2023-01-09 18:01:50
#bilasizmi
Faqih kim?
1. Ilmda - Buyruqlar va qaytariqlarni vorid bo‘lgan xabarlar va masdarlaridan o‘rgangan holda tushunib fahmlagan kishi- faqihdir.
2. Tazkiyada – Harakatlari mustahkam va suyanchli bo‘lgan, sukunati hamd bilan to‘lgan, muammo-ofatlari hal bo‘lgan, holatlari yaxshilangan kishi- faqihdir.
3. Muloyimlikda – iymon ne’matini totgan, poklangan, musobaqa maydonida sayr etgan hamda butun borlig‘i bilan Kariymu Halloq zotga yuzlangan kishi – faqihdir.
4. Tavozu’da – so‘zlari, iboralari tushunarli bo‘lgan, ishoralari esa fahmlanarli bo‘lgan kishi- faqihdir.
5. Fahmda – ibratlarni ilg‘agan, ishoralarni anglab yechgan, yomonlikka buyuruvchi nafsi ammoraga teskari, xilof bo‘lgan, har bir narsadan alomat va belgi olgan kishi – faqihdir.
6. Ixlosda – o‘zini Sayyidi va Mavlosiga batamom topshirgan, Undan o‘zgani ibodat uchun tanimaydigan, Uning roziligidan o‘zga narsani talab etmaydigan- faqihdir.
7. Basiyratda – ko‘zlaridan g‘aflat to‘rini olib tashlab, ko‘ra boshlagan, so‘ngra nafsi havosining yomonliklari ko‘ra boshlagan kishi – faqihdir.
8. Yaqiyn (kuchli ishonchda) – Mavlosiga muhtojligi faqirligini e’tirof qilishi orqali kuchli ishonch va fahmi nuri ila qo‘rquv va vahima zanjiridan qutulib olgan, bu holga yetkazganiga hamd aytgan va U zotga duo-iltijolari ortgan kishi – faqihdir.
9. Qo‘rquvda – Hayotlik vaqtida, o‘limga yuzlashib, qabrga kirmasdan oldin o‘zini muhosaba qilib borgan, o‘zining amallarini taftish qilib yurgan kishi- faqihdir.
10. Hikmatda – hidoyat va to‘g‘rilikka muvaffaq qilingan, hikmat berilgan va xitoblarni ajratish ato etilgan, uning so‘zlari eshituvchilarga yoqimli bo‘lgan kishi – faqihdir.
Izoh: Ali roziyallohu anhu aytadilar: "Sizlarga haqiqiy faqihning xabarini beraymi? U odamlarni Allohning rahmatidan noumid qilmaydigan va ularga Alloh taolo osiy bo‘ladigan ishlarga ruxsat bermaydigan kishidir. Odamlarni Allohning makridan beparvo qoldirmaydigan kishidir. Boshqaga rag‘bat qilib Qur’onni tark qilmaydigan kishidir".
Manba: arabicuz
36 views𝓜𝓪𝓱𝓲𝓷♡, edited 15:01