2021-02-16 11:30:26
Аҳолининг заиф қатламлари коронавирусга қарши бепул эмланадиБу ҳақда депутат Расул Кушербаев Махсус комиссия йиғилиши якуни бўйича хабар берди.
Хитой вакцинасининг Ўзбекистонда ўтказилаётган клиник синовларининг дастлабки натижаларига кўра, эмланганлар орасида 1-даражали ножўя таъсирлар 5 нафар шахсда (0,3%) кузатилган.
Вакцинадан фавқулодда фойдаланиш учун рухсат берилса, вакцина яратилишида ҳамкор томон сифатида Ўзбекистонга вакцина имтиёзли нархларда ва етарли қувватларда етказиб берилади.
Вакцина ZF-UZ-2001 номи остида Ўзбекистон ҳукумати билан ҳамкорликда тижоратлаштирилиши мумкин. Ушбу вакцина жорий йилда 300 млн донагача ишлаб чиқилиши ва етказиб берилиши мумкин.
Ҳукумат аҳолининг катта қисмини 2021 йил охиригича коронавирусга қарши тўлиқ эмлашни режалаштирган.
Ижтимоий ҳимояга мухтож, ёши катта ва аҳолини бошқа заиф қатламлари вакилларини вакцина билан эмлаш бепул, яъни бюджет маблағлари ҳисобига амалга оширилади.
Каналга уланиш https://telegram.me/joinchat/AAAAAEFBSP4qzeA7o0XN5A
13.3K viewsedited 08:30