She`rlar Olami !

2022-08-17 20:36:47 Oxirgi bir yilda kuzatganlarim natijasida to'liq xarajatlari qoplanadigan dasturlar

Bakalavr/Magistratura/PhD bosqichiga topshiradiganlarga:

Türkiye burslari & IsDB joint scholarship - Dastur ITB(Islom taraqqiyot banki)ga aʼzo davlatlari va aʼzo boʻlmagan mamlakatlardagi musulmon jamiyatining istiqbolli talabalariga yordam berish uchun moʻljallangan.

DAAD Scholarships - asosan bitiruvchilar, doktorantlar va aspirantlar uchun moʻljallangan boʻlib, Germaniyadagi universitetlar va universitetdan tashqari tadqiqot muassasalariga oʻqish va tadqiqot tashriflari uchun beriladi. Ba'zi dasturlarda stajirovkalar ham moliyalashtiriladi.

"El-yurt umidi" jamg'armasi - ilg‘or xorijiy davlatlar nufuzli universitetlari va ilmiy markazlarida bakalavriat, magistratura va doktoranturada ta’lim olish xarajatlarini to'liq moliyalashtiradi.

Global Korea Scholarship - butun dunyo bo'ylab yuzlab talabalarga Janubiy Koreyadagi oliy ta'lim muassasalarida bakalavr va magistratura dasturlarida ilg'or ta'lim olish uchun turli imkoniyatlarni taqdim etadigan stipendiya.

Stipendium Hungaricum - Vengriya hukumatining eng nufuzli oliy taʼlim stipendiya dasturi boʻlib, aʼlo darajadagi ilmiy tajribaga ega xalqaro talabalar uchun keng doiradagi kurslarni taklif etadi. (PhD bosqichi haqida ma'lumot topolmadim)

Erasmus Mundus Joint Masters scholarships - bir nechta oliy ta'lim muassasalari tomonidan turli yevropa mamlakatlarida o'qish imkonini beradi. (Faqat Magistratura uchun)

Fulbright Foreign Student Program - chet ellik talabalar dasturi aspirantlar va yosh mutaxassislarga AQShda ikki yilgacha o‘qish va magistrlik darajasini olish imkonini beradi. (Faqat Magistratura uchun)

Chevening Scholarship - Buyuk Britaniya hukumatining to'liq moliyalashtiriladigan stipendiya dasturi, Chevening stipendiya dasturi orqali magistraturaga hujjat topshirishingiz mumkin.

Almashinuv dasturlari (Exchange programs):

Global UGRAD - Bakalavr talabalariga AQShda bir semestr o‘tkazish imkonini beruvchi eng nufuzli bir semestrlik almashinuv dasturi.

Stipendium Copernicus - Bakalavr va magistratura talabalariga Germaniyada 1 semestr davomida oʻqish va amaliyot oʻtash imkonini beradi.

IES Scholarship - Bakalavr va magistratura talabalariga bir akademik semestr davomida Germaniyada o‘qish va amaliyot o‘tash imkoniyatini beradi.

Amaliyot dasturlari (Internship programs):

OECD Internship Programme - Bakalavr, magistratura va doktorantlar uchun amaliyot dasturi.

Scientific Internships - Bakalavr va magistratura talabalari uchun pul to'lanadigan amaliyot dasturi.

GIFT Internship Program - Bakalavr talabalari uchun Koreyada toʻliq moliyalashtiriladigan amaliyot dasturi.

@TohirjonVohidov Ochish/sharhlash

2022-08-10 13:02:12 Sen suvlar sepasan yoʻlimga,
Eshiging oldini supurib.
Yurakni buyurib oʻlimga,
Qora dil – koʻnglimni kuydirib.

Bilmadim ne-uchun sababin,
Meni koʻrsang qovoq burasan.
Xozirgacha dushmandek bilib,
Qachongacha shundoq yurasan.

