Мана бу пост бўйича Тошкент шаҳар мактабгача таълим бош бошқар | TentakMinds

Мана бу пост бўйича Тошкент шаҳар мактабгача таълим бош бошқармаси муносабат билдирибди:

Avvalo beparvo bo‘lmagan yo‘lovchimizga o‘z minnatdorchiligimizni bildiramiz.

Ta’lim tashkilotida ikki nafar supuruvchi faoliyati yuritadi. Foto lavhalardagi tarbiyachi yordamchilar, lavozim yo‘riqnomalariga ko‘ra,  bolalar sayrga chiqqunlariga qadar, o‘zlariga tegishli bo‘lgan, bolalar o‘yin maydonchalarini tartibga soladilar. Bu vaqtda tarbiyalanuvchilar yolg‘iz emas, balki tarbiyachi va boshqa pedagoglar bilan ta’lim jarayonida bo‘ladilar.

561-sonli DMTTda bolalar bilan bog‘liq baxtsiz xodisa ro‘y bermagan.

Toshkent shahar Maktabgacha taʼlim Bosh boshqarmasi Axborot xizmati.

Мен айрим матбуот котибларининг ўз ишига лойиқлигига шубҳа қиламан. Оёқ деса туёқ деб тушунади. Аввало, менинг постимда болалар қаровсиз қолган, дейилмаган.

Иккинчидан, мен битта боғча мисолида тизимдаги муаммога эътибор қаратдим. Фақат шу ерда шунақа, демадим. Бундай фикримга етарли далилларим бор. Хуллас мен боғдан, булар тоғдан келяпти.

Ўзи матбуот котибларигаям осонмас. Котиблик қилсинми, адвокатлик қилсинми?

Хуллас, толк йўқ... Болаларнинг овқатдан тез тез заҳарланиши ҳақида ҳам материал тайёрлаяпман. Бу вазиятдан ҳам тизим "оппоқ" бўлиб чиқиб кетиб, охирида ота-оналар айбдор бўлиб чиқса ҳеч ажабланмайман.

@tentakminds