Get Mystery Box with random crypto!

TOMCHI

Telegram kanalining logotibi tomchikanali — TOMCHI T
Telegram kanalining logotibi tomchikanali — TOMCHI
Kanal manzili: @tomchikanali
Toifalar: Hayvonlar , Maslahatlar
Til: Oʻzbek tili
Mamlakat: Oʻzbekiston
Obunachilar: 1.87K
Kanalning ta’rifi

TOMCHI - Сув тежашда ёрдамчи.
Савол ва таклифлар бўйича мутахассислар билан алоқа: @tomchiguruhi
“TOMCHI” мобил иловасини ўрнатиб олиш: https://nwrmp.uz/link.html

Ratings & Reviews

2.00

2 reviews

Reviews can be left only by registered users. All reviews are moderated by admins.

5 stars

0

4 stars

0

3 stars

0

2 stars

2

1 stars

0


Oxirgi xabar

2022-09-01 14:03:00 Пахта майдонларида томчилатиб суғориш технологиясини жорий қилган қишлоқ хўжалиги маҳсулотлари етиштирувчилари учун зарурий тавсиялар

суғориш мавсуми тугагандан сўнг, ховуз тубини ҳар хил чўкиндилардан тозалаб атрофини ҳимоялаш, бунда ўткир жинсли иш куролларидан фойдаланиш тавсия этилмайди;

дискли ва тўрли ювиш учун одатда уларнинг картриджлари ечиб олинади ва картридж устида йиғилган лойқа ва оқизиқларни тоза сув билан ювилади, тозаланган картридж яна қайтадан ўз жойига ўрнатиб қўйилади;

гидроциклон ва гидравлик фильтрларни тоза сув билан яхшилаб ювиш, қумли фильтрларни қумини алоҳида олиб, тоза сувда ювиш ва изоляция қилган ҳолда хавфсиз қуруқ жойда сақлаш;

суғориш мавсуми якунида томизғичли шлангларда қотган тузларни эритиш ва ёпишган сув ўтларини чиқариб юбориш учун шлангларга азот кислотасининг 2-3 фоизли эритмаси юборилади ва маълум вақт ўтгандан кейин томизғичли шлангларни охири очилиб, эритимани оқиб чиқишига имконият яратилади ҳамда шланглар штуцерлардан ажратган ҳолда ўрам шаклида йиғиб олиш;

магистрал ва тарқатувчи қувурларни йилида 2 марта, 1-марта суғориш мавсумидан олдин, 2-марта суғориш мавсуми якунлангандан кейин ювиш зарур, бунинг учун тарқатувчи қувурларнинг охиридаги ёпгичлар очилиб тизим қувурларидан сувни 2-3 минут давомида эркин оқиб чиқиши юзага келтирилади ҳамда тиниқ сув чиқишни бошлаганда қувурни ёпгичи яна жойига ўрнатилиб, тизимнинг герметиклигини таъминлаш;

насос ва двигателларни жорий таъмирлаб, техника хавфсизлиги қоидаларига қатъий риоя қилган ҳолда электр тармоғидан узиш ҳамда қуруқ ва хавфсиз жойда сақлаш;

ер ости магистрал қувурларда ювиш тадбирлари тугагандан сўнг, гидрантларни устини нам ўтказмайдиган восита билан ўраш;

магистрал (ер усти), тарқатувчи қувурлар ҳамда томизғичли шлангларни нес-нобуд қилмасдан ўз вақтида йиғиштириб олиш ҳамда куз-қиш мавсумида нам тегмайдиган қуруқ жойда (омборда) сақлаш;

магистрал (ер усти), тарқатувчи қувурлар ҳамда томизғичли шлангларни нес-нобуд қилмасдан ўз вақтида йиғиштириб олиш ҳамда куз-қиш мавсумида нам тегмайдиган қуруқ жойда (омборда) сақлаш;

Каналга уланиш: @tomchikanali

Саволлар: @tomchiguruhi

"TOMCHI" - ни ўрнатиш: https://nwrmp.uz/link.html
411 views11:03
Ochish/sharhlash
2022-09-01 12:01:20 Organik mahsulotlarni ishlab chiqarishda Standartlar va sertifikatlangan mahsulotlar turlari

Respublikasmizda qishloq xo‘jaligi va oziq-ovqat sanoati korxonalari tomonidan sifat menejmenti talablari asosida 2020-yildan bugungi kungacha jami 34 ta “Organic” sertifikati olingan. Bu yetishtirilayotgan mahsulotlar turlari quyidagicha:

paxta, loviya, bug‘doy, pomidor, qayta ishlangan paxta (tekstil mahsulotlari), turli xil sellyuloza qog‘ozlari, dorivor o‘simliklar, kovul, quritilgan uzum, quritilgan gilos, uzum, bodom yog‘i, bodom, o‘rik, o‘rik yog‘i, qora mayiz, quritilgan mayda kesilgan o‘rik, quritilgan butun o‘rik, “Sulton” mayizlari, “Tompson” mayizlari, uzum, oddiy mayiz va boshqa mahsulotlar.