Men-ku sensiz yashayveraman,
Ozodlikda, ammo firoqda...
Sen-ku mensiz yashayverasan,
Yuragimdan ancha yiroqda.

Majburlash yoʻq, sevmasang, mayli,
Ketish boʻlsa ketaveramiz!
Men ishqdan sen nedan bilmadim,
Kechish boʻlsa kechaveramiz!

Sen suvlar sepganding yoʻlimga,
Va yana supurib qoʻyganding.
Qaydandir yoʻl topib koʻnglimga,
Ismingni manguga oʻyganding.

Botir Bannop

@sherla Ochish/sharhlash

2022-07-28 09:07:57 ХАЙРУЛЛО ҲАМИДОВ

ШЕЪРИЙ ЛАҲЗАЛАР

ЖАМШИДБЕК ТЎЙМУРОДОВ
КАНАЛГА КИРИШ

@sherla Ochish/sharhlash

2022-07-24 15:28:43 SARSONA KOʻNGIL

Yomgʻir yog'gan edi oʻsha kun,
Tomchilardan qochib boʻlmasdi.
Yuragimga yoqqan bir qizni,
Yuragiga kirib boʻlmasdi...

Loy koʻchadan shoshib ketaman,
Jingalak sochimni xoʻl qilib.
Tuflimni ichiga toʻlar suv,
Ilojsiz taqdirga yoʻl berib.

Tomchilar yuzimga urganday,
Qarashing yurakdan urgandi.
Bevafo, bebaho bu – koʻnglim
Qarshingda taslimdek turgandi.

Yuzingni paranjing toʻsadi,
Koʻzimni nazardan qaytarib.
Taqdir boʻlsa birga boʻlardik!
Ikkimiz shu yoʻlda teng qarib.

Sevmoq boʻlsa sevdim shoirdek,
Netay ishqda adolat qani?
Sevganim ham sevarkan ishon,
Mendan ham koʻp, faqat oʻzgani!..

Botir Bannop

@sherla Ochish/sharhlash

2022-07-20 07:31:46 ONANGIZNI QACHON KO'RDINGIZ

Muhim jiddiy yumushlar bilan
Diyarli har joyda bo'ldingiz
Eslolmaysiz tashvishlar bilan
Onangizni qachon ko'rdingiz

Shovqinlardan g'ovlagan shahar
Umringizni ovlagan shahar
Qishloqdagi o'sha mushtipar
Onangizni qachon ko'rdingiz

Yuragida yashirin nola
Ko'zlarida sog'inchli jola
Olim bola ex zolim bola
Onangizni qachon ko'rdingiz

Sizni kutib ko'zlari toldi
Kelmadi deb havotir oldi
Umringiz ham yarimlab qoldi
Onangizni qachon ko'rdingiz

O'taverar yillar darbadar
O'z domiga tortib tillo zar
To'g'risini ayting birodar
Onangizni qachon ko'rdingiz

Farzandim deb bolam deb so'lgan
Paymonasi yuragi to'lgan
Dunyolarda g'animat bo'lgan
Onangizni qachon ko'rdingiz

O'tib borar umr kun sayin
Bir kun tugab qolmog'i tayin
Xaykal qurmang o'lgandan keyin
Onangizni qachon ko'rdingiz

Ma'ruf Mo'minov

@sherla Ochish/sharhlash

2022-07-15 08:21:40 ​​Vaqtinchaliklar...

Barchaning hayotida bo'lsa kerak - vaqtinchaliklar...
Kelishlar, ketishlar...
Tanishlar, qisqa uchrashuvlar, dildan suhbatlar...
Boringni bilishga urinishlar...
Va o'rnidan turib ketishlar.!

Barchaning hayotida bo'lsa kerak - vaqtinchaliklar...
Do'stlar...
Jon bergandek bo'lishlar, siringni bilishlar...
Va turib ketib hayotingda bo'shliq hosil qilishlar.;

Barchaning hayotida bo'lsa kerak - vaqtinchaliklar...
Havoyi muhabbat...
Yonishlar...
Olov bo'lishlar...
So'ngida so'nishlar
Va o'chib qolishlar.!
Barchaning hayotida bo'lsa kerak - vaqtinchaliklar...

