Tarixiyat

2022-07-28 16:12:02 Vaqt sotuvchilari haqida eshitgansizmi?

100 yildan ko'proq vaqt davomida londonlik Bellevillar oilasi o'zlarining yagona daromad manbai sifatida vaqtni sotish bilan shug'ullangan. 1892-yilda otasi va onasi vafotidan so'ng, bu kasb ularning qizi Rut Bellevilga meros bo'lib o'tgan. Har kuni ertalab u Grinvich rasadxonasiga borib, xronografini tekshirar, so‘ng xaridorlar atrofida aylanib, soatlariga aniq vaqtni o‘rnatar edi. 1926-yilda, BBC radiostansiyasi aniq vaqt signallarini uzatishni boshlaganida, ko‘plab mijozlar endi uning xizmatlariga muhtoj bo‘lmay qolishadi. Biroq Bellevil xonim 1940-yilda keksalik tufayli biznesni tark etishga qaror qilguniga qadar ba’zi mijozlariga oʻz xizmatini ko'rsatavergan.

P.S: Любая бизнес хороша

T.me/tarixiyat Ochish/sharhlash

2022-07-28 10:47:02 Nima uchun Amerikada masofalar dyum va milya bilan, vazn esa funt bilan o'lchanadi?

Bunda Karib dengizi qaroqchilarini va metrik tizimning ishonchsiz standartlarga bog'lanishini ayblash mumkin. Metr va kilogramm fransuz inqilobi bilan qonuniylashtirilgan va fransuz kilogrammining nusxasi - mis og'irlik Amerika Mustaqillik Deklaratsiyasining hammuallifi Tomas Jeffersonning shaxsiy iltimosiga binoan 1793-yilda Qo'shma Shtatlarga yetkazib berilishi kerak edi. Mis kilogrammni olib kelishga mas'ul Jozef Dombey kemasi qaroqchilar qo'liga tushgan va standartga javobgar bo'lgan olim keyingi yili ularning qoʻlida vafot etgan. Davlatlar esa yangi progressiv standartsiz qolgan. Hikoya yaqinda, Dombeyning boshqa shaxsiy buyumlari bilan birga qaroqchilar tomonidan kim oshdi savdosiga qo'yilgan g'alati vaznning kelib chiqishi aniqlanganida ma'lum bo'ldi.

T.me/tarixiyat Ochish/sharhlash

2022-07-28 06:50:08 "Gopnik" so'zi qanday paydo bo'lgan?

XIX asrning oxirida, Ligovskiy prospektida joylashgan zamonaviy "Oktyabrskaya" mehmonxonasi hududida Davlat qamoqxona jamiyati (GOP) tashkil etilgan bo'lib, u yerga kichik talonchilik va bezorilik bilan shug'ullangan uysiz bolalar va o'smirlar tashlangan. 1917-yilgi Oktyabr inqilobidan so'ng, xuddi shu maqsadda ushbu binoda Proletariat davlat yotoqxonasi (GOP) tashkil etilgan.

Hududda huquqbuzarlik sodir etgan voyaga yetmaganlar soni bir necha barobar ortgan. Shahar aholisi orasida "gopniklar" so'zi paydo bo'lgan va bu GOP aholisini Ligovkadan chaqirish uchun ishlatilgan.

T.me/tarixiyat Ochish/sharhlash

2022-07-27 18:20:29 Buyuk Britaniya qirollik oilasida nikohlar munosabati bilan tayyorlangan to'y sovg'alarida kelin va kuyovning ismlarining birinchi harflaridan emblema yasash an'anasi mavjud boʻlgan. An'anaga ko'ra, erkak harfi ayol harfidan oldin joylashtirilgan. Ammo bir safar shahzoda (W)Uilyam va (C)Keyt Middltonning to'yida ular buning aksini qilishga qaror qilishgan. Sababi, an'analarga rioya qilingan taqdirda, yangi turmush qurganlarning bosh harflari Angliyada hojatxonalar maʼnosini anglatuvchi WC qisqartmasini hosil qilgan bo'lar edi. Shu sabab istisno tarzida kelin ismi kuyovnikidan oldin qoʻyilgan.

T.me/tarixiyat Ochish/sharhlash

2022-07-27 16:16:33 Oseberg qayig'i - 1904-yilda kashf etilgan eman Viking kemasi (drakkar). Kema taxminan 820-yilda ishga tushirilgan va 834-yilgacha qirg'oq navigatsiyasida ishlatilgan. Keyin u dafn kemasi sifatida foydalanilgan. Kemaning uzunligi 21,6 metr, kengligi 5,1 metr, ustunning o'lchami 6 dan 10 m gacha bo'lishi mumkin. Yelkan maydoni 90 m² bo'lgan kema 10 tugungacha tezlikka erisha olgan. 15 juft eshkak 30 ta eshkakchi tomonidan harakatga keltirilganligini ko'rsatadi. Garchi bu maxsus kema faqat qirg'oq bo'ylab suzib yurish uchun ishlatilgan bo'lsa-da, xuddi shunday o'lchamdagi kemalar Britaniyaga bostirib kirish uchun ham ishlatilgan.

