Berdax Tlepov

2023-01-04 09:03:53 Eger bilsen'iz, hayallar aldın erkeklerdi basqarg'an. Sol da'wirlerde erkekler tek u'y jumısları menen, hayallar bolsa
ha'kimyat jumıslarında, urıslarda qatnasg'an.

Bunday waqıtlar tuwralı ko'p na'rse esitken shıg'arsız, bıraq to'mendegi a'psananı oqısan'ız, hayallar qashannan "rul"di erkeklerge berip qoyg'anı tuwralı bilip alasız. Bul a'psana bolg'anı ushında oqıwg'a qızıq.

A'psanının' tolıq ko'rinisin oqımadım, tek keshe ingliz tiline awdarmalag'an materialımnın' ishinde ko'rip qaldım:

https://link.medium.com/fqveOfM4iwb Ochish/sharhlash

2022-12-31 08:19:26 Jan'a jılda tıykarınan eki na'rsede o'siwge itibar berejaqpan: 1. Ilim 2. Den-sawlıq

Dekabrdan ku'nde keshte roman oqıp atırman. Aldıng'ıday ko'p oqıp atırg'anım joq, jaqsa bir bap jaqpasa 5 bet. Tek ku'nde oqıyjaqpan.

Ilim tıykarınan qızıg'ıwshılım programmalastırıwg'a baylanıslı. Eger motivatsiya ko'p pul tabıw bolsa, men ol puldı tabaman ya'ki tappayman. Bilim bolsa, ha'rdayım jaqsıla bolatug'ın zat.

Keyin den sawlıq. Ha'zir denemiz en' saw waqtında den sawlıq tuwralı oylaw qıyın. Bıraq keleshektegi jaman a'detlerdin' ko'pshiligine den sawlıq boyınsha bu'gingi itibarsızlıg'ımız sebep boladı. Den sawlıq bolmasa, kimge puldın' keregi bar?

Usı eki na'rse boyınsha jolım usı kanaldag'ı keyingi postlarımda da o'z sa'wlesin berse kerek. Ha'mmen'izdi jaqsı ko'remen, jan'a jıllardı jaqsı ku'tip alın' Ochish/sharhlash

2022-12-30 18:23:34 O'zim ushın usı jıldın' en' jarqın waqıyasi Fevralda birinshi ma'rte jeke kompyuterime iye bolg'anım bolsa kerek.

Licey waqtınan berli soni ku'tken edim. Universitetke kirgenime qarag'anda, birinshi kompyuterimdi iske qosqanda ko'plew quwandım.

Sizde usı jıldın' en' jarqın waqıyası ne boldı? Ochish/sharhlash

2022-12-30 16:11:47 Eger waqıt ajratıp, mına waqıt kanal ushın post isleymen desem, kemnen kem jag'dayda jaqsı post shıg'adı.

Post jazıw ushın aytatug'ın bir ga'p bolıwı kerek. Ku'n boyı post jazaman dep atırg'an adamda bolsa aytıwg'a hesh qanday qızıq na'rse bolmaydı.

2022 degi aqırg'ı postlarımda neler tuwralı jazayın? Ya'ki erten' ulıwma jazbayınba? Ochish/sharhlash

2022-12-29 22:07:33 Eger bilsen'iz ingliz tilinde bir ma'rte - once, eki ma'rte - twice, u'sh ha'm odan ko'p bolsa "times" isletiledi. (3 ma'rte - three times)

Usını ma'rte emes, waqıt dep awdarmalasada u'lken qa'te bolmaytug'ın eken. Mısali "I write posts twice a day" degen ga'pti "Men ku'nine eki ma'rte post qoyaman" desemde "eki waqıt" post qoyaman desemde derlik birdey.

"I pray five times a day" degendi "Men bir ku'nde 5 waqıt namaz oqıyman" dep awdarmalaw, "Men bir ku'nde 5 ma'rte namaz oqıyman" degennen jaqsıraq shıg'atug'ın eken. Ochish/sharhlash

2022-12-28 22:33:30 Tap ha'zir tarıyxtın' en' zor romanlarınan biri bolg'an Frensis Skott Fitsjeraldtın' "Ullı Getsbi" kıtabın tawıstım.

2022 de tawısqan en' aqırg'ı kıtabım usı bolsa kerek. Basta kıtap tuwralı bir na'rseler jazsam kerek dep oylag'an edim.

