Янги таҳрирдаги қонун билан нималар ўзгарди | Тўрақўрғон тумани ҳокимлиги |расмий канали

Янги таҳрирдаги қонун билан нималар ўзгарди

Бугун кенг ва шинам автомобил йўллари, савдо ва маиший хизмат кўрсатиш шохобчалари, йирик ҳажмдаги савдо уйлари томон йўлингиз тушса, ташқи тасвирий воситалар, бунда йирик ҳажмдаги лет мониторлар-у баннерлар тасаввурингизда кўча юзини безагандек гўё. Кенг ҳажмда катта қилиб ёзилган пештоқ ёзувлари эса инсон хаёлини чалкаштириб юборади.

2022 йил 7 июнда қабул қилинган Қонуннинг 6-моддаси “Рекламанинг тили” бўлиб, у қуйидагича:
Ўзбекистон Республикаси ҳудудида реклама Ўзбекистон Республикасининг давлат тилида тарқатилади реклама мазмунининг бошқа тиллардаги таржимаси матни унинг Ўзбекистон Республикаси давлат тилидаги асосий маъносини бузиб кўрсатмаслиги керак; ташқи реклама орқали жойлаштириладиган рекламанинг бошқа тиллардаги таржимаси матни Ўзбекистон Республикаси давлат тилидаги реклама матнининг пастки қисмида горизонтал ҳолда жойлаштирилиши ва умумий реклама майдонининг қирқ фоизидан ошмаслиги керак;
рекламанинг бошқа тиллардаги таржимаси матни ҳарфининг ўлчами Ўзбекистон Республикаси давлат тилидаги реклама матни ҳарфининг ўлчамидан кичик бўлиши керак. Ташқи рекламани йўлнинг қатнов қисмига чиқариб ўрнатиш, моддий маданий мерос объектларига, ҳаракатни тартибга солувчи қурилмага (йўл белгилари, светофорлар ва бошқ.) ўрнатиш тақиқланади. Юқоригилардан келиб чиқиб, туманимиздаги реклама воситаларидан фойдаланаётган ҳар бир тадбиркор ушбу Қарор лойиҳасига ўз эътиборини қаратиши ҳамда Қарордан келиб чиқиб, реклама воситаларини давлат тилида яъни ўзбек тилида лотин ёзувида ёритиб боришини тавсия қилиб қоламан.

Туман ҳокимининг маслаҳатчиси Ҳ.Маҳмудова