Taftish.uz | Rasmiy kanal

2023-12-29 11:08:49 “Telegram”da 11 ta kanal ochib ekstremistik gʻoyalarni targʻib qilgan shaxsga nisbatan sud hukmi oʻqildi
 
Qashqadaryo viloyatining Qamashi tumanida yashovchi, 21 yoshli fuqaro 2018-2023-yillar davomida doimiy yashash manzilida boʻlishi hamda 2022-yilning iyul-noyabr oylarida Qozogʻistonning Olmaota shahrida mavsumiy ishlashi davomida ijtimoiy tarmoqlar orqali xalqaro terroristik tashkilotlar gʻoyaviy rahnamolarining “hijrat” va “jihod”ga chorlovchi audio-video maʼruzalarini tinglab, tomosha qilgan.

Natijada, u “Telegram” messenjerida 11 ta kanal ochib, ekstremistik mazmundagi gʻoyalarni targʻib qilish bilan shugʻullangan.
Hatto unda Suriyaga borib, “jihod” qilish istagi paydo boʻlgan va ayni shu maqsadda ijtimoiy tarmoqlar orqali oʻzgalardan kerakli maslahatlarni olgan.

DXX tezkor-qidiruv tadbirlari natijasida, bu shaxsning Suriyaga ketishining oldi olindi hamda unga nisbatan jinoyat ishi qoʻzgʻatildi.

Sud hukmiga koʻra, mazkur shaxsga nisbatan 7 yil muddatga ozodlikdan mahrum qilish jazosi tayinlandi.

@taftish_uz Ochish/sharhlash

2023-12-28 17:08:02 Yangi yil arafasida urush faxriylariga prezident sovgʻasi yetkazildi

Shuningdek, davlat rahbarining bayram tabrigi oʻqib eshittirildi.

Bu kabi tadbir butun respublika boʻyicha oʻtkazilayotganini koʻrish mumkin.

Suratda Surxondaryo hokimi 100 yoshni qarshilagan Kenja bobo Ilamanov bilan

@taftish_uz Ochish/sharhlash

2023-12-28 15:04:39 Bayram arafasida metro bepul boʻladi

Toshkent metrosi 31-dekabr kuni yoʻlovchilar uchun bepul xizmat koʻrsatadi.

Bu haqda metropoliten maʼmuriyati xabar qilgan.

Maʼlumot uchun, qoʻshimcha dam olish kunlarida (2023-yil 30-dekabr, 2024-yil 1-2-yanvar) metro poyezdlari yakshanba kuni uchun tasdiqlangan jadval asosida soat 05:00 dan 00:00 gacha harakatlanadi.

@taftish_uz Ochish/sharhlash

2023-12-26 13:41:55 #Deputatlik_soʻrovi

Dori vositalarining narxini tartibga solish yuzasidan masʼul tashkilotlarga deputatlik soʻrovi yuborildi

Bugungi kunda, dorixonalarda sotilayotgan ayrim dori vositalarining narxlari qimmatligi masalasi koʻplab fuqarolar, jumladan, ijtimoiy tarmoq foydalanuvchilarining haqli eʼtirozlariga sabab boʻlmoqda.

Ushbu masala joriy yilning sentyabr — noyabr oylarida “Adolat” SDP tomonidan joylarda jamoatchilik nazorati tartibida oʻrganildi. Oʻrganishlar davomida aksariyat dorixonalarda sotilayotgan tarkibi va xususiyati jihatdan bir xil boʻlgan xorijiy va mahalliy dori vositalarining narxlari oʻrtasida katta tafovut borligi hamda oʻzimizning ayrim mahalliy mahsulotlar chet davlatlarnikidan ancha qimmatligi aniqlandi.

Natijada partiyaning Oliy Majlis Qonunchilik palatasidagi fraksiyasi aʼzolari hamda partiya ekspertlari ishtirokida mazkur masala muhokama qilinib, masʼul idoralardan aholining dori bozoridagi narxlar tafovuti boʻyicha haqli noroziliklariga nisbatan munosabat bildirishi yuzasidan deputatlik soʻrovi yuborildi.

Oʻzbekiston “Adolat” SDP
Matbuot xizmati.