T.me/tarixiyat Ochish/sharhlash

2022-07-27 10:50:11 Go'zallik o'lchov birligi...

Qadimgi yunon afsonalariga ko'ra, go'zal Yelenaning o'g'irlab ketilishi Troya urushiga sabab bo'lgan va Yelenaning go'zalligi ko'pincha mingta kemani harakatga keltiradigan kuch sifatida tilga olinadi. Shunga asoslanib, matematiklar Millihelen deb nomlangan kulgili o'lchov birligini taklif qilishgan. Bu bitta kemani ishga tushirish uchun yetarli bo'lgan ayol go'zalligi miqdori sifatida belgilanadi. Go'zal Yelenaning o'zi, ushbu talqinga ko'ra, 1186 Millihelenga teng go'zallikka ega. Chunki Gomerning "Iliada" dostoni matniga ko'ra, Troya sohillariga aynan shu miqdordagi yunon kemalari suzib borgan.

T.me/tarixiyat Ochish/sharhlash

2022-07-27 06:55:02 "Zamonaviy kosmetikaning otasi" deb atalgan Maksimilian Faktorovich Rossiya imperiyasida tug'ilgan. Odessa va Nikolayevda yashagan. U Ryazan shahrida turli xil kosmetika mahsulotlarini sotadigan birinchi do'konini ochgan va asta-sekin qirol oilasiga yetkazib beruvchi maqomiga erishgan. 1904-yilda AQShga koʻchib ketgan va u yerda dunyoga mashhur kosmetika kompaniyasi - Max Factorga asos solgan.

T.me/tarixiyat Ochish/sharhlash

2022-07-26 19:05:09 Fanta...

"Fanta" Germaniyada 1940-yilda ikkinchi jahon urushi paytida ixtiro qilinganligini bilsangiz kerak. Gitlerga qarshi koalitsiya tomonidan kiritilgan embargo tufayli Germaniyaga Coca-Cola ishlab chiqarish uchun zarur bo'lgan sirop yetkazib berish to'xtatiladi. Ikkinchi jahon urushi davrida Germaniyadagi Coca-Cola bo'limiga mas'ul bo'lgan Maks Kite o'sha paytda Germaniyada mavjud bo'lgan ingredientlar asosida yangi mahsulot yaratishga qaror qiladi. Yangi ichimlikning asosiy tarkibiy qismlari olma va zardob (pishloq ishlab chiqarishdagi qo'shimcha mahsulot) edi. Olingan ichimlik sarg'ish rangga ega bo'lib, hozir eng keng tarqalgan apelsinli "Fanta"dan ta'mi juda farq qilgan. Ichimlikning nomi Kitening ishchilariga "tasavvuringizni ishga soling" (nemis tilida - "Fantasie") deb boshlangan jamoaviy munozara natijasida paydo boʻlgan va oʻsha yerda boʻlgan Jo Knipp boshlig'ining gapidan soʻng darhol "Fanta" variantini bergan, degan versiya mavjud.

T.me/tarixiyat Ochish/sharhlash

2022-07-26 16:06:02 1206-yilda Norvegiyadagi fuqarolar urushi davrida Birkebeyner jangchilari chang'i yordamida qor bo'ronida qo'llarida bir yarim yoshli Xokon Haakonsson bilan 54 kilometr masofani bosib o'tishgan. Ular Norvegiyaning bo'lajak qirolini dushmanlari boʻlmish baglerlardan qutqarishgan. Ushbu voqea sharafiga har yili "Birkebeyner chang'i poygasi" o'tkaziladi. Barcha ishtirokchilar o‘zlari bilan qirollik chaqalog‘ining vaznini ifodalovchi 3,5 kilogrammli xalta olib yurishadi.

T.me/tarixiyat Ochish/sharhlash

2022-07-26 10:45:09 Rad etib boʻlmas sovgʻa...

1922-yilda insoniyat tarixidagi eng buyuk olimlardan biri bo'lgan Nils Bor atomlarning tuzilishi bo'yicha tadqiqotlari va kvant mexanikasidagi dastlabki ishlari uchun Nobel mukofotiga sazovor bo'ladi. Bor daniyalik edi va uning vatandoshlari uning yutuqlaridan benihoya faxrlanishdiki, ular olimni sovg'alar bilan tom ma'noda koʻmib tashladi. Ammo ularning eng originali Carlsberg pivo zavodi tomonidan taqdim etilgan. Pivo ishlab chiqaruvchilar Borga o'z fabrikasidan unchalik uzoq bo'lmagan kichik uchastkadan uy berishgan. Bu uyning o'ziga xos jihati pivo zavodiga ulangan quvur edi - u orqali uyga pivo 24/7, bepul, cheksiz va olimning umrining oxirigacha yetkazib berilgan. Bor kamtarlik tufayli, vatandoshlarining ko'plab sovg'alarini rad etgan. Ammo u bepul pivoning jozibali istiqboliga qarshi tura olmagan)

Ana shunaqa

T.me/tarixiyat Ochish/sharhlash