So‘z sizga

2023-03-18 05:31:04 #кунҳикмати

Хайрли кун! Ochish/sharhlash

2023-03-17 19:06:35 Яланғоч қирол эффекти

Нарса/воқеа/ҳолатнинг аҳмоқона, мантиққа зид, хато эканлигини кўра била туриб, буни айта олмаслик, нотўғрини онгли равишда тўғри деб айтиш “яланғоч қирол эффекти” деб номланади.

Иборанинг пайдо бўлиши Ҳанс-Кристиан Андерсеннинг “Қиролнинг янги кўйлаги” эртаги билан боғлиқ.

Эртак мазмуни: ўзига бино қўйган қиролга яхши кўриниш учун икки тилёғлама тикувчи келиб, дунёдаги энг чиройли, ҳашаматли кўйлак тикиб беришини айтади. Кўйлакнинг ўзига хослиги шундаки, уни фақатгина ақллилар кўра олар, нодонларга эса кўринмасди. Кўйлакни тикиш учун қимматбаҳо ипак ва зийнатларни бериб юборган қирол кунларнинг бирида мулозимини унинг тикилиш жараёнидан хабар олишга юборади. Мулозим ҳеч қандай кўйлакни кўрмайди. Чунки ҳеч қандай кўйлак йўқ ҳам эди. Аммо уни кўрмаганимни айтсам. қирол мени аҳмоққа чиқаради, деган қўрқувда кўйлак чиндан ҳам тайёр бўлаётганини айтади. Кейинги гал қирол бошқа мулозимини юборганда ҳам худди шу ҳолат такрорланади.

“Кўйлак” гўё “тайёр” бўлган куни қирол уни “кийиб” ҳалқ олдига чиқади. Кўйлак аҳмоқларнинг кўзига кўринмаслиги ҳақидаги сафсатани бутун халқ эшитган эди. Шунинг учун аҳмоқ кўринишни истамаганлар қиролнинг аслида ҳеч қандай кўйлаги йўқлигини, яланғоч эканлигини айта олмайди. Ҳамма кўйлакни мақтайди. Фақатгина кичкина болакай “Ахир қирол яланғоч-ку” дейишга журъат этади. Шундан кейин ҳамма ҳақиқатан қирол яланғочлигни айта бошлайди.

Ноҳақликка, мантиқсизликка, очиқ кўриниб турган нодонликка рўпара бўлиб, унинг нотўғри эканлигин айта олмаслик ҳаммада бўлган бўлса керак. Оммадан ажралиб қолишдан, бошқача бўлиб кўринишдан, балки аслида менинг ўзим хато қилаётгандирман деган шубҳа йўл бермайди. Аҳмоқ бўлиб кўринишдан қўрқув ҳисси қиролнинг яланғочлигини шарт айтишга халал беради.

Абдураҳмон Эгамбердиев саҳифасидан олинди.

https://t.me/suzsizga Ochish/sharhlash

2023-03-17 15:28:51 Блогерга ҳамма нарса мумкинми?

Кейинги вақтда бирор блогернинг терговга чақирилиши ёки қамоққа олиниши тез шов-шувга сабаб бўлмоқда. Худдики, унга ҳамма нарса мумкиндек..

Тўғри, одамларга фойдаси тегаётган, воқеаларни холис ёритаётган блогерлар ҳам бор.

Лекин, одамлардан олинган ҳақ эвазига уларнинг дардини жамоатчиликка олиб чиқаётган блогерлар ҳам йўқ эмас.

Уларнинг аксариятида факт ва рақамлар билан ишлаш, воқеани атрофлича таҳлил қилиш кўникмаси етишмаётгандек, назаримда.

Воқеликни ҳис-ҳаяжон билан қабул қилиш ва етказишда холислик йўқолиб қолиши мумкин.

Яна бир гап, қайсидир ноқонуний иши учун маҳкамага тортилган блогер учун сўз эркинлиги тўсилмоқда дейиш, адолатдан эмас.

Ҳар қандай эркинлик кимнидир ҳуқуқларига дахл қилинган жойда тугайди.