Respublikasmizda qishloq xo‘jaligi va oziq-ovqat sanoati korxonalari tomonidan sifat menejmenti talablari asosida 2020-yildan bugungi kungacha jami 239 ta “Global G.A.P.” sertifikati olingan. Ularda yetishtirilayotgan mahsulotlar turlari quyidagicha:

uzum, sarimsoqpiyoz, olma, gilos, pomidor, mosh, kapers, qalampir, ukrop, qovun, tarvuz, limon, muzlatilgan meva-sabzavot mahsulotlari, nektarin, nok, shaftoli, olxo‘ri, anor, bodring, piyoz, bulg‘or qalampiri, baqlajon, brokkoli karami, gulkaram, salat bargi, o‘rik, malina va boshqalar.

Manba:

Каналга уланиш: @tomchikanali

Саволлар: @tomchiguruhi

"TOMCHI" - ни ўрнатиш: https://nwrmp.uz/link.html
470 views09:01
Ochish/sharhlash
2022-09-01 12:01:20
393 views09:01
Ochish/sharhlash
2022-09-01 09:59:59
Лавлаги етиштиришда полиз шираси

Полиз шираси юмшоқ танали майда ҳашаротлар, етук зотининг катталиги 2.5-4 мм. га тенг. Шираларнинг икки шакли мавжуд: қанотсиз ва қанотли. Мавсум давомида 20-26 та бўғим беради. Лавлаги экин майдонларида кенг тарқалиб баргларни орқа томонида жойлашиб ширасини сўради. Қаттиқ зарарланган баргларнинг шакли ўзгаради ва буралиб қолади.

Агротехник кураш чоралари: Алмашлаб экишни ташкил этиш.

Кимёвий кураш чоралари: таъсир этувчи моддаси (ацетамиприд) Моспилан, протектор, нестор, 20% н.кук. – 0,02-0,03 л/га, (дельтометрин) Делцис 2,5% -0,15л/га, децис 10%-0,035л/га, (имидоаклоприд) Конфидор, багира, когинор, компрадор 20% к.э. – 0,05 л/га, препаратлардан биронтасини сувда яхшилаб аралаштириб, пуркаш тавсия қилинади.

Каналга уланиш: @tomchikanali

–Саволлар: @tomchiguruhi


– "TOMCHI" - ни ўрнатиш: https://nwrmp.uz/link.html
504 views06:59
Ochish/sharhlash
2022-09-01 08:02:00
455 views05:02
Ochish/sharhlash
2022-09-01 08:01:51 Сувни тежовчи суғориш технологиясини танлаши сабаби хақида савол берганимда, Зухро ўйланиб: “Ҳозирги кунда сув ресурсларини сезиларли даражада камайиб кетаётгани барчамизга маълум. Бу, албатта, соҳада замонавий технологияларни жорий қилишни тақозо этади. Сув тежовчи технологияларни ишлаш жараёнларини фермер хўжалиги раҳбарларига тушунтириш, уларнинг афзаллиги тўғрисида тўғри маълумотлар бериш биз – сувчиларнинг вазифамиз деб биламан. Замон билан ҳамнафас юриш учун шу йўналишни танлаганман”, – деди.

Зухро Ўзбекистонда сув ресурсларини бошқариш бўйича миллий лойиҳа билан ҳамкорликнинг муҳимлиги, семинар ва тренинглар, шунингдек, лойиҳанинг кенг қўлланиладиган онлайн ресурслари катта фойда келтиришини таъкидлади.
“Фермер хўжалиги ташкил қилаётган ва сув хўжалигида ўз йўлини бошлаётганлар учун Томчи каналини тайёр қўлланма деб биламан. Каналда СТТни жорий қилиш орқали сувдан оқилона фойдаланиш масалаларининг ёритилиши менга жуда ёқади. Масалан, магистрлик диссертациясини ёзаётганимда айнан шу каналда кўплаб саволларга жавоб топдим. “Сув – зар, сувчи – заргар” дейишади; мен бу телеграм каналини сув хўжалигининг зар сандиғи деб биламан» – деди Зухро.

Зухро гендер тенглигига доир семинар-тренингларда фаол иштирок этиб, ўз ташкилоти бўйича гендер тренери ҳисобланади. У ўз шахсий мисолида аёллар нафақат сув соҳасида ишлай олишларини, балки муваффақиятларга эришишлари мумкинлигини исботламоқчи. Унинг фикрича, бунинг учун билимларини доимо кенгайтириб бориш ва эркак ҳамкасбларидан бир поғонага олдинда бўлишлари керак. Эришиган ютуқларида тўхтаб қолмай, Зухро Бухоро табиий ресурслар институтининг докторантурасига кириш ниятида. Ишончимиз комилки, у албатта муваффақиятга эришади.

