2022-йил сентябрдан Фарғона вилоятида ўқитувчилар учун мавжуд устамаларга қўшимча равишда Вилоят Ҳокимлигининг махсус устамаси жорий этилади. Хоким Хайрулло Бозоров Фарғона вилоятини ижтимоий-иқтисодий ривожлантириш бўйича жорий йилда амалга оширилган ишлар ва 2022 йил учун белгиланган энг устувор йўналишларга бағишланган мурожаатномасида ўқитувчилар учун махсус устама жорий этилишини маълум қилди. Бу устама бир ўқув йили давомида тўлаб борилади, унинг талаблари ҳамда низоми ишлаб чиқилиб, барча педагогларга етказилади.
