Magistraturaga kirishdagi majburiy chet tili sertifikat talabi sabab oliygohlar 3 yilda 206 mlrd 435 mln so‘m yo‘qotgan! Oliy ta’lim, fan va innovatsiyalar vazirligi tomonidan O‘zbekiston Respublikasi Prezidentining
2021-yil 19-maydagi PQ–5117-son qarori tartibga solish ta’sirini baholashdan o‘tkazilmoqda.
Vazirlik tomonidan mazkur
qaror bo‘yicha to‘ldirilgan TSTB hisoboti e’lon qilindi.
Unga ko‘ra, til sertifikati talabi natijasida magistratura uchun ajratilgan kvotalar ochiq qolganligi tufayli
oliy ta’lim muassasalari uchun yuzaga kelgan moliyaviy yo‘qotishlar 2021–2023-yillar oralig‘ida jami 206 mlrd 435 mln so‘mni tashkil etgan.
Bu borada
moliyaviy yo‘qotishlar 2021-yilda
18 mlrd 690 mln so‘mni, 2022-yilda
101 mlrd 865 mln so‘mni, 2023-yilda
85 mlrd 880 mln so‘mni tashkil etgan.
Ma’lumot uchun, til sertifikati talabi natijasida magistratura uchun
2021-yilda 20,7 foiz kvota ochiq qolgan bo‘lsa,
2022-yilda 80,2 foiz, 2023-yilda 62,6 foiz kvota ochiq qolgan.
Shuningdek, hujjat topshirgan yoki talabgorlar soni
so‘nggi 3 yilda 12,5 baravarga kamaygan. @talimuz