​​Ўткир миокард инфаркти Шикоятлари: кўкрак соҳасида сиқувчи | Тез ёрдам | | Tez yordam

​​Ўткир миокард инфаркти

Шикоятлари: кўкрак соҳасида сиқувчи дахшатли оғриқ (ханжар тиққандек), оғриқни чап елка, курак, бўйин, пастки жағ соҳасига узатилиши, бирданига ҳолсизлик, кўнгил айниш, қайд қилиш, ўлиб қолиш қўрқуви ҳисси.

Анамнез: юрак ишемик касаллиги (ЮИК), атеросклероз, гипертония касаллиги, қандли диабет. Стресс, алкоголь қабул қилиш, оғир жисмоний меҳнат билан боғлиқлиги. Кўкрак соҳасидаги оғриқни 30 дақиқадан ортиқ давом этиши, нитроглицерин қабул қилганда оғриқ енгиллашмаслиги.

Кўрик: тери қопламалари оқарган, совуқ тер босган, безовталик, қўзғалган, ностабил гемодинамика.
Аускултация — юрак тонларини бўғиқлиги. 
ЭКГ — ST ёйсимон тишини изолиниядан тепага ёки пастга силжиши, Т тишни силжиган сегментга қўшилиб кетиши, Q тишни ҳосил бўлиши R амплитудасини пасайиши ёки йўқолиши билан боради, дискордантлик.

Муолажа:
1. ЭКГ – назорати.
2. Оксигенотерапия.
3. Морфин 1% 1–2 мл ёки промедол 2% 1–2 мл ёки омнопон 2% 1–2 мл в/м.
4. Нитроглицерин 1 таблеткадан тил остига 3 марта, ҳар 3 дақиқада.
5. Атропин 0,1%—0,5 мл
Димедрол 1%—1–2 мл
Пипольфен 2,5% 1–2 мл наркотикни ножўя таъсирини камайтириш учун.
6. Нейролептоаналгезия: фентанил 0,005% 1–2 мл ва дроперидол 0,25% 2 мл в/в.
7. Оғриқ синдроми сақланиб қолганда азот оксидини кислородли наркоз аралашмаси (80:20) ингаляциясини оғриқ босилгунича, кейин 50:50 нисбатдаги аралашмаси.
8. Антикоагулянт терапия:
— гепарин 10,000 ЕД в/в.
9. Лидокаин 2% 5–6 мл қоринчалар аритмияси профилактикасида кўрсатмага кўра!
10. Атропин 0,1%—1,0 ва преднизолон 60–120 мг в/в — брадикардияда.
11. Кардиология стационарини реанимация бўлимига, носилкада, бемор ахволи стабиллашганда (систолик қон босим 90 мм.сим.уст. паст бўлмаганда) госпитализация.
Tezyordam_103

@TezyordamUZB -Шошилинч ҳолатлар учун.