Каналга уланиш: @tomchikanali

"TOMCHI" – ни ўрнатинг: https://nwrmp.uz/link.html

Саволлар учун: @tomchiguruhi
441 views05:01
Ochish/sharhlash
2022-09-01 08:01:51 Тўртинчи авлод сувчилар вакили Зухро Жумаева

Сув хўжалиги соҳасида ишлайдиган аёллар ҳақидаги ҳикояларим қаҳрамонлари орасида ўз ота-оналари ёки акаларию опалари касбининг давомчилари кўп марта учраган. Бугунги суҳбатдошим Зухро Жумаева сувчилар оиласининг тўртинчи авлоди бўлади! Тасаввур қиляпсизми? Отаси, Раҳмон Ҳасанович, Қоплон Гидроузелида сув созловчиси лавозимида 40 йилдан бери – 1982 йилдан ҳозирга кунга қадар ишлаб келмоқда; онаси, Самия опа эса, айнан шу ерда 2017 йилгача диспетчер бўлиб хизмат қилган. Оилада 4 нафар қиз фарзанд бўлиб, барчалари қайсидир маънода ё сув билан, ё сув соҳаси билан туташ умумэкологик масалалар билан фаолиятларини боғлаганлар.

Менинг “бошқа касб танлаш хоҳиши бўлганми?” деган саволимга Зухра шундай жавоб берди: «Йўғ-а? Аксинча. Бир-икки одамларнинг сув хўжалиги соҳаси аёлларнинг иши эмас дегани менга қўшимча туртки берган. Мен албатта сув хўжалигида фаолият олиб бораман деб аҳд қилганман. Мен аёллар сув соҳасида ишлай оладилар ва ишлашлари кераклигини исботлагим келди. Бундан ташқари, улар буни эркаклардан қолишмай, ҳатто яхшироқ ҳам қилишлари мумкин. Шунингдек, буни исботлаш учун юқори малакали мутахассис бўлиш кераклигини англаб турардим. Шу мақсадда 2014 йили Тошкент ирригация ва қишлоқ хўжалигини механизациялаш муҳандислари институтининг Бухоро филиалига ўқишга кирдим. Ўқишим давомида “Бухоро Сувназорат” инспекциясида 2-тоифали инспектор ловозимида иш бошладим. 2019 йилда ўқишни тугатиб, “Aму-Бухоро” ИТҲБ ҳузуридаги Мелиоратив эскпедиция Бухоро туман бўлимида мелиоратор лавозимида бир йил фаолият олиб бордим. Бироқ бакалавр даражасида тўхталиб қолишни истамадим. Шу сабабли 2020 йилда ТИҚХММИ Бухоро филиалида Сув тежовчи суғориш технология йўналишида магистратурага ўқишга қабул қилиниб, 2021 йилда магистр даражасини қўлга киритдим”.

Ҳозирги кунда Зухро “Aму-Бухоро” ИТҲБ Бухоро туман Ирригация бўлимида бош гидрометр лавозимида фаолият олиб бормоқда. Унинг асосий иши вилоятдан олинган чекланган лимит асосида берилган сувларни истеъмолчиларга тақсимот қилиш; сувдан фойдаланиш режасини шакллантириш ҳамда олинган кунлик сувларни каналлар кесимида тақсимлаш; ҳар бир каналда берилган сувларни назорат қилиш ҳамда юқори турувчи органлар ва аҳоли томонидан келадиган мурожаатларни жойида бориб ўрганиш. Энг оғир иш, ҳойнаҳой, бу қўл остидаги гидрометрларни кунлик сув ўлчаш йиғма жилдини тайёрлаш. Мана шу жойда “бу аёлларнинг иши эмас” дейишларини тушуна бошлайсан. Зухро шундай дейди: “Мен ўзим сув ўлчашга боришда техниканинг йўқлигидан ҳамда сув ўлчаш воситаси “вертушканинг” штанга, яъни рейкасининг оғирлигидан кўп азият чекаман. Ҳар бир канал ораси камида 3 километр масофа узоқликда. Қишда қийналишимни-ку айтмасам ҳам бўлади: то бир гидроузелдан иккинчисига етиб боргунимча қўлим музлаб, қотиб қолади”.