Яна бир фикр, ижтимоий тармоқ ёки веб сайтларда шахсий саҳифаси, кузатувчилари, обуначилари бор ҳар қандай одам ўзини блогер дейиши мумкин. Энди, журналистика эса бошқа масала..

https://t.me/suzsizga Ochish/sharhlash

2023-03-17 03:05:14 Ассалому Алайкум! Барчангизга Жума кунининг файзу баракасини берсин. Дуоларингиз ижобат, эзгу амаллар ҳамроҳингиз бўлсин. Ochish/sharhlash

2023-03-16 16:33:43 Туркий давлатларга оид хабарлар

Туркия: 2023-йил 16-март куни Анқарада Туркий Давлатлар Ташкилотига аъзо давлат раҳбарларининг навбатдан ташқари саммити бўлиб ўтди. Саммит “Фавқулодда вазиятларни бошқариш ва инсонпарварлик ёрдами” номи остида ташкил этилди.
16 март куни Туркия шарқида жойлашган Ван шаҳрида 5,3 магнитудали зилзила юз берди.

Қирғизистон: УзАуто Моторс 2023-йил июл ойидан Қирғизистонда Chevrolet автомобилларини йиғишни бошлайди.
Бишкекда 16-март куни соат 13:00 дан 19:00 гача Қурманжон датхоҳ ҳайкали олдидаги хиёбонда Наврўз байрамини нишонлаш шарафига анъанага айланган хайрия дипломатик ярмаркаси бўлиб ўтади. Тадбир Қирғизистон Республикаси Ташқи ишлар вазирлиги ва шаҳар мерияси томонидан хорижий дипломатик миссиялар билан ҳамкорликда ташкил этилди.

Қозоғистон: Наврўз байрамини нишонлаш муносабати билан Остонада 100 дан ортиқ турли тадбирлар ўтказилади. Шаҳар аҳолиси ва меҳмонлари учун консертлар, байрам дастурлари, кўргазмалар, томошалар, миллий спорт турлари бўйича мусобақалар, халқ сайиллари ва бошқа кўплаб тадбирлар ташкил этилади.

Туркманистон: Президент Сердар Бердимуҳамедов Украина болаларига инсонпарварлик ёрдами жўнатиш тўғрисидаги фармонни имзолади. Инсонпарварлик ёрдами Гурбангули Бердимуҳамедов номидаги ғамхўрликка муҳтож болаларга ёрдам бериш хайрия жамғармаси томонидан юборилади.
Бу уруш бошланганидан бери Туркманистоннинг Украинага юборган иккинчи гуманитар ёрдамидир. Биринчиси 2022 йил апрел ойида етказилган.

https://t.me/suzsizga Ochish/sharhlash

2023-03-16 09:52:45 Имрон Хон тарафдорларига қарши  куч ишлатилди

Покистонда Исломобод Олий суди Имрон Хонни ҳибсга олиш ордерини тўхтатиб туришни рад этди. Уни ҳибсга олинишига тарафдорлари томонидан қаршилик кўрсатилмоқда.

Имрон Хон ўз тарафдорларига қарши Хавфсизлик кучлари томонидан қўлланилган газ бомбаси патронлари ва снарядлар расмларни Интернетга жойлади.

Имрон Хон "полициянинг асл мақсади уни ўғирлаб ўлдириш бўлган"лигини даъво қилди.

Хориж ОАВларига берган интервюсида, "Мен қонун устуворлигига ишонаман. Лекин бу қонун эмас, ўрмон қонуни. Судларда менга қарши кўплаб айбловлар қўйилишидан мақсад - мени кейинги сайловларда иштирок этишимга тўсқинлик қилишдир" деб гапирган.

https://t.me/suzsizga Ochish/sharhlash

2023-03-16 08:31:28 Туркиядаги зилзилада 7 нафар Ўзбекистон ватандоши вафот этган

Туркияда 6 февраль куни юз берган зилзила ортидан 47 475 киши ҳалок бўлди. Улардан 7 нафари Ўзбекистон ватандошидир. Бу ҳақда Тошкентда ўтган матбуот анжуманида Туркиянинг Ўзбекистондаги элчиси Олган Бекар маълум қилди.

