Аёл Оʻлмай туриб ажалин тилаб, Қабрига зор боʻлмасин Аёл..! | 🔈Tik Tok musika🔊
Аёл
Оʻлмай туриб ажалин тилаб,
Қабрига зор боʻлмасин Аёл..!
Қорни эмас, қадрига йигʻлаб,
Меҳрга зор боʻлмасин Аёл..!
Зийнатларга тоʻлиб қучогʻи,
Ҳасратларда соʻлиб қучогʻи..
Ёрга интиқ - оʻчиб оʻчогʻи..!
Меҳрга зор боʻлмасин Аёл..!
Боʻлмаса ҳам тунар макони,
Қийналсада муштипар жони,
Шукридадир.. - бир бурда нони..!
Меҳрга зор боʻлмасин Аёл..!
Бедор тунлар аламин тутиб,
Ёр ёʻлини интизор кутиб,
Тоʻшагида қора қон ютиб
Меҳрга зор боʻлмасин Аёл..!
Ҳувилласа ҳайҳотдай юрак,
Унга бир оз эʼтибор керак.
Армони ёʻқ севгидан боʻлак,
Меҳрга зор боʻлмасин Аёл..!
Асал, қандинг у учун огʻу,
Коʻринади қасринг қоронгʻу,
Бойлигингга тупуради у,
Меҳрга зор боʻлмасин Аёл..!
Давлат асли - аёлнинг боши,
Роҳат асли - аёлнинг боши,
Тоʻкилмасин коʻзидан ёши,
Меҳрга зор боʻлмасин аёл..!
(Реаксияни аяманг )
@Tiktokmusika1
