АҚШ аэропортида ичида 126 киши бўлган самолёт ёниб кетди
Доминикан Республикасининг “Red Air” авиакомпаниясига тегишли самолёт Флорида штатидаги Маями халқаро аэропортига қўнганидан сўнг, ёниб кетди. Бу ҳақда NBC хабар берди.
Қайд этилишича, кеча, 21 июнь куни самолёт маҳаллий вақт билан соат 17:30 атрофида аэропортга қўнган. Шундан сўнг, олдинги шасси ишламай қолган ва самолёт ёниб кетган, бироқ ёнғин тезда ўчирилган.
Самолёт бортида 126 киши бўлган. Аэропорт вакилининг маълум қилишича, уч киши енгил тан жароҳати олиб, шифохонага етказилган. Қолган йўловчилар автобусда терминалга олиб борилган.
https://t.me/toshkentliklar_24_7