Bıraq romanlar tuwralı qalay jazıwdı bilmeytug'ın ekenmen.
Negizi bilemen, bıraq qa'lemeymen. Ba'lkim keyinrek jazarman. Kıtap Ochish/sharhlash

2022-12-28 19:58:36 Telegram postlardı jazıp atırg'anda a'dette to'mendegidey jol tutaman:

1. Tema saylayman. Sol tuwralı birinshi pikirlerimdi aralastırıp jazaman. O'zimdi shegaralamayman.

2. Birinshi tekstti redaktorlayman. Bul jerde pikirlerdi durıs izbe-izlikte, paragrflarg'a bo'lip, anıq ko'rinip turg'an qa'telerdi durıslayman.

3. Sol tema boyınsha kommentaryag'a qızıq foto, video ya'ki soraw tabıwg'a ha'reket etemen. Sonda basqalarda izin jalg'ap ketiwi an'sat boladı.

4. Birinshi reakciyalardı o'zim qoyaman. Ko'binese basqalar baspag'an reakciyalardı qoyıp ketemen. Birinshi reakciya bolmasa, qalg'anlarda bunı ko'rmey ketiwi mu'mkin.

Ha'mme postlarda zor shıqpaydı. Bıraq usınday etip islegen postlar uzın bir tekstke qarag'anda an'sat oqıladı ha'm qızıqlaw ko'rinedi. Ochish/sharhlash

2022-12-28 16:17:02 Usı jılg'ı o'zime jazıp qoyg'an tekstlarımdı qayta oqıp atırman. Jan'a jıldın' keliwi aldı, o'tken jılımda jazg'anlarım menen bir esledim. O'zime qızıq bolg'anları:

1. Mashqalalar o'zgermegen.
Derlik ha'r ay ingliz tilimdi rawajlandıraman. Boldı endı anıq degenmen. Bıraq ulıwma ha'reket bolmag'an.

Ha'r ay birdey erinshek bolıp baratırman, internetke ko'p waqtım ketip atır degen ekenmen.

2. Aqıllı ga'pler kerek emes eken.
O'zime tek ishimnen o'tip, emociya menen jazılg'an tekstlerim qızıq boldı. Kıtaplardan alıng'an u'zindiler ulıwma qızıq emes eken.

3. Ha'r bir ay birdey o'tken. Negedur bo'lek waqıyalar az bolg'an. O'zimde taza na'rse sınap ko'rmegenmen. Tek birdey na'rseler jazg'anman. Ochish/sharhlash

2022-12-27 13:09:43 Ne ushında Iphoneda fotolar jaqsıraq shıg'adı?

Iphoneda tu'sirilgen fotolardın' sıpatlı bolıwına tıykarınan eki sebep bar:

1. Iphone kamera programmasi tu'sirilgen fotonı jaqsılap beredi. Yag'nıy bul kameranın' emes, al kamera programmasının' jetiskenligi.

2. Iphone telefonlarg'a programma islewde tek bir neshe u'skenelerdi inabatqa alıw jeterli. Al Android sistemada isleytug'ın programma tek telefon ushın emes, planshet, aqılli saat ha'm avtomobiller ushında jaratıladı.

Sol ushın bunday telefondag'ı kameralar ha'r bir u'skenin' unikal ku'shli ta'replerinen toliq paydalana almaydı.

Androiddın' iyesi bolg'an Google, usı parıqti inabatqa alıp o'zinin' Pixel telefonları ushın bo'lek (jaqsıraq) kamera programmasın jaratqan. Ochish/sharhlash

2022-12-27 08:10:10 Itibar bergensizbe bizlerde ko'pshiliktin' shet elge baylanıslı oyları ko'birek filmlardan bolg'an.

Men aldın Parij nege adamlarg'a jag'atug'ınlıg'ın tu'sinbeytug'ın edim. Netflixda Emily in Parisdı ko'rgennen keyin sol jerdi jaqsı ko'rip qaldım.

Evropag'a ketiw degende da kemnen kem adam Slovenia, Chexiya, Serbiya, Luksemburg ya'ki Albanianı itibarg'a aladı. Sebebi bizler ele bul ma'mleketler tuwralı ko'rmegenbiz. Oqımag'anbız. Esitpegenbiz. Ochish/sharhlash