Tahrir/kopirayting.uz📝

2022-09-01 13:54:40 #qutlov

Ассалому алайкум, каналимизнинг қадрли аъзолари!

Ҳаммангизни жонажон Ватанимиз мустақиллигининг 31 йиллиги билан табриклайман!

Уч мингйиллик давлатчилик тарихига эга, туркий дунё жавҳари бўлган Ўзбекистон Республикаси дунё тургунча турсин! Шон-шавкати улуғ, толеи баланд бўлсин!

Жаҳон дипломатияси Ўзбекистон билан ҳисоблашадиган, унинг раъйига кўра иш тутадиган кунларни кўриш барчамизга насиб этсин!

ВАТАН ОМОН БЎЛСИН!

@tahrir_uz Ochish/sharhlash

2022-08-28 09:00:09 #биласизми?

Похолдўқ

Қишлоқда шундай сўз бор. Ясама, кўз қўрқитар учун қилинган пўписани билдиради.

Бошқача вариантиям бор: лалмидўқ.

Сиз тарафларда шундай маънони ифодалайдиган қандай сўз бор? Ўртоқлашинг биз билан.

@tahrir_uz Ochish/sharhlash

2022-08-25 15:37:09 #кўзгу

Қурбон қотилга айланди

Хабарчи сайтларнинг таржимониям, муҳарририям яхши ишламайди, десам, гапимга қўшиласизларми?

Маҳаллий сайтлардан бирининг хабар беришича, "Япония полицияси раҳбари мамлакат собиқ бош вазири Синдзо Абэ қотиллиги сабабли истеъфога чиқди".

Эшитган бўлсангиз керак, Япониянинг собиқ бош вазири Синдзо Абэ қотиллик қурбони бўлди. Энди матн мазмунига эътибор беринг.

Унда ёзилишича, собиқ бош вазирнинг қотиллиги сабабли Япония полицияси раҳбари ишдан бўшабди.

Қурбон қандай қилиб қотилга айланиши мумкин? Мантиқ қани, ҳурматли муҳтарамлар? Ёки матн тўғри тузилган-у, менинг томим кетиб қолганми?

Охирги пайтларда ажаб-ажаб матнларни ўқиб, бепарво муносабатни кузатиб ўзимдан шубҳалана бошлаяпман .

@tahrir_uz Ochish/sharhlash

2022-08-24 21:36:20 #SOS

Билимдонлар уйғоқмисиз?

Манави ерда (мен кўраётган матнда) бир муҳтарам ўрисча жумлаларни пўчоқдан (пўчоғи) тозаланган писта (бодом, ёнғоқ) деб ўгирибди.

Шуни нима деб ўзбекчалаштирсак бўлади? Изоҳларни муҳокама гуруҳида қолдирсангиз бўлади.

Саволга аниқлик киритаман: пўчоқдан тозаланган писта бирикмасини ихчам ифодалайдиган қандай сўз бор тилимизда?

@tahrir_uz Ochish/sharhlash

2022-08-21 09:00:07 #кўзгу

Жирафага эҳтиром

Она тилимизда синоним сўзлар кўп. Бироқ маъноси ҳар қанча яқин бўлмасин, бировининг ўрнини иккинчиси босолмайди.

Баъзи муаллифлар наздида мақоласи устида муҳаррир жон койитмагандек, шунчаки синонимлар ўрнини алмаштиргандек туюлади.

Аслида масала унчалик жўн эмас. Сўзни ҳис қилиш, ўрнини топиб қўллаш кўп тажриба ва кўникма талаб қилади.

Бугун ижтимоий тармоқларда тарқалган хабарда айтилишича, "Тошкент ҳайвонот боғидаги жирафа вафот этди".

Вафот этмоқ феъли фақат одамга нисбатан қўлланади. Ҳайвонлар ўлади.

@tahrir_uz Ochish/sharhlash

2022-08-14 09:00:09 #шахсий_фикр

Лозим ёмон сўзми?

Таниқли киношунос Ҳамидулла Акбаров бизга бир муддат дарс ўтган. Машғулот орасида таҳрирга оид қизиқ гап айтган: "Фалончи Фалончиевич мақолада ҳеч қачон лозим сўзини ишлатманглар", дерди..."

Ўшанда "Нега?" деб сўрашга зарурат сезмаганмиз. Чунки пойтахтда ўқиганимиз учун Тошкент шевасида лозим аёлларнинг хос кийими эканини билардик.

Кейинчалик бу сўз араб тилидан ўзлашгани, бироқ кийим-кечакка мутлақо алоқаси йўқлигини билганман. Араблар лозимни зарур, керак маъносида қўллайди.

Шундай бўлса-да, муайян вақт домланинг гапи таъсирида лозим сўзини ишлатмаганман.

@tahrir_uz Ochish/sharhlash

2022-08-13 09:00:09 #топшириқ

Зўридан кепқолди

Қишлоқ жойлардаги оилавий хўжаликларнинг аксарияти ўсимликчилик ва чорвачилик билан шуғулланиб, кун кечиради.

Қани, аҳли дониш, ўсимликчилик ўрнига қайси сўзни қўлласак маъқул, нима дейсизлар?

@tahrir_uz Ochish/sharhlash

2022-08-12 09:00:10 #шахсий_тажриба

Эркак ҳомиладор бўлмайди

Матнни таҳрир қилаётиб ҳомиладор аёллар деган иборага дуч келсангиз, дарров аёллар қисмини олиб ташланг. Чунки фақат аёллар ҳомиладор бўлиш фазилатига эга.

Таҳрир билан шуғулланиш, умуман, матн устида ишлаш мантиқни талаб этади. Баъзан ҳиссиёт устун келган жойда мантиқ қочади. Ижобий фазилатлар, салбий иллатлар деган иборалар мантиқ қочгани ҳосиласи (бу ҳақда дастлабки постларда ҳам ёзилган).

Яна шундай тушунчалар борки, қўшимча изоҳ ортиқчалик қилади. Масалан, шифохонада ётган бемор инсонлар жумласини олайлик. Бу ерда инсон сўзига эҳтиёж йўқ.

Гап шифохона ҳақида, ветеринария тўғрисида эмас. Шифохонада эса одам даволанади. У бемор. Шунинг учун шифохонада ётибди.

Демак, қўрқмасдан жумлани шифохонада ётган беморлар деб ихчамлаштиришингиз мумкин.

@tahrir_uz Ochish/sharhlash

2022-08-11 03:38:24 #амалиёт

Йўл-йўлакай

Донецк пиво заводининг ўққа тутилиши оқибатида аммиак сизиб чиқиши содир бўлди.

@tahrir_uz Ochish/sharhlash

2022-08-09 09:48:47 Ochish/sharhlash