Tafakkur egalari

2022-09-01 16:11:06 ​​​​ШИФО (СЎРАШ) САЛАВОТИ

Аллоҳумма солли васаллим ва барик ъала саййидина Муҳаммадин тиббил қулууби ва давоиҳаа ва ъофиятил абдаани ва шифо'иҳаа ва нурил абсори ва зиёиҳаа ва ъала олиҳи васаҳбиҳи ва саллим.

Уламоларнинг тажрибасига кўра, ким ушбу салавотни беморлик пайтида ўқиса, табиблар тузалишидан умид узган ҳолда ҳам Аллоҳ унга офият беради, иншааллоҳ.

Маъноси: Қалбларнинг табиби ва давоси, унга салавот айтиш жисмга офият ва шифога сабаб бўлувчи, кўзларнинг нури ва зиёси - саййидимиз Муҳаммад алайҳиссаломга, оилаларига ва саҳобаларига салавоту дурудлар бўлсин!!

Тафаккур қилинг!

@Tafakkur3 Ochish/sharhlash

2022-09-01 15:11:24 Мустақиллик 31 ёшга тўлди. Ватанимизнинг улуғ байрами барчамизга муборак бўлсин.

…Шукр, мурғак дилга ёғду ташладинг,
Бахтлиман умримнинг шу палласида.
Ватан, қулоч ёйиб яшай бошладинг
Боламнинг кичкина юракчасида!

Эркин Бозоров.

Тафаккур қила олиш қобилиятига эга бўлган шахслар учун!

@Tafakkur3 Ochish/sharhlash

2022-09-01 14:58:59 1997 йилда Михаил Горбачёв пицца рекламасида суръатга тушган.

2022 йил у реклама қилган Pizza Hut Россия бозорини тарк этди. Орадан бир ой ўтиб (куни кеча) Горбачёв ҳам Россияга қўшиб бу дунёни "тарк этди".

P.S.: СССРни "тутиб тураолмагани" учун шу инсонга ташаккурларимиз бор.
Бу воқеаларни эса хозиргача тафаккур қилолмай юганлар ҳам бор.

Тафаккур қилинг!

@Tafakkur3 Ochish/sharhlash

2022-09-01 14:47:41 СССРни титратган тарихий нутқ

1989 йил 16 июнь куни собиқ СССРнинг энг юқори минбаридан туриб айтилган ўзбек халқининг дилидаги гаплар.

Мустақилликка томон ташланган қадамларнинг ибтидоси бўлган НУТҚ.

Нутқнинг ўзбек тилидаги таржимаси http://rost24.uz/uz/news/640

СССР даврини қумсаётган манқуртларга айтинг эшитиб ва тафаккур қилишсин!

@Tafakkur3 Ochish/sharhlash

2022-09-01 10:35:02 Мустақиллик байрамини нишонламайдиганларга раддия!

Яхшилаб эшитиб, тафаккур қилсинлар!

@Tafakkur3 Ochish/sharhlash

2022-09-01 10:25:23 Ассалому алайкум хурматли "Тафаккур эгалари" канали аъзолари !

Сизларни халқимизнинг улкан жасорати ва матонати намунаси бўлган Ўзбекистон Республикаси Мустақиллигининг 31 йиллик байрами билан чин қалбимиздан табриклаймиз.

Жонажон Ўзбекистонимизга кўз тегмасин!!

@Tafakkur3 Ochish/sharhlash

2022-08-31 13:03:06 Ҳозирда авж олаётган баъзи "Бизнес Тренинг" чилар ҳақида қисқача.

Кўринг ва тафаккур қилинг!

@Tafakkur3 Ochish/sharhlash

2022-08-31 11:53:28 «Одамзоднинг асли-зуваласи сувдан ва тупроқдандир. Бир кишининг табиатида сув унсури ғолиб бўлади. Уни латифлик ва риёзат билан тарбият қилмоқ лозим. Агар унга дағаллик билан муомала қилинса, у ўзгаради – айнийди, сўнг мақсадга етиб бўлмайди.

Бошқа бир кишининг табиатида эса тупроқ унсури ғолиброқ бўлади, уни оёқ билан тепкилаб, унга қаттиқлик билан муомала қилмоқ лозим, токи у бир нарсага ярасин».

«Тазкират ул-авлиё»

Тафаккур қилинг!

@Tafakkur3 Ochish/sharhlash

2022-08-31 09:22:45 Хитойлик олим Ли Шян Пак Covid-19 вируси ҳақида дунё аҳли билмаган сирларни маълум қилди. Сиз ҳам бу вирус билан боғлиқ ҳайратлантирувчи сирларни билиб қўйганингиз маъқул...

Эшитинг ва тафаккур қилинг!

@Tafakkur3 Ochish/sharhlash

2022-08-31 07:44:48 Оилапарвар

    Ривоят қилишларича, эр-хотин анча вақтдан бери бирга умргузаронлик қилишарди. Кунлардан бир куни эрининг ювош ва босиқлигини унинг уддабурон эмаслигига йўйган хотин шикоятга оғиз очибди.

    Хотининг шикоятларидан кўнгли оғриган эр бир ҳафта давомида чуқур ўйга толиб, сукут сақлагач, охир-оқибат хотинининг олдига қоғозқалам қўйиб, дебди:

— Менинг барча камчиликларимни шу қоғозга ёзиб чиқ. Мен ҳам сенинг камчиликларингни ёзаман. Бир бошдан ҳаммасини муҳокама қиламиз.

    Хотин эри ҳақидаги барча гина-кудуратларини астойдил қоғозга тушира бошлабди. Эркак ҳам қўлидаги қоғозга нималарнидир битибди.

    Ярим соатдан сўнг иккови қоғозларини бир-бирига узатишибди. Эркак аёлининг икки саҳифалик шикоятига кўз югуртириб ҳайрон қолибди.

    Аммо хотин эрининг ёзганига кўз югуртириши билан хижолатдан қизариб кетибди. Ўз шикоятлари битилган қоғозни эрининг қўлидан олиб, йиртиб ташлабди ва қилган ишига пушаймон бўлибди. Эри ҳар икки саҳифага фақатгина бир жумла ёзган экан: «Азизам, сени яхши кўраман».

Тафаккур қилинг!

@Tafakkur3 Ochish/sharhlash