Telegram 9.2 versiyaga yangilandi SIM kartasiz hisob ochish, | Telegraph Uzbekistan

Telegram 9.2 versiyaga yangilandi

SIM kartasiz hisob ochish, global avtomatik oʻchirish taymeri, mavzular 2.0 va boshqalar

Global avtomatik oʻchirish taymeri.
• Barcha yangi chatlardagi xabarlarni muayyan vaqtdan keyin oʻchib ketadigan qilib sozlash mumkin.
• Bu mavjud chatlarga taʼsir qilmaydi, lekin Sozlamalar > Maxfiylik va xavfsizlik > Xabarlarni avtomatik oʻchirish rukni orqali istalgan chatingiz uchun avtomatik oʻchirishni tezda yoqishingiz mumkin.

SIM kartasiz hisob ochish.
• Istalgan foydalanuvchi Fragment saytidan anonim raqam olish orqali telefon raqamisiz hisob ochishi yoki hisobiga kirishi mumkin.

Mavzular 2.0.
• 100 dan ortiq aʼzoga ega guruhlar endi ikki ustunli maket, bevosita chatlar roʻyxatidan oxirgi mavzuga oʻtishning tezkor usuli, avvalgi xabarlar tarixini saqlaydigan Umumiy mavzusi va yana boshqa imkoniyatlarga ega mavzularni yoqishi mumkin.

Spamga qarshi kuchaytirilgan himoya.
• Katta guruhlar Spamga qarshi kuchaytirilgan himoyani yoqishi mumkin, bu Telegramning tajribali spamga qarshi algoritmlariga toʻliq imkoniyatini ishga tushirish imkonini beradi.

Vaqtincha QR kodlar.
• QR kod sahifasi endi telefon raqamini barchadan berkitgan foydalanuvchi nomisiz foydalanuvchilar uchun vaqtincha kodlar hosil qiladi.

Batafsil xotiradan foydalanish.
• Xotiradan foydalanish sahifasi endi har bir chat qancha joydan foydalanayotganini aks ettiradi va fayl turi asosida filtrlangan alohida chatlarning mediasini tozalash imkonini beradi.

Yangi emoji toʻplamlari.
• Premium foydalanuvchilar Telegram rassomlaridan 10 ta yangi emoji toʻplamini oladi.

Koʻproq interaktiv emoji va reaksiyalar.
• Endi yakkama-yakka chatlarda emojilari ustiga bosganingizda ular butun ekran effektlarini namoyish etadi. Agar suhbatdoshingiz ilovasi ochiq boʻlsa, effektni bir vaqtda koʻrasizlar.
• Bu emojilardan barcha foydalanuvchilar endi reaksiyalar sifatida ham foydalanishi mumkin.

Bu yangilanish haqida batafsil:
VIDEO (TEZ ORADA) | MAQOLA

PlayStore | AppStore | APK

#telegram #tgram
@TGraphUz | YouTube