Tarix va bugun kanali

2022-07-13 11:28:23 2022 йилнинг 15 июлидан бошлаб номинал қиймати 200 000 (икки юз минг) сўм бўлган банкнот кўринишидаги янги пул белгилари муомалага чиқарилади.

Мазкур банкнот мавзуси (тематикаси) “Буюк Ипак йўли” ҳамда мамлакатимиз ҳудудидаги Фарғона водийсининг қадимий тарихига бағишланган.

Банкнот олд томони чап қисмида Фарғона вилоятининг Қўқон шаҳрида жойлашган “XUDOYORXON O‘RDASI” меъморий ёдгорлиги тасвирланган.

Банкнот орқа томонида милоддан аввалги III асрга тегишли қадимги Фарғона давлатининг пойтахти бўлган “AXSIKENT ARXEOLOGIYA YODGORLIGI” тасвирланган.


@tarixvabugun5 Ochish/sharhlash

2022-07-01 18:29:21 Расман! 9 июль Қурбон ҳайити байрами этиб белгиланди

“Қурбон ҳайитини нишонлаш тўғрисида”ги Президент қарори қабул қилинди.

Қарорга кўра, 2022 йилда Қурбон ҳайитининг биринчи куни 9 июль – шанбага тўғри келиши муносабати билан Қурбон ҳайити байрами сифатида нишонланади.

Президент фармонига мувофиқ, 2022 йилда қўшимча дам олиш кунлари белгиланган.

Шунга кўра, Қурбон ҳайити арафасида иш ҳафтасининг туридан қатъи назар 4 кун дам олинади.

Бунда:
9 июль (шанба) – Қурбон ҳайити байрами;
10 июль (якшанба) – дам олиш куни;
11 июль (душанба) – барча ходимлар учун қўшимча дам олиш куни;
12 июль (сешанба) – 6 кунлик иш ҳафтасида ишлайдиганлар учун қўшимча дам олиш куни, 5 кунлик иш ҳафтасида ишлайдиганлар учун 16 июль (шанба) дан кўчирилган дам олиш куни.

@Yurist_Xizmati Ochish/sharhlash

2022-07-01 18:29:21 ​​ Аҳоли учун электр ва газ нархлари ошмайдиган бўлди

Энергия ресурслари бозорини ислоҳ қилиш бўйича ҳужжат муҳокамасидан сўнг Вазирлар Маҳкамасининг қуйидаги қарори қабул қилинди. Унга кўра, 2022 йил 15 июлдан бошлаб:

Биринчидан, аҳоли учун электр энергияси (295 сўм) ва табиий газ (380 сўм) нархи ошмайди, «ижтимоий норма» ҳам ҳозирча жорий этилмайди. Аҳоли томонидан билдирилган фикр ва мулоҳазалардан келиб чиқиб, «ижтимоий норма»нинг жорий қилиниши мутахассислар томонидан қайта кўриб чиқилмоқда.

Иккинчидан, 1 кВт соат электр энергияси Навоий КМК, Олмалиқ КМК ва бюджет ташкилотлари учун — 800 сўм ҳамда қолган юридик шахслар учун — 600 сўм бўлади.

Учинчидан, 1 куб м табиий газ Навоий КМК, Олмалиқ КМК ва бюджет ташкилотлари учун — 1 300 сўм, автомобилларни газ билан тўлдириш компрессор станциялари учун — 1 150 сўм, иссиқлик электр станциялари учун — 1 000 сўм ҳамда қолган юридик шахслар учун — 1 100 сўм бўлади.

Тўртинчидан, бизнес учун ориентир берилмоқда. 2023 йил 1 апрелдан бизнес учун электр энергияси нархи 700 сўм, табиий газ эса 1350 сўм бўлиши кутилмоқда. 2026 йилдан бошлаб эса электр энергияси, табиий ва суюлтирилган газнинг улгуржи бозорига ўтилади ҳамда нархлар эркин шаклланиши белгиланган.

