлолга эришибмизки унинг тантаналари кунида ўтган даврда қилинган ишлар, амалга оширилган режалар рўёби, ҳаётимизда юз бераётган ўзгаришлар ва юксалишлар яна бир бор сарҳисоб этилади. Аҳолини рози қилиш, эртанги кунга умиди ва ишончини оширишда юртдошларимизга яратиб берилаётган имтиёз ва имкониятлар, шарт-шароитлар катта роль ўйнайди, албатта.

Бу борада туманимизда ҳам қатор хайрли ишлар амалга ошириб келинмоқда. Аҳолини уй-жой билан таъминлаш мақсадида Ахшак маҳалласи ҳудудида янги массив барпо этилиб жорий йилнинг ўзида 12 та қўп қаватли 270 хонадондан иборат уй-жойлар фойдаланишга топширилди. “Обод қишлоқ”, “Обод маҳалла” дастурлари доирасида нафақат Хонақа, Найманбўстон фуқаролар йиғинлари ҳудудида, балки туманимизнинг барча ҳудудларида давлат бюджети ва хомийлар маблағлари ҳисобига кенг миқёсда қурилиш-ободонлаштириш ишлари олиб борилмоқда. Эҳтиёжманд аҳоли қатламини қўшимча даромадлар билан таъминлаш, хотин-қизлар, айниқса ёшларни банд этиш мақсадида йил бошида 2200 нафар фуқарога 330 гектар ер деҳқончилик қилиш мақсадида ажратиб берилган бўлса яқинда буғдойдан бўшаган майдонлардан 1850 нафар фуқарога 20 сотихдан такрорий экин экиш учун ер ажратиб берилди.

Кўриниб турибдики юқоридаги сингари эзгу ишларнинг ҳар бири ортида инсонлар манфаати ётибди. Дарҳақиқат ҳар бир юртдошимиз ана шундай эътибор ва ғамхўрликка ҳамиша сазовор экан унинг эртанги кунига ишончи ортади. Юртимиздаги ижобий ўзгаришларга ўз ҳиссасини қўшиш туйғуси шаклланади.

Туманимиз аҳлини Мустақиллигимизнинг 31 йиллик байрами билан чин юракдан муборакбод этаман. Хонадонларимиздан файз-барака, тинчлик-осойишталик асло аримасин.

Ҳурмат билан,
Абдуқаҳҳор ДЖУРАБАЕВ,
Тошлоқ тумани ҳокими. Ochish/sharhlash

2022-08-31 18:20:48 Ochish/sharhlash

2022-08-31 17:48:04 "Фурсатдан фойдаланиб, ислоҳотларимизни фаол қўллаб-қувватлаб, уларни амалга оширишда доимо фидоийлик кўрсатиб келаётган меҳнаткаш, олижаноб ва бағрикенг халқимизга чин дилдан таъзим қиламан.

Сиз, азиз юртдошларимни Ўзбекистон мустақиллигининг ўттиз бир йиллик байрами билан яна бир бор қутлаб, барчангизга сиҳат-саломатлик, оилаларингизга бахту саодат, файзу барака тилайман.

Эзгу орзу-ниятларимиз амалга ошсин!

Яратганнинг ўзи барчамизни паноҳида асрасин!

Юртимиз тинч, халқимиз омон, Мустақиллигимиз абадий бўлсин!”, деди давлатимиз раҳбари сўзининг якунида.

Facebook|Instagram|Twitter Ochish/sharhlash

2022-08-31 17:47:31 "Албатта, бундай кенг кўламли вазифаларни амалга оширишда олдимизда турли қийинчилик ва муаммолар пайдо бўлиши табиий ҳол. Лекин ўз тарихида қанча-қанча синов ва машаққатларни бошидан кечирган мард ва матонатли халқимиз ҳар қандай қийинчиликни енгиб ўтишга қодир. Мен бунга қатъий ишонаман.

Асосий муаллифи ва ижодкори халқимиз бўлган – янгиланаётган Конституциямиз бу йўлда мустаҳкам ҳуқуқий асос бўлиб хизмат қилади.

Асосий қонунимизни шошилмасдан, чуқур ўйлаб, халқимиз билан маслаҳат қилиб, фақат умумхалқ референдуми асосида қабул қиламиз.

Ишончим комил, Янги Конституциямиз чинакам халқ Қомуси, чинакам халқ Конституцияси бўлади", деди Президент.

Facebook|Instagram|Twitter Ochish/sharhlash

2022-08-31 17:47:31 Президент ушбу юксак марраларга эришиш учун 2026 йилгача Тараққиёт стратегияси доирасида 5 та асосий вазифани белгилаб берди.

Биринчи - таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилади. Бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилади.

Иккинчи - ҳар қандай баҳсли масалага адолатли ечим фақат одил суд томонидан топилиши керак. Судьялар ишига ҳар қандай аралашув кескин жазоланади, уларнинг хавотирсиз ишлаши учун барча зарур шароитлар яратилади.

