Kanal manzili:
Toifalar:
Iltimoslar ,
Psixologiya
Til: Oʻzbek tili
Obunachilar:
2.96K
Kanalning ta’rifi
Бе ишқ мабош то набошӣ мурда
Дар ишқ бимир то бимонӣ зинда...
Ишқсиз бўлма ки, то бўлмагайсан мурда
Ишқда ўлгин ки, то қолгайсан зинда...
Ҳазрати Мавлоно Жалолиддин Румий қуддиса сирруҳу
t.me/TabreziyRumiy
Ўзини танимоқ истаган кўнгиллар учун
Ratings & Reviews
Reviews can be left only by registered users. All reviews are moderated by admins.
5 stars
0
4 stars
1
3 stars
0
2 stars
1
1 stars
0
Oxirgi xabar
2022-09-01 02:55:55
هر كه خواهد همنشيني خدا
تا نشيند در حضور اوليا
Ҳар ким Аллоҳ билан бирга ўтиришни истаса,
Авлиёуллоҳ ҳузурида ўтирсин.
من اراد أن يجلس مع الله فليجلس مع أهل الذكر.
[حديث]
"Ким Аллоҳ билан ҳамнишин бўлишни истаса, зикр аҳллари билан ҳамнишин бўлсин!"
(Ҳадис)
أنا جليس من ذكرني
[حديث قدسي]
"Мен, мени зикр қилган билан ҳамнишинман!
(Қудсий ҳадис)
از حضور اوليا گر بگسلي
تو هلاكي ز آنكه جزو بي كلي
Агар Авлиёуллоҳ ҳузуридан узилсанг, сен ҳалокатга учрайсан. Зеро сен жуз'сан, кулл эмассан.
(Комил инсон, Аллоҳ исмларининг мазҳари бўлгани учун куллдир ва ноқис инсон бу исмларга мазҳар бўлмагани учун жуз'дир)
هر كه را ديو از كريمان وا برد
بي كسش يابد سرش را او خورد
Шайтон, ҳар кимни Карийм (Авлиё) ларнинг ҳузуридан қайтарса, уни чорасиз ва кимсасиз ҳолга туширади. Сўнг унинг бошини ейди. Яъни ҳалок қилади.
يك وژه از جمع رفتن يك زمان
مكر شيطان باشد اين نيك بدان
Ул жамоатдан бир қарич бўлса ҳам узоқлашиш, шайтоннинг макр-ҳийласидандир.
Буни яхши бил!
Ҳазрати Мавлоно Жалолиддин Румий қуддиса сирруҳу
@TabreziyRumiy
Ўзини танимоқ истаган кўнгиллар учун...
582 viewsMavlonoRumiy, 23:55
2022-08-30 02:39:24
"Эй Одам фарзанди!
Тавбаси нуқсонли, орзу-ҳаваси узун кишилар жумласидан бўлма.
Охиратни амалсиз умид қиладиганлардан бўлма.
Обидларнинг гапини гапириб, мунофиқларнинг амалини қилувчилардан бўлма.
Агар берса қаноат этмайдиган, бермаса сабр қилмайдиганлардан бўлма.
Яхшиликка буюриб, ўзи уни қилмайдиган, ёмонликдан қайтариб, ўзи ундан қайтмайдиганлар жумласидан бўлма.
Солиҳларни яхши кўриб, ўзи солиҳ бўлмайдиган, мунофиқларни ёмон кўриб, ўзи мунофиқ бўладиганлар жумласидан бўлма.
Бажара олмайдиган нарсасини гапирувчи, буюрилмаган нарсани бажарувчи, вафодорликни талаб этиб, ўзи вафо қилолмайдиган кишилар жумласидан бўлма.
Эй Одам фарзанди!
Бирор янги кун йўқки, Ер сенга ўзининг тилида:
-"Эй Бани Одам!
Устимда юрасан, кейин қўйнимда ғамга кўмиласан, устимда нафсинг тусаганини ейсан, қўйнимда қуртларга ем бўласан", демаса.
Бирор кун йўқки, Ер сенга ўз тилида:
-"Эй Бани Одам!
Мен қўрқинч уйиман, сен сўроқ қилинадиган уйман, кимсасиз уйман, зулмат уйиман, илонлару чаёнлар уйиман, бас, мени хароб қилавермасдан обод этмайсанми?" демаса".
(#Қудсий ҳадис)
1.7K viewsMavlonoRumiy, edited 23:39
2022-08-29 03:15:27
پنبهء وسواس بيرون كن ز گوش
تا بگوشت آيد از گردون خروش
Панбаи васвос берун кун зи гӯш
То багӯшат ояд аз гардун хурӯш
Қулоғингдан васваса пахтасини чиқариб ташла.
Токи фалакдан сенинг қулоғингга садо келсин.