@Yurist_Xizmati Ochish/sharhlash

2022-06-28 15:13:34 Qabul boshlandi!

Vanihoyat DTMning my.dtm.uz sayti orqali yo’nalishlarni tanlash imkoniyati ochildi.

Abituriyentlar 5 tagacha yo’nalish tanlashi mumkin.

Joriy yildan boshlab bir paytning o’zida bir nechta ta’lim shakllarini (kunduzgi, sirtqi, kechki, masofaviy) tanlasa bo’ladi.

Barchaga omad!

@xushnudbekuz Ochish/sharhlash

2022-06-27 03:41:38 Ўзбекистон Республикаси Президентининг қарори, 21.06.2022 йилдаги ПҚ-290
https://t.me/talimxujjatlari Ochish/sharhlash

2022-06-25 08:47:47 "Халқ сўзи" газетасининг 25 июнь сони.

Ушбу сонда Конституцияга ўзгартиш ва қўшимчалар киритиш бўйича қонун лойиҳаси матни эълон қилинди.


@tarixvabugun5 Ochish/sharhlash

2022-06-25 08:46:14 ​​ ЎРТА МАХСУС МАЪЛУМОТЛИ ЎҚИТУВЧИЛАР УЧУН МУҲИМ ЯНГИЛИК

Педагогика йўналишидаги сиртқи таълимга энди фақат беш йил иш стажига эга бўлган педагоглар қабул қилинади.

2023-2024 ўқув йили қабулидан бошлаб педагогик кадрлар тайёрловчи олий таълим муассасаларига фақатгина камида беш йиллик педагогик иш стажига эга бўлган шахслар қабул қилинади. Бу ҳақда Вазирлар Маҳкамасининг тегишли қарори имзоланди.

Мазкур қарорга кўра 2023-2024 ўқув йили қабулидан бошлаб педагогик кадрлар тайёрловчи олий таълим муассасаларининг математика ва информатика, физика ва астрономия, киё, биология, география ва иқтисодий билим асослари, ўзбек тили ва адабиёти, она тили ва адабиёти (тиллар бўйича), ўзбек тили гуруҳларда ўзбек тили, хорижий тил ва адабиёти (тиллар бўйича), чақириққача ҳарбий таълим, мактаб менежменти, мактабгача ва бошланғич таълимда хорижий тил (тиллар бўйича) ва махсус педагогика (фаолият турлари бўйича) сиртқи таълим шаклига қабул амалга оширилмайди.

Ушбу рўйхатда бўлмаган таълим йўналишларига сиртқи таълим шакли бўйича ўқишга камида беш йиллик педагогик иш стажига эга бўлган шахслар қабул қилинади.

Ўқиш истагида бўлган шахсларнинг таълим тизимида камида беш йиллик педагогик иш стажига эга эканлиги “Ягона миллий меҳнат тизими” идоралараро дастурий-аппарат комплексидаги маълумотлар асосида белгиланади.

Xalq ta'limi Info Ochish/sharhlash

2022-06-25 08:22:13 ХТВнинг 24.06.2022 йилдаги 02-02/3-1305 хати. 2022-2023 ўқув йили учун устама белгилашда хисобга олинадиган фан олимпиадалари ва тадбирлар

@tarixvabugun5 Ochish/sharhlash

2022-06-24 14:34:01 #Қонунчиликдаги_янгиликлар

Педагогларнинг хорижда ўқиши учун камида 35 та алоҳида квота ажратилади

Қарорга кўра, 2023 йил 1 январгача педагог кадрлар тайёрловчи ОТМ бакалавриатида ўқиётган талабалар учун уларнинг таълим йўналишларига турдош бўлган мутахассисликлар бўйича қўшимча педагогик тайёрлов дастурлари ишлаб чиқилади.

Дастурлар бўйича ўқишга ОТМ бакалавриатининг сўнгги икки босқичда ўқиётган талабалар қабул қилинади.

