Роналду нега йиғлади, биласизми? У фақатгина жамоаси ютқазган | Tafakkur qilmaysizmi ?!

Роналду нега йиғлади, биласизми?
У фақатгина жамоаси ютқазгани учун йиғлагани йўқ. Балки рақиб олдида ожиз қолгани, қуввати аввалгидай эмаслиги, дунёда хамма нарса завол томон кетаётганини англагани, ёшлик кучи ва чаққонлиги энди бўлмаслигини тушунгани, футболдан кетиш вақти келганини сезгани учун йиғлади.

Биз хам йиғлашимиз керак. Олдин ўзимиздан катталарнинг футболини кўрганимиз, хозир ўғлимиз тенгилар тўп тепиб юрганидан завқланаётганимиз учун. Кеча кўз билан кўраётган ўйинимизни бугун кўзойнак билан томоша қилаётганимиз учун. Футболчиларга ўхшаб ишқибозлари хам заволга кетаётганини сезаётганимиз учун.

Яна мухим бир жихат. Роналду каби энг мохир ва зўр ўйинчи хам майдонни ёшларга бўшатаяпти. Футбол майдонида-ки шундай инсоф қилинаётган экан, хаёт майдонида ўз ўрнини аллақачон бўшатиши керак бўлганлар, ёшларга йўл беришлари инсофнинг аълоси бўлса керак. Роналду ўйнолмаса хам, мураббийлик қилади, жуда бўлмаганда томоша. Сиз хам қувватингиз етмаётган майдонда йиқилиб-суқилиб чопиб юрмай, уни бўшатинг ва ёшларга тажриба ўргатинг, насихат қилинг эй яхшилар!
Мубашшир Ахмад