Арчалар шохида турар тилло зар , Яшил чироқларда безанди шаҳар . