![]()
![]()
![]()
![]()
InfinBANK янги офисида кабинет тизимидан воз кечиб, Open Space тизимига ўтмоқда
Куни кеча InfinBANK янги офисининг очилиш маросимига бағишланган тадбир бўлиб ўтди. Тошкент маркази — Мустақиллик кўчаси 17 B манзилида жойлашган ушбу янги олти қаватли офис 22 апрелдан бошлаб, барча мижозларга хизмат кўрсатишни бошларкан.
Янги офиснинг ўзига хос қулайликлари шундаки, унда операцион марказ, кутиш заллари, юридик ва жисмоний шахсларга алоҳида хизмат кўрсатиш бурчаги, кенг мажлислар зали, шаҳар манзарасига қараган ички ресторан, ходимлар учун алоҳида кофе ва чой тайёрлаш бурчаги ва дам олиш терассаси мавжуд экан.
Яна бир янгилик шуки, янги бинода Open Space муҳитида иш олиб борилар экан. Бундай муҳитда ходимлар алоҳида кабинетларда ишламайди, аксинча кенг залда бемалол ва тўсиқсиз фикр ва ғоя алмашишлари ҳамда бир-бирларига ёрдам беришлари мумкин.
Бундан ташқари, очилиш маросимида InfinBANK ўз мижозларини мобил иловадаги ижобий ўзгаришлар, юридик шахслар учун янги хизмат турлари ва бошқа қулайликлар кутаётганини маълум қилибди.
Реклама