Элчининг билдиришича, юз кишидан иборат бўлган ўзбекистонлик қутқарувчилар гуруҳи 6 февралдан 25 февралгача Ҳатай вилоятида 18 кишини вайроналар остидан тирик олиб чиққан ва 190 кишининг жасадини топган.

8 февраль куни Ҳатайга етиб борган 71 кишилик ўзбек шифокорлари гуруҳи дала госпитали ўрнатиб, деярли тўрт минг кишига тиббий ёрдам кўрсатган.

Олган Бекарнинг айтишича, бугунгача Ўзбекистондан Туркияга 674 тонна гуманитар ёрдам ва 644 минг доллар нақд пул етиб борган.

Маълумот учун, жорий йилнинг 6 февраль Туркия жануби- шарқида 7,7 ва 7,6 балли зилзила юз берган эди. Бунинг ортидан 10 та вилоятда қурбонлар бўлган ва минглаб уйлар вайронага айланган.

https://t.me/suzsizga Ochish/sharhlash

2023-03-16 07:20:19 Эрон Саудия Арабистони билан авиақатновлар тиклангани ҳақидаги хабарни эълон қилди

p. s. Бу жуда яхши хабар.
Мусулмон оламининг икки қудратли давлати ўртасидаги муносабатлар анчадан бери зиддиятли бўлиб қолаётган эди. Саудия Арабистонида бўлган вақтимда алоқаларнинг ёмонлашувига ташқи кучлар сабаб бўлаётганлигини ҳис этган эдим.

Таҳлилчи Азамат Акбарга кўра,   Эрон-Саудия келишуви доирасида Саудия Арабистони Эронга қарши ишлаган террорчи гуруҳларни қўллаб-қувватлашни тўхтатишга рози бўлган.

Шунингдек, Саудия Арабистони ўзининг шиа мусулмонларига қўйилган чекловларни олиб ташлаш ва уларга Машҳадга боришга рухсат беришга қарор қилди. Бу келишувда Яман масаласи алоҳида ўрин тутади.

Хитой воситачи сифатида ҳомийлик қилган музокараларда Эрон ва Саудия Арабистони икки ой ичида элчихоналар очиш ҳақида келишув имзолади.

Хитой ташқи ишлар вазири Пекинда Саудия Арабистони ва Эрон ўртасида ўтган музокараларни тинчлик ғалабасидир, деб таърифлади.

Туркия Ташқи ишлар вазирлиги ҳам Эрон ва Саудия Арабистони ўртасида дипломатик муносабатларни тиклаш ҳақидаги келишувни олқишлашини маълум қилди.

Маълумот ўрнида, Саудларнинг биринчи асосий савдо шериги БАА бўлса, Хитой иккинчи ўринда туради. Эрон учун эса Хитой биринчи ўринда, БАА иккинчи ўринда туради.

Сўнгги 3 ой давомида Хитой президенти Си Цзиньпин иккала давлатга ҳам ташриф буюрганди.

Ижобий воқеалар ортидан Малдив ороллари ҳам Эрон билан дипломатик муносабатларни тиклади.

Эрон -Саудия Арабистони- Хитой ҳамкорлигининг ривожланишига Исроил ҳамда АҚШ қандай муносабат билдириши қизиқ..

https://t.me/suzsizga Ochish/sharhlash

2023-03-16 05:00:27 Ochish/sharhlash

2023-03-15 16:57:18 Туркияда сув тошқинлари рўй бермоқда

Зизиладан ўзига келиб улгурмаган Туркияда энди сув тошқинлари рўй бермоқда.

Бунга тинимсиз ёққан  ёмғирлар сабаб бўлган. Бу Шанлиурфа тарихидаги энг катта ёмғир бўлиб бир йил ичида шаҳарга ёғадиган ёмғирнинг ярми, ярим кунда ёғган.

Тошқинлар натижасида Шанлиурфада  ва Адияманда қурбонлар сони 13 тага етган.

Аллоҳ қардошларимизни ўз марҳаматингдан дариғ тутма.

https://t.me/suzsizga Ochish/sharhlash