(Руҳинг қулоғига тиқилган пахта ўрнида бўлган, нафс ва шайтоннинг васвасаларини чиқариб ташла. Токи фалак устида бўлган Ҳақни зокири бўлган арвоҳи олиянинг савт ва садоларини эшитгайсан)
پاك كن دو چشم را از موي عيب
تا ببيني باغ و سروستان غيب
Пок кун ду чашмро аз мӯйи айб
То бибинӣ боғу сарвистони ғайб
Икки кўзингни, айб қилидан пок тут.
Токи ғайбнинг боғи ва сарвзорини кўрасан.
(Бири олами мулкга, яна бири олами малакутга нозир бўлган қалбингни икки кўзини, айбли бўлган сифати нафсония қиллари тўсгандир. У қилларни мужоҳада ва риёзат қисқичлари билан юлиб ташла. Токи у кўзлар очилсин, Зоҳир исмининг мазҳари бўлган бу оламнинг ботинини, олами ғайбнинг боғ-сарвзорини ва у оламга махсус бўлган Ҳақнинг тажаллиётини кўрасан)
دفع كن از مغز و از بيني زكام
تاكه ريح الله در آيد در مشام
Дафъ кун аз мағзу аз бине зуком
Токи Рийҳуллоҳ дар ояд дар машом
Димоғинг ва бурнингдан тумовни дафъ эт.
Токи бурнингга Аллоҳнинг бўйи келсин.
(Руҳнинг сифати бўлган ақли маоддан ва руҳинг бурнидан нафсоният ва ҳайвоният тумовини, илоҳий амрларни ушлаган ва наҳйиларидан сақланган ҳолда дафъ эт. Токи руҳинг машоми (бурни) га Аллоҳ таолонинг бўйи бўлган Ладунний илмлар нозил бўлсин)
Ҳазрати Мавлоно Жалолиддин Румий қуддиса сирруҳу
@TabreziyRumiy
Ўзини танимоқ истаган кўнгиллар учун...
574 viewsMavlonoRumiy, 00:15
2022-08-28 15:24:42
Мадинаи мунавварани зиёратига тегишли масалалар
https://islom.uz/maqola/620
796 viewsMavlonoRumiy, 12:24
2022-08-28 07:43:35
Кўриб турганингиз ушбу дарахт бўлаги, Масжиди Набавияда Жаноби Расулуллоҳ соллаллоҳу алайҳи ва саллам суянган ва қачон у зот ундан ҳажр қилганларида йиғлаган "Устуни Ҳаннон"дир.
Аллоҳумма солли ва саллим ва борик алайҳ...
1.4K viewsMavlonoRumiy, 04:43
2022-08-27 03:29:56
"Эй Одам фарзанди!
Ким дунё сабабли хафалик билан тонг орттирса, Аллоҳдан фақат узоқлашибди. Унга дунёда қийинчилик, охиратда фақат машаққат бўлади. Аллоҳ таоло у кишининг қалбига ҳеч қачон тугамайдиган ғам солиб қўяди. Шундай машғулотга банд қиладики, ундан асло бўшай олмайди. Камбағаллик бериб қўядики, ҳеч бойликка етиша олмайди. Орзулар бериб қўядики, доимо ўша орзулар билан банд бўлиб қолади".
(#Қудсий ҳадис)
1.6K viewsMavlonoRumiy, 00:29
2022-08-26 09:46:08
Одамларнинг ерига уй қурма.
Ўзингни ишингни қил, бировнинг ишини қўй!
(Инсонларнинг ери бўлган жисмни обод қилишга кўп уринма. Яъни ўлганингдан кейин чириб, тупроқга айланиб, кимнингдир ери бўласан.
Зеро жисм, руҳга бегона ва сенинг сенлигинг фақатгина руҳингдир. Шу сабаб ўз ишингни яъни, руҳингни обод ва мунаввар қилишга ҳаракат қил. Руҳингга бегона бўлган жисмнинг хизматкори бўлма)
Токи сен жисмингни ёғли ва лаззатли егуликлар билан парвариш қилар экансан,
Жавҳаринг, яъни аслинг бўлган руҳингда поклик ва қувват тополмайсан.
(Сен жисмингни нафсоний ҳоҳиш-истаклар билан парвариш қилар экансан, ўз жавҳаринг бўлган руҳингни поклиги ва семизлигини кўра олмайсан. Шу сабаб қалбинг кўр, руҳинг қоронғу ва заиф бўлади)
Агар жисминг мушк-анбар ичра жо бўлса ҳам,
Ўлган кунинг барибир унда бадбўйлик пайдо бўлади.
(Агар жисмингни мушк-анбар ичига ғарқ қилсанг ҳам, уни латиф қила олмайсан. Зеро унинг табиати мурдор бўлгани учун, ўлим куни у жисм ўлимтик бўлиб, унинг қўланса ҳиди атрофга тарқалади)
Мушк-анбарни вужудингга эмас, қалбингга сурт.
