Магистратурада ўқиётган барча хотин-қизларнинг контракт-тўловлари қайтариш шартисиз қоплаб берилади
Ҳукумат қарори (447-сон, 15.08.2022 й.) асосида давлат ОТМларининг магистратура босқичида ўқиётган барча хотин-қизларнинг контракт-тўловлари қайтариш шартисиз Давлат бюджети маблағлари ҳисобидан қопланади.
Бунинг учун талабгор тўлов-контрактнинг тўлиқ суммасини қоплаб бериш юзасидан ўзлари таълим оладиган ОТМ ректори (филиал директори) номига 15-сентябргача ариза билан мурожаат этади.
Татбиқ этилмайди:
15-сентябрдан кечиктириб топширилган аризаларга;
табақалаштирилган тўлов-контракт тўловларига;
қўшма таълим учун.
Аризалар 3 иш кунида кўриб чиқилиб, рўйхат шакллантирилади.
Тўлов-контракт суммасини қоплаб бериш тўғрисида жорий ўқув йилининг 15-октябрига қадар тегишли ОТМ ректори (филиал директори) буйруғи қабул қилинади.
@Talim_Vazirligi
