ЁМОН ЎҒЛИНГМАН ОНА Юзингда доғлар қўша, Кўзларинг намга гўша. | TUG'ILGAN KUN
ЁМОН ЎҒЛИНГМАН ОНА
Юзингда доғлар қўша,
Кўзларинг намга гўша.
Қаддинг ёй этган ўша,
Ёмон ўғлингман Она.
Нигохингда яшар зор,
Ёз бормадим ёғди қор.
Соғинчимда сен бемор,
Омон ўғлингман Она.
Қароғингда қотган нам,
Сочинг оппоқ қилди ғам.
Сен куз ёқда, мен кўклам,
Тамон ўғлингман Она.
Бердинг қанча қарз, қайтмас,
Забонинг жим, арз айтмас.
Хусни кўркам, хулқи хас,
Сомон ўғлингман Она.
Тонг отар сўнг шом ботар,
Сайин бағри тош қотар.
Қон кўксингга тиғ отар,
Камон ўғлингман Она.
Ёр, банд ёнда кўнглим тўқ,
Сен сим қоқсанг гапим дўқ.
Тўртта байт битдимми йўқ,
Замон ўғлингман Она.
Англаб бош тошга тега,
Боқ келдим қаддим эга.
Шунча куйдирдим, нега,
Хамон ўғлингман Она.
Юзингда ажин қўша,
Юрагинг дардга гўша.
Бағринг қон этган ўша,
Ёмон ўғлингман Она.
Ғуломжон Нормат
Табриклар ва тилаклар
https://t.me/+y7pDEqNcyGYzOWNi
