#qabul2023 #statistika 1 mln 18 ming 7 nafar abituriyent onl | TerDU rasmiy kanali
#qabul2023 #statistika
1 mln 18 ming 7 nafar abituriyent onlayn ro‘yxatdan o‘tdi
2023/2024-o‘quv yili uchun oliy ta’lim muassasalarining bakalavriat ta’lim yo‘nalishlariga abituriyentlarni onlayn ro‘yxatga olish yakunlandi.
Qabul yakuniga ko‘ra, onlayn ro‘yxatdan o‘tgan va ta’lim yo‘nalishlarini tanlagan abituriyentlar soni 1 018 007 nafarni tashkil etdi. Shundan, 642 ming 325 nafari avvalgi yil bitiruvchilari, 375 ming 682 nafari joriy yilgi bitiruvchilardir (batafsil infografikada). Jumladan,
Abituriyentlarning ta’lim tili bo‘yicha:
O‘zbek tili — 890 304 nafar; Rus tili — 95 456 nafar; Qoraqalpoq tili — 29 917 nafar; Boshqa tillar — 2 330 nafar.
Abituriyentlarning ta’lim shakllari bo‘yicha (birinchi ta’lim yo‘nalishiga nisbatan):
Kunduzgi ta’lim shakli — 577 096 nafar; Kechki ta’lim shakli — 24 802 nafar; Sirtqi ta’lim shakli — 407 945 nafar; Masofaviy ta’lim shakli — 8 164 nafar.
Eng ko‘p abituriyent ro‘yxatdan o‘tgan OTMlar (birinchi ta’lim yo‘nalishiga nisbatan):
O‘zbekiston milliy universiteti — 36 782 nafar; Toshkent davlat transport universiteti — 30 421 nafar; Farg‘ona davlat universiteti — 29 941 nafar; Toshkent davlat pedagogika universiteti — 28 827 nafar; Qarshi davlat universiteti — 28 417 nafar.
Abituriyentlarning doimiy yashash hududi bo‘yicha birinchi 5 talik:
Qashqadaryo viloyati — 120 008 nafar; Samarqand viloyati — 114 180 nafar; Farg‘ona viloyati — 94 999 nafar; Toshkent viloyati — 89 603 nafar; Surxondaryo viloyati — 84 457 nafar.
Eslatma: onlayn ro‘yxatdan o‘tgan, ammo hali to‘lovni amalga oshirolmagan abituriyentlar bugun, soat 23:59 gacha to‘lov qilishlari mumkin.
Bizni kuzating Twitter | Instagram | Facebook | YouTube