Дастурларни ўзлаштирганлик тўғрисидаги сертификатга эга шахсларга олий таълим ташкилотида ўқишни битирганидан сўнг қайта тайёрлаш курсларидан ўтмасдан сертификатда кўрсатилган мутахассислик бўйича мактабгача, умумий ўрта, ўрта махсус ва профессионал таълим ташкилотларида педагогик фаолият билан шуғулланиш ҳуқуқи берилади.

2023/2024 ўқув йилидан педагог кадрлар тайёрловчи ОТМнинг қўшма таълим дастурларида таълим олаётган талабаларнинг ҳамкор хорижий ОТМда ўқиш даври учун тўлов-контракт қийматини қоплаб бериш тартиби жорий этилади.

2023 йилдан педагогика соҳаси бўйича нуфузли хорижий ОТМда бакалавриат, магистратура, докторантура дастурлари асосида кадрлар тайёрлаш учун “Эл-юрт умиди” жамғармаси стипендиялари ҳисобидан ҳар йили тасдиқланган умумий қабул квоталари доирасида педагог кадрлар учун камида 35 та алоҳида квота ажратилади.

Қарор билан педагог кадрлар тайёрловчи ОТМ ҳузурида ташкил этиладиган академик лицейлар (8 та) рўйхати тасдиқланди.

2023/2024 ўқув йилида тажриба-синов тариқасида педагог кадрлар тайёрловчи ОТМ ҳузуридаги академик лицейларга қабул икки босқичли саралаб олиш тизими – дастлабки ёзма имтиҳон ҳамда тест синовлари асосида ташкил этилади.

2022/2023 ўқув йилидан умумий ўрта таълим муассасаларининг педагог касбига лаёқатли 10–11-синф ўқувчиларини махсус ишлаб чиқилган вариатив ўқув режалари асосида ўқитиш чоралари кўрилади.

Каналга уланиш
https://t.me/huquqiyaxborot Ochish/sharhlash

2022-06-24 14:34:01 #Қонунчиликдаги_янгиликлар

Педагогика йўналишида 10 та ОТМ ташкил этилади

“Педагогик таълим сифатини ошириш ва педагог кадрлар тайёрловчи олий таълим муассасалари фаолиятини янада ривожлантириш чора-тадбирлари тўғрисида”ги Президент қарори (ПҚ–289-сон, 21.06.2022 й.) қабул қилинди

Қарор билан тегишли ОТМ ҳамда уларнинг бакалавриат таълим йўналишлари ва магистратура мутахассисликлари негизида қуйидагилар ташкил этилади:

Урганч давлат педагогика институти;
Наманган давлат педагогика институти;
Гулистон давлат педагогика институти;
Ўзбекистон-Финляндия педагогика институти;
Андижон давлат педагогика институти;
Бухоро давлат педагогика институти;
Термиз давлат педагогика институти;
Шаҳрисабз давлат педагогика институти;
Чирчиқ давлат педагогика университети;
Жиззах давлат педагогика университети.

2022/2023 ўқув йилидан:

мактабгача, умумий ўрта, ўрта махсус ва профессионал таълимда фойдаланиладиган дарсликлар ҳамда методик қўлланмаларни педагог кадрлар тайёрловчи ОТМга уларнинг талабномасига мувофиқ пуллик асосда тақдим этиш тартиби жорий қилинади;

педагог кадрлар тайёрловчи ОТМ кундузги таълим шаклида ўқиётган 2–4-босқич талабалари учун ҳафталик ўқув машғулотлари “4+2” тартибида (дарсларнинг 4 куни ОТМда, 2 куни мактабгача ва умумий ўрта таълим муассасаларида амалиёт ўташ тартибида) олиб борилади.

Ҳар йили педагог кадрлар тайёрловчи ОТМ ихтисослик кафедраларининг камида 5 фоиз профессор-ўқитувчиларини хорижга танлов асосида малака ошириш ва стажировкага юбориш чоралари кўрилади.

Каналга уланиш
https://t.me/huquqiyaxborot Ochish/sharhlash