2022-07-01 09:53:23
Qurbon hayiti 9-iyulga toʻgʻri kelmoqda va barcha xodimlar ketma-ket 4 kun dam olishadi
Oʻzbekiston musulmonlari idorasi fatvo markazining maʼlum qilishicha, hijriy 1443-yil Zulhijja oyining birinchi kuni milodiy yil hisobi boʻyicha 2022-yil 30-iyun kuniga toʻgʻri keladi.
Shu munosabat bilan Saudiya Arabistonida arafa kuni 2022-yil 8-iyulga toʻgʻri keladi, haj ibodatini ado etayotgan ziyoratchilar Arafot togʻida jam boʻladilar.
9-iyul Qurbon hayiti sifatida rasman tasdiqlansa, oʻzbekistonliklar ish haftasining turidan qatʼi nazar ketma-ket 4 kun dam olishadi.
Jumladan:
9-iyul – shanba, Qurbon hayiti bayrami;
10-iyul – yakshanba, dam olish kuni;
11-iyul – dushanba, Prezident Farmoniga muvofiq barcha xodimlar uchun dam olish kuni;
12-iyul – seshanba:
a) besh kunlik ish haftasida ishlaydigan xodimlar uchun 16-iyul — shanbadan koʻchirilgan dam olish kuni;
b) olti kunlik ish haftasida ishlaydigan xodimlar uchun qoʻshimcha dam olish kuni.
MUSULMONLAR - kanaliga obuna bo‘ling!
45 viewsedited 06:53