2022-04-13 11:40:45
Yo‘l harakati qoidalari yangilandi
Vazirlar Mahkamasi yangi tahrirdagi yo‘l harakati qoidalarini tasdiqladi. Yangi qoidalar 1-maydan kuchga kiradi.
Asosiy o‘zgarishlar:
nafaqat haydovchi, balki uning yonida (old o‘rindiqda) o‘tirgan yo‘lovchilar ham endi avtomobil yurmasidan oldin xavfsizlik kamarini taqishi majburiy bo‘ldi;
maktab va bog‘chalar atrofidagi yo‘llarda 300 metrgacha masofada tezlikni 30 km/soatdan oshirish taqiqlandi; mahallalar ichida esa maksimal tezlik 20 km/soat deb belgilandi;
yangi tashkil etilgan Yo‘l harakati xavfsizligi respublika komissiyasiga yangi vakolat berildi: komissiya Toshkent va Nukus shaharlari hamda viloyatlar markazlarining qatnov yuqori va aholi gavjum joylarida tezlikni 60 km/soatgacha cheklash huquqiga ega bo‘ldi;
qayrilib olish joylarida va unga 30 metr yetmasdan yoki o‘tib to‘xtash taqiqlandi;
yuk avtomobillari yo‘lning faqat o‘ng qatnov qismidan
harakatlanishi shart deb belgilandi
(qoidalarda belgilangan ayrim istisnolardan tashqari);
velosipedchilar – agar ular qorong‘ida va yetarlicha ko‘rinmaydigan sharoitda, velosiped yo‘lkasi bo‘lmagan holda yo‘lning qatnov qismida harakatlanayotgan bo‘lsa, nur qaytargichli kamzulda
yoki nur qaytaruvchi elementlar bo‘lgan ustki kiyimda bo‘lishi shart;
yengil avtomobilda tashilayotgan yukning balandligi 1 metrdan (maxsus moslama yordamida velosiped tashish bundan mustasno) va uzunligi avtomobilning gabaritidan 0,5 metrdan oshmasligi shart.
@toshkentahli24
95 views08:40