@sherla Ochish/sharhlash

2022-07-11 07:26:55 Ğiybatimni qilavering

Har qadamda, har dam o‘ng-u, so‘limdasiz,
Xo‘p ortimdan kulavering g‘iybatchilar,
Goh jilmayib, goh tumtayib yo‘limdasiz,
Gʻiybatimni qilavering g‘iybatchilar.

Men daraxtning ostidaman, siz shohida,
Men sahroda, siz chamanlar gulbog‘ida,
Quloqlarim qizib ketar goh, gohida,
Gʻiybatimni qilavering g‘iybatchilar.

Buncha gap deb sathingizdan toshmasangiz,
Mish-mish izlab davonlardan oshmasangiz,
O‘zim aytib berardimda shoshmasangiz,
Gʻiybatimni qilavering g‘iybatchilar.

Zaharxanda kulib qad ham urmoqdasiz,
Karvon o‘tar, siz it bo‘lib hurmoqdasiz,
Oyoq qolib tilingizda yurmoqdasiz,
Gʻiybatimni qilavering g‘iybatchilar.

Yonimda do‘st,ortimda yov,g‘animsizda,
Husumatim,arzim yo‘qdir manim sizda,
Axir mening bor tashvishim,g‘amim sizda,
Gʻiybatimni qilavering g‘iybatchilar.

Quruq gap so‘z sotmoqlikni holi yomon,
Bir nazar ham solib qo‘ying Haq yo‘l tomon,
Men xudoga solib qo‘ydim allaqachon,
Gʻiybatimni qilavering g‘iybatchilar.

Xurshid Karim

@sherla Ochish/sharhlash

2022-07-05 06:50:36 KIBRGA BERILMA

Kibrga berilma pastroq tush inson
Baribir peshonang tuproq silaydi
Bir kuni loyingni yomg'ir yuvganda
Xatto ishonganing xam yordam bermaydi

Sarobni qilmagin kunning taqdiri
Ruhing ham tanangda mehmon bo'ladi
Zamon o'tib ketar desang bir kuni
Ko'zguda qarilik boshing egadi

Unutma bu dunyo xammadan qolur
Foniyga xamma ham bir kun ketadi
Nomingni bulg'ama ahmoqlik qilib
Sendan so'ng farzanding dashnom eshitadi

Yahshi bo'l pastroq yur uyalma aslo
Ishongan tog'da ham kiyik yotmaydi
Ollohga suyangan sajdada egil
Oxiri borar joying mozor bo'ladi

Ma'ruf Mo'minov

@sherla Ochish/sharhlash

2022-06-28 09:39:20 Хайрулло Ҳамидов

Шеърий лаҳзалар

Жамшидбек Тўймуродов
Каналга кириш

@sherla Ochish/sharhlash

2022-06-26 18:56:50 ONAMNI YODGA SOLAR

Uyimning har bir to'ri onamni yodga solar
Daraxtlari gullari onamni yodga solar
Ukam deya bag'rin ochib menga mehrini bergan
Opamning gul yuzlari onamni yodga solar

Olloxga ming bor shukr opam bordir yonimda
Onamdek mo'tabar aziz zot bor yonimda
Opamning iforidan onamning tafti kelar
Opamning tabassumi onamni yodga solar

Onamni kiyimlari yarashadi opamga
Chiroyiga chiroy qo'shar zarlar sochib olamga
Opam kelsa ko'zlarim doim quvonchga to'lar
Opamni har bir so'zi onamni yodga solar

Opajonim bahtimga ilohim omon bo'ling
Jiyanlarim yonida sog' salomat yuring
Ko'zingiz namlanmasin bu meni bag'rim ezar
Sizni go'zalligingiz onamni yodga solar

Ma'ruf Mo'minov

@sherla Ochish/sharhlash