Мана шу ерда суҳбатимиз уларнинг фаолиятлари жараёнида аёллар учун зарур кўмак мавзусига ўтди. Зухро сув хўжалигида ишлайдиган аёллар ишларини енгиллаштирувчи транспорт воситалари ва ускуналар билан таъминлансалар ажойиб иш бўлишига ишонади. Бугунги кунда жуда кўп замонавий техника ва қурилмалар мавжуд бўлиб, улардан фойдаланиш жуда яхши самара бериши мумкин. Хотин-қизларни раҳбарлик лавозимларига кўтариш, ўқишларини давом эттиришга кўмаклашиш ҳали ҳам етарлича эмас. Хотин-қизларни олий маълумот олиш, жумладан, магистратура, ҳаттоки докторлик даражасига эга бўлишга рағбатлантириш чора-тадбирлари уларни сув соҳасига кенг жалб этишга хизмат қилишига шубҳаси йўқ.
“Албатта ишимиз осон эмас. Лекин сувчи – бу жуда шарафли касб. Сув хўжалиги соҳасида фаолиятим давомида кўп яхши инсонлар билан танишдим. Сув хўжалиги соҳасида аёлларнинг иқтисодий имкониятларни кенгайтириш доирасида ўтказилган семинар тренингда жуда кўп кўникма, билим, қимматли маслаҳатлар олдим,” – деб давом этди Зухро.
481 views05:01
Ochish/sharhlash
2022-09-01 06:31:55
Азиз ТОМЧИ каналининг обуначилари!

Сизларни Ўзбекистон Республикаси давлат мустақиллигининг 31-йиллик байрами билан чин дилдан табриклаймиз.

Барчангизга сиҳат-саломатлик, оилавий бахт ва омад ёр бўлсин! Янги Ўзбекистонда эркин ва фаровон яшайлик!

Мустақиллигимиз абадий бўлсин!

ТОМЧИ канали
611 views03:31
Ochish/sharhlash
2022-08-31 14:13:00
СИЗДАН САВОЛ - БИЗДАН ЖАВОБ

TOMCHI канали обуначиси томчилатиш ленталарини малина етштиришда синаб кўрмоқчи бўлиб, сувни насос орқали жўнатганда қатор узунлигиги неча метргача қилиш кераклигни сўраб мутахассисларимизга мурожат этган.

Мутахассис: Одатда томизгичли ленталарнинг девори жуда юпқа бўлади. Уларни арзон бўлиши учун ҳам шундай ишлаб чиқаришади. Малина буталари эса одатда майда тиканли бўлади. Томизгичли ленталарни малина суғоришга ишлатсангиз улар тешилиб қолавериб сизни қийнайди. Шунинг учун малинани суғоришга томизгичи ичига ўрнатиладиган томчилатиб суғориш шлангларини ишлатганингиз мақул. Уларнинг диаметри ҳам 16 мм, бироқ девори қалинроқ бўлади - 1,1 -1,2 мм, томизгичи эса одатда ҳар 20-30 см да биттадан бўлади (уни заводда талабга кўра қўйиб беришади).

Суғориш шлангларини узунлигига келадиган бўлсак

Батафсил:

Каналга уланиш: @tomchikanali

Саволлар: @tomchiguruhi

"TOMCHI" - ни ўрнатиш: https://nwrmp.uz/link.html
763 views11:13
Ochish/sharhlash
2022-08-31 12:01:46 Organik mahsulotlarni ishlab chiqarishga o‘tish shartlari

Organik mahsulotlarni ishlab chiqarishga o‘tish shartlari quyidagilardan iborat:

•organik mahsulotlarni ishlab chiqaruvchi va muvofiqlikni baholash organi bilan organik mahsulotlarning muvofiqligini baholash to‘g‘risida shartnoma tuzish;

•mahsulotlarni ishlab chiqarish jarayonini organik mahsulotlar to‘g‘risidagi qonunchilik hamda texnik jihatdan tartibga solish sohasidagi normativ hujjatlar talablari bilan muvofiqlashtirish;

•organik mahsulotlarni ishlab chiqarish organik mahsulotlar toifasiga kirmaydigan mahsulotlarni ishlab chiqarishdan alohida tarzda amalga oshiriladi;

•o‘tish davrida ishlab chiqarilgan mahsulotlarni “o‘tish davridagi organik mahsulotlar” sifatida tamg‘alash va realizatsiya qilish.

Organik mahsulotlar toifasiga kirmaydigan mahsulotlarni ishlab chiqarishdan organik mahsulotlarni ishlab chiqarishga o‘tish chog‘ida o‘tish davri belgilanib, mahsulotlarni ishlab chiqaruvchi tomonidan bu davr ichida organik mahsulotlar to‘g‘risidagi qonunchilik hamda texnik jihatdan tartibga solish sohasidagi normativ hujjatlar talablarining bajarilishi taʼminlanadi.

Manba:

Каналга уланиш: @tomchikanali

Саволлар: @tomchiguruhi

"TOMCHI" - ни ўрнатиш: https://nwrmp.uz/link.html
705 views09:01
Ochish/sharhlash