Учинчи - бизнесни ривожлантириш орқали қўшимча иш ўринлари яратилади, камбағаллик қисқаради, аҳоли даромадлари кўпаяди. Бунинг учун хусусий мулк ва тадбиркорликка халақит бераётган барча тўсиқлар бартараф этилади. Давлат бошқаруви ислоҳ қилиниб, иқтисодиётда давлат иштироки кескин камайтирилади.

Тўртинчи - соғлиқни сақлаш тизимида аҳолига янада сифатли ва малакали тиббий хизматлардан фойдаланиш имкониятини кенгайтирилади. Барча ҳудудларда шошилинч тиббий ёрдам қамрови оширилиб, одамларга янада яқинлаштирилади.

Бешинчи - аҳолини тоза ичимлик суви билан таъминлаш масаласи доимо диққат марказида бўлади. Соҳага жалб қилинаётган инвестициялар ҳажми кескин кўпайтирилади.

Facebook|Instagram|Twitter Ochish/sharhlash

2022-08-31 17:47:31 Давлатимиз раҳбари бугун Янги Ўзбекистон тараққиёт стратегияси жадал амалга ошираётганини таъкидлади.

"Янги Ўзбекистон:

– ҳар бир фуқаронинг ҳаётини янада яхшилаш мақсадида давлат хизматларидан фойдаланиш учун кенг имкониятлар берадиган;

– одамлар ўз муаммолари ҳақида очиқ гапириши ва уларнинг ечими учун биргаликда ҳаракат қилишларига барча шароитлар мавжуд бўлган;

– ҳамма учун адолатни сўзсиз таъминлаш имкониятини берадиган ҳамда фуқаролари ижтимоий мавқеидан қатъи назар, қонун олдида тенг бўлган;

– тадбиркорликнинг ривожланиши учун зарур шароитлар яратилган давлатдир.

Бир сўз билан айтганда, Янги Ўзбекистон деганда, ҳар бир фуқароси учун ғамхўрлик қиладиган, очиқ ва адолатли жамият ҳам тушунилади”, деди Президент.

Facebook|Instagram|Twitter Ochish/sharhlash

2022-08-31 17:42:56 Айни дақиқаларда “Янги Ўзбекистон” боғида Мустақиллик байрамига бағишланган тантанали тадбир бошланди.

Унда Президент Шавкат Мирзиёев нутқ сўзламоқда.

Тадбирдан онлайн трансляцияни Президент матбуот хизматининг Facebook ижтимоий тармоғи, YouTube видеохостингидаги саҳифаларида томоша қилишингиз мумкин. Ochish/sharhlash

2022-08-31 17:41:37 БУГУН ТОШЛОҚ ТУМАНИДА “ЯНГИ ЎЗБЕКИСТОНДА ЭЛ АЗИЗ, ИНСОН АЗИЗ!” ШИОРИ ОСТИДА ХАЙРИЯ ТАДБИРИ ЎТКАЗИЛДИ.

Мустақиллигимизнинг 31 йиллиги байрами муносабати билан эҳтиёжманд оилалар фарзандларига бепул мактаб формалари топширилди.

Туман ҳокимлиги ташаббуси билан тумандаги умумтаълим мактабларида таҳсил олувчи 250 нафар кам таъминланган ҳамда “Темир дафтар”, “Аёллар дафтари” ҳамда “Ёшлар дафтар”лари рўйхатида турувчи оилаларнинг фарзандларига ягона мактаб формалари бепул совға қилинди.

Тадбирда иштирок этган туман ҳокими А.Джурабаев ҳамда сектор раҳбарлари юртимизда ҳеч ким меҳр ва эътибордан четда қолмаслигини таъкидлаб, болалар ва уларнинг яқинларини байрам билан қутладилар.

Sayt |Telegram |Facebook |You Tube Ochish/sharhlash

2022-08-31 16:52:13 БАЙРАМ МУНОСАБАТИ БИЛАН НОГИРОНЛАРГА ЁРДАМ КЎРСАТИЛДИ

Тошлоқ тумани Тиббий ижтимоий хизматларни ривожлантириш бўлими томонидан Ўзбекистон Республикаси мустақиллигининг 31 йиллиги муносабати билан тумандаги ногиронларнинг 12 нафарига реабилитация қилишнинг техник воситалари, 6 нафарига ногиронлик аравачаси, 4 нафарига эшитиш мосламаси берилди.

Бундан ташқари ҳомийлар ёрдамида якка ёлғиз кексаларнинг 35 нафарига озиқ-овқат маҳсулотлари тарқатилди.

Байрам кунлари бу каби хайрли ишлар давом эттирилмоқда.

Sayt |Telegram |Facebook |You Tube Ochish/sharhlash

2022-08-31 16:52:13 Ochish/sharhlash