2022-09-27 17:07:46
DO'STLIK - ULUG' BAXT
Qirg'iz xalq ertagi
Bir vaqtlar dunyoda donishmand bir chol o'tgan ekan. Uning yetti o'g'li
bor ekan. Lekin ular otasining so'ziga kirmas ekanlar va har biri o'zicha ish tutar ekan. Kattalari kichkinalarini do'pposlasa, kichiklari kattalariga ish buyurarkan.
Odamlar ulardan kulib, aqlli cholning o'g'illari ahmoq bo'lyapti deb hisoblab, ko'pincha ularni yolg'iz uchratishsa, tutib urisharkan.
Kunlardan bir kuni chol o'rmonga borib, to'qqizta baquwat-baquwat tayoqni qirqib kelibdi. U o'g'illarini to'plabdi va ularga shunday debdi:
— Bolalarim, men sizlarning kuchlaringizni sinab ko'rmoqchiman. Mana bu to'qqizta tayoqni bir qilib sindirib ko'ringlar-chi.
O'g'illari navbat bilan sindirishga
urinib ko'rishibdi, lekin hech qaysisi
uddasidan chiqolmabdi.
Hammasi charchaganidan so'ng,
otasi tayoqni o'g'illariga bittadan bera boshlabdi.
O'g'illari bittadan tayoqni olib, ularni qiynalmay sindirib tashlabdi.
Shunda chol o'g'illarini atrofiga o'tqazib, shunday debdi:
— Men sizlarning kelgusi hayotlaringizdan qo'rqyapman, agar sizlar ahil yashasanglar, unda hech qanday dushman sizlar uchun qo'rqinchli emas. Bitta
tayoqni osongina sindirdingiz, ammo hammasini bir yo'la sindira olmadingiz.
Chol oradan sal o'tmay dunyodan o'tibdi. O'g'illari esa inoq yashay boshlabdilar. Kichiklari kattalarining so'ziga quloq soladigan, hammalari ishlab, bir-birlariga ko'maklashadigan bo'lishibdi.
Shundan beri qirg'iz xalqi og'zida: "Do'stlik — ulug' baxt" degan naql bor
ekan.
2.8K viewsedited 14:07