Нодирбек Абдусатторов 2700+ рейтингга эга бўлди ва дунёнинг TOP-30 шахматчилари қаторига кирди.
FIDE сентябрь ойи учун рейтингини янгилади. Унга кўра,
Нодирбек Абдусатторов 2713 очко билан 30-ўриндан жой эгаллади. У ўтган ойдаги рейтингда 64-ўринда эди. Бутунжаҳон шахмат олимпиадаси ва Туркия суперлигасидаги қимматли очколар ёш иқтидорли шахматчимизга илк марта 2700+ даражага эришиш имконини берди.
Шунингдек, Ўзбекистондан яна 3 нафар шахматчи кучли юзталикдан ўрин олган. Булар
Рустам Қосимжонов 2670 очко билан 72-ўринда,
Нодирбек Якуббоев 2656 очко билан 89-ўринда,
Жавоҳир Синдоров 2651 очко билан 92-ўринда бормоқда.