✅Ta‘lim Yangiliklari ✔|Rasmiy Kanal | Талим Янгиликлари

2021-04-14 02:12:06 Чироқчи туманидаги 134-умумий ўрта таълим мактабининг инглиз тили фани ўқитувчисининг калтаклангани юзасидан Халқ таълими вазирлиги ҳузуридаги Жамоатчилик кенгашининг

М У Н О С А Б А Т И

Миллат сифатида қад ростлаш ва дунёнинг ривожланган давлатига айланишига фақатгина таълим соҳасини ислоҳ этиш, бунинг учун ўқитувчиларнинг жамиятда энг обрўли қатламга айлантириш орқалигина эришиш мумкинлигини барчамиз биламиз.

Бироқ афсуски ҳали ҳамон жойларда ўқитувчиларни таҳқирлаш, камситиш, ҳақоратлаш ҳамда уларнинг фаолиятига асоссиз аралашиш ҳолатлари учрамоқда. Бугунги кунда Халқ таълими вазирлиги бу борада ўқитувчиларни ҳимоя қилиш позициясида эканлигини алоҳида қайд этиш лозим.

Куни кеча Қашқадарё вилоятининг Чироқчи туманидаги 134-умумий ўрта таълим мактаби ўқитувчиси Шоҳнур Оққузиевнинг касбий фаолиятига нисбатан жисмоний тазъйиқ, ҳаттоки ўқитувчининг ҳаётига бевосита таҳдид қилингани, хақoратлангани, аёвсиз равишда калтакланганлик ҳолати юзага келди.

Халқ таълими вазирлиги ҳузуридаги Жамоатчилик кенгаши бу каби кўнгилсиз воқеаларни кескин қоралашини маълум қилади.

Ўз навбатида Ватанимиз равнақи ва ривожи учун бефарқ бўлмаган барча жамоатчилик вакилларини жамиятда ўқитувчиларга нисбатан умуммиллий ҳурмат туйғусини шакллантириш, касбий фаолиятига аралашмасликка чақиради.

Зеро, бугунги кунда давлатимиз раҳбарининг ўзи ўқитувчиларнинг нуфузи ва мақомини ошириш, уларнинг профессионал фаолият билан шуғулланишларига кўпроқ шароит яратиб беришга қаратилган чораларни кўриш зарурлигига эътибор қаратиб, ўқитувчиларнинг ҳуқуқлари давлат ҳимоясида эканлигини, уларнинг касбий фаолиятига ноқонуний аралашув жавобгарликка сабаб бўлишини қайд этган.

Халқ таълими вазирлиги ҳузуридаги Жамоатчилик кенгаши Ochish/sharhlash

2021-04-04 20:29:55 Тошкент шаҳар халқ таълими бош бошқармаси ҳамда British Management University ҳамкорлигида пойтахтимиздаги умумтаълим мактаблари инглиз тили ўқитувчиларининг тилни билиш даражасини CEFR C1 даражасига кўтариш мақсадида хорижлик тренерлар бошчилигида семинар-тренинглар ўз фаолиятини бошлади.

Курсларга 30 нафар чет тили ўқитувчиси танлов асосида саралаб олинди. Ўқув-машғулотлари жорий йилнинг июнь ойига қадар давом этади.

Тошкент шаҳар ХТББ Матбуот хизмати

Каналимизга уланинг ва дўстларингизга улашинг: https://t.me/ToshkentshaharXTBB Ochish/sharhlash

2021-04-03 20:53:20 #Кеча_ва_Бугун
Андижон вилояти Шаҳрихон туманидаги 57-умумтаълим мактабида амалга оширилган бунёдкорлик ишлари #Кеча_ва_Бугун рукнида

Андижон вилояти халқ таълими бошқармаси матбуот хизмати Ochish/sharhlash