@taftish_uz Ochish/sharhlash

2023-12-22 19:20:02 Buryatiyada 25 yil o‘rmonda yolg‘iz yashagan ovchi topildi

Buryatiyada ko‘ngillilar 25 yildan beri o‘rmonda yolg‘iz yashab kelayotgan, qo‘l barmoqlari yo‘q odamni topishdi.

Maʼlum bo‘lishicha, ushbu 60 yoshli fuqaro — ovchi, u 25 yil oldin xotinidan ajralib tarki dunyo qilgan.

Ayni damda unga nogironlik guvohnomasi rasmiylashtirilmoqda, lekin qariya odamlar orasiga qaytish niyati yo‘qligingi maʼlum qilgan.

@taftish_uz Ochish/sharhlash

2023-12-19 17:59:02 Internetda 7-sinf oʻquvchisi unashtirilmoqda, degan video tarqaldi

Bolalar ombudsmani holatga aniqlik kiritdi.

Video Qashqadaryoning Koʻkdalasidan ekan. Masʼullar holatni oʻrgangan.

Qizning ota-onasi aslida farzandining tugʻilgan kuni munosabati bilan oʻtkazilgan marosim ekanligini tushuntirgan.

Rasmiylar turmushga chiqishga majburlash uchun jinoiy javobgarlik mavjud ekanligi toʻgʻrisida ogohlantirishgan.

Qizning ota-onasi farzandini erta turmushga berish niyati yoʻqligi, uni oʻqitishini maʼlum qilishgan.

@taftish_uz Ochish/sharhlash

2023-12-19 17:41:30 Qirg‘izistonning O‘zbekiston bilan chegaradagi nazorat-o‘tkazish punktida sakkiz nafar chegarachi qo‘lga olindi

Ular tunda “Baymak-Avtodorojniy” nazorat-oʻtkazish punkti chiroqlarini o‘chirib, noqonuniy yuk olib o‘tilishiga yordam bergan hamda migratsiya kanalini tashkil qilgan

@taftish_uz Ochish/sharhlash

2023-12-19 17:20:02 Putin maktabda darslarda telefondan foydalanishni taqiqlovchi qonunni imzoladi

Rossiya maktablarida favqulodda vaziyatlardan tashqari holatlarda endi mobil telefonlardan foydalanish mumkin emas.

@taftish_uz Ochish/sharhlash

2023-12-19 15:41:23 Euronews telekanali Silk Road Samarkand haqida gapiradi  

Euronews telekanali tomoshabinlari bayram oldidan  Silk Road Samarkand sayyohlik markazi haqidagi badiiy lavhani kuzatish imkoniga ega bo‘ladilar. Majmua Samarqandning qadimiy madaniyati bilan tanishish, shu bilan birga yuqori darajadagi qulayliklar, sifatli xizmat, Silk Road Samarkand hududidagi eshkak eshish kanalining go‘zalligi va ajoyib manzaralaridan bahramand bo‘lishlari mumkin.

Yangi video ko‘plab tomoshabinlarga Samarqanddagi majmua haqida maʼlumot olish va O‘zbekistonda turizmni rivojlantirishga eʼtiborlarini qaratish imkonini beradi.

@taftish_uz Ochish/sharhlash

2023-12-19 15:21:07 Barcha xodimlar “Yangi yil”da ketma-ket 4 kun dam olishi mumkin

Yangi yilda ish haftasining turidan qatʼi nazar barcha xodimlar ketma-ket 3 kun dam olishlari aniq: 30-dekabr — shanba, 31-dekabr — yakshanba, 1-yanvar — dushanba (Yangi yil).

2024-yilda 5 kunlik ish haftasida ishlaydigan xodimlar uchun dam olish kunlari quyidagi tartibda koʻchirilishi mumkin:

6-yanvar — shanba kunidan 2-yanvar — seshanba kuniga. Shunda 2-yanvar seshanba 5 kunliklar uchun dam olish hisoblanib, 6-yanvar — shanba esa ish kuni boʻladi.

6 kunlik ish haftasida ishlaydigan xodimlar uchun esa 2-yanvar seshanba qoʻshimcha dam olish kuni sifatida belgilanishi mumkin.

@taftish_uz Ochish/sharhlash