Қалбга суртиладиган мушк-анбар нима?
Аллоҳу ЗулЖалолнинг пок исмидир!
(Мушк ўрнида бўлган тасбеҳ, тахлил ва зикрларни фақат тилда айтма. Балки чин кўнгилдан айт ва у мушкни кўнглингга сурт. Унинг зикри билан қалб ва руҳ ором олади, латифлашади, хушбўйланади.)
Ул мунофиқ ва риёкорлар, мушкни фақатгина баданларига суртадилар.
(Яъни, Аллоҳни фақатгина тил учида эслайдилар)
Руҳ ва қалбларини эса гулханлар қаърига отадилар.
Ул мунофиқ ва риёкорларнинг тилида Ҳақ таолонинг номи бор.
Аммо унинг руҳи, иймон ва эътиқодсизлик сабабидан бадбўй ҳид таратиб туради.
(Олами арвоҳ аҳли, бунинг руҳидан келаётган қўланса ҳиддан озор чекадилар)
Улар қилаётган зикр гулханнинг яшиллигига, нажосат устида битган гулга ўхшайди.
У наботат у ерда орият ҳисобланади. У гулнинг жойи мажлис ва ишратдадир.
(У гулни олиб бошқа пок мажлис ва ишрат жойларига кўчиришади)
Пок бўлганлар, поклар тарафига келади.
Огоҳ бўл, нопоклар нопоклар учундир.
Ҳазрати Мавлоно Жалолиддин Румий қуддиса сирруҳу
@TabreziyRumiy
Ўзини танимоқ истаган кўнгиллар учун...
1.4K viewsMavlonoRumiy, 06:46
2022-08-25 19:58:36
Ҳаёт, менга ҳеч истисносиз барчага яхшилик тилаш таълимини берди.
Чунки бошқаларнинг бахт-саодати, асло менинг бахт-саодатим эвазига эмаслигини билдим.
Чунки уларнинг бой бўлишлари, асло менинг ризқим камайиши эвазига эмаслигини билдим.
Чунки уларнинг сиҳҳат-саломат бўлишлари, асло менинг офиятим эвазига эмаслигини билдим.
Олий ва Қодир бўлган Аллоҳдан, ўзимни ва сизларни саодатмандлардан қилишини сўрайман.
@TabreziyRumiy
Ассалому алайкум.
Жумъа муборак, азизларим!
2.7K viewsMavlonoRumiy, 16:58
2022-08-25 12:54:54
Одамӣ хӯранд ағлаб мардумон
Аз "салому алайка"шон кам ҷӯ омон.
Хонаи дев аст дилҳои ҳама
Кам пазир аз деви мардум дамдама.
Инсонларнинг кўпроғи "одамхўр"дирлар.
Уларнинг "ассалому алайка" (сенга салом, тинчлик-омонлик бўлсин) ларидан камроқ омонлик кутгин.
Уларнинг барчаларининг кўнгиллари шайтоннинг уйидир. Инсон суратли шайтонларнинг "дамдама"сини (самимий бўлмаган чиройли сўзларини) озроқ қабул қил.
Ҳазрати Мавлоно Жалолиддин Румий қуддиса сирруҳу
@TabreziyRumiy
Ўзини танимоқ истаган кўнгиллар учун...
999 viewsMavlonoRumiy, 09:54
2022-08-25 03:38:35
"Эй Одам фарзанди!
Киши ўлимга иймон келтириб, яна қандай хурсанд бўлаётганидан ажабландим.
Ҳисоб-китоб бўлишига иймон келтириб, мол-дунё тўплаётганига ажабландим.
Охиратга иймон келтириб, нечук роҳатланаётганига ажабландим.
Дунё ва унинг заволига ишониб, нечук унга хотиржам бўлаётганига ажабландим.
Тилида олим, қалбда жоҳил кишидан ажабландим.
Сув билан ўзини покласа ҳам, қалби покланмаган кишидан ажабландим.
Одамларнинг айблари билан машғул бўлиб, ўзининг айбларидан ғофил қолган кишидан ажабландим.
Аллоҳ таоло кузатиб турганини билган ҳолда яна қандай қилиб Унга осийлик қилаётган кишига ажабландим.
Ўзининг якка ҳолда ўлишини, якка ҳолда қабрга киришини, якка ҳолда ҳисоб-китоб қилинишини билатуриб, нечук Парвардигоридан ўзгани дўст тутган кишидан ажабландим.
Ҳақиқатан Мендан ўзга илоҳ йўқ. Албатта Муҳаммад (алайҳис салом) Менинг қулим ва расулимдир".
(#Қудсий ҳадис)
1.7K viewsMavlonoRumiy, 00:38
T
