2022-08-16 06:36:11
Quyida keltirilgan duolarni imtixon oldidan o'qisangiz in sha Alloh albatta sizga foydasi bo'ladi, ishingiz osonlashadi. Tolibi ilmlar uchun Allohning izni bilan ilm olishni yengillashtirishga sabab boʻluvchi Qurʼon va sunnatdan duolar havola qilingan:
Birinchi duo رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِنْ لِسَانِي * يَفْقَهُوا قَوْلِي
Maʼnosi: “Ey Robbim, mening qalbimni keng qil. Mening ishimni oson qil. Tilimdagi tugunni yechgin. Soʻzimni anglasinlar” (Toha surasi, 25–27-oyatlar).
Ikkinchi duo رَبِّ زِدْنِي عِلْمًا
Maʼnosi: “Robbim, ilmimni ziyoda qilgin” (Toha surasi, 114-oyat).
Uchinchi duo اللَّهُمَّ انْفَعْنَا بِمَا عَلَّمْتَنَا وَعَلِّمْنَا مَا يَنْفَعُنَاوَزِدْنِي عِلْمًا
Maʼnosi: “Allohim! Bilganlarimizni foydali qil! Bizga foydali narsalarni bildir! Ilmimizni ziyoda qil!” (Termiziy va Ibn Moja rivoyati).
Toʻrtinchi duo اَلَّلهُمَّ إِنِّي أَسْأَلُكَ عِلْمًا نَافِعًا، وَرِزْقًا طَيِّبًا، وَعَمَلاً مُتَقَبَّلاً
Maʼnosi: “Allohim! Sendan manfaatli ilm, pok rizq va qabul boʻladigan amal soʻrayman” (Ibn Moja rivoyati).
Agar biz ilm olishimiz yengilashishini istasak, avvalo, gunohdan saqlanishimiz, Allohga koʻproq tavba qilishimiz lozim ekan.
Xotirani yaxshilaydigan ishlardan yana biri tungi namoz – tahajjuddir. Musʼhafga qarab Qurʼon oʻqish ham xotira uchun juda foydali. Shuningdek, misvok ishlatish, zehn yaxshilanishi uchun tavsiya qilingan mahsulotlardan tanovul etish ham samara beradi. Va, albatta, oʻqishda jiddu-jahd qilish, sabr bilan ilm talabida bardavom boʻlish, oʻrganilgan narsani takrorlab turish darkor.
Manba: @BintuSodiq
580 viewsedited 03:36
T
