2022-11-16 14:55:19
ПХУКЕТ ОРОЛИДА БАЖАРИШИНГИЗ КЕРАК БЎЛГАН 5 НАРСА
Таиланднинг машҳур ороли бўлмиш Пхукет энг йирик ва сайёҳлар кўп ташриф буюрадиган ороллардан биридир .
Пхукетда дам олувчилар ҳақиқий жаннатга тушиб қолгандек бўладилар: ишбилармон ва аҳоли жуда зич жойлашган Бангкокдан сўнг бу ерда сиз биринчи қадамингизданоқ эркинлик ва мусаффоликни, қандайдир илиқ самимий муҳитни ҳис қиласиз.
Бу орол, бир томондан, ёшлар учун жуда кўп кўнгилочар масканларга эга маскан бўлса, бошқа томондан, бу ерда болали оилалар учун жуда кўп ажойиб меҳмонхоналар мавжуд.
Бугун Tatil.uz да Пхукетга келган ҳар бир киши бу ерда бажариши керак бўлган 5 та нарса ҳақида сўз юритилади .
Машҳур пляжларга ташриф буюришПатонг Пхукетдаги энг машҳур ва энг гавжум пляждир.
Оилавий дам олиш учун яна бир яхши вариант – Карон пляжи: катта ва теп-текис, денгизга қиялама тушиш имконияти мавжуд. Шунингдек, Каронда кўпгина меҳмонхоналар жамланган, сиз бу ерда мазали таомларни тановул қилишингиз мумкин бўлган кафе ва ресторанлар бисёр.
Ката пляжи ўзининг осойишталиги ва сокинлиги билан ота-оналарни ўзига жалб қилади.
Таиланд таомларини татиб кўриш
Пхукетда меҳмонларга миллий таомлар – Том Ямдан тортиб қисқичбақали шўрва, Пад Тай, денгиз маҳсулотлари аралаштирилган қовурилган уграларгача тортиқ қилинади. Айтганча, Пхукетда сиз кўз ўнгингизда тайёрланадиган янги денгиз маҳсулотларини татиб кўришингиз мумкин бўлган кўплаб ресторан ва кафелар мавжуд. Яна бу ерда оригинал десерт тайёрлашни боплашади.
Айтмоқчи, кўчада тайёрланувчи таомларни ҳам албатта татиб кўришингизни маслаҳат берамиз. Кўчма таомли аравалар нафақат маҳаллий аҳоли, балки Таиландга келган меҳмонларга ҳам жуда ёқади. Унинг афзаллиги нафақат нархида, балки кўча ошхонасининг ўзига хос хусусиятларидадир.
Филлар билан танишишУлар билан қаерда танишиш мумкин? Албатта, Филлар фермасида! Бундай саёҳат, айниқса, болаларга маъқул келиши шубҳасиз, ишонинг, улар дарҳол бу хайрихоҳ жонзотларни севиб қолишади.
Массажга боришТайча уқалаш аллақачон ҳордиқ чиқаришнинг ажралмас қисмига айланган! Тайча уқалаш нафақат ёқимли, балки фойдали ҳамдир, чунки таиландликларнинг қадимги уқалаш техникаси сизни тетиклаштиради ва сиз 1,5–2 соатлик уқалашдан кейин ўзингизни камида 10 ёшга ёшаргандек ҳис қиласиз!
Кечки Пхукет энергиясини ҳис қилишАслини олганда, Пхукетдаги кечки тадбир ва шоулар – бу ўзига хослик ва экзотикага йўғрилган анъанадир. Бу байрамона кайфият ва қимматбаҳо костюмлар, мусиқа ва ёруғлик эффектларига тўла ўйин-кулги деганидир.
Бу ердан бир парча илиқлик ва байрам кайфиятини ўзингиз билан олиб кетиш учун тайларнинг хотиржамлик ва дўстона муҳитини ҳис қилинг.
Хўш, Tatil.uz билан Пхукетга учамизми?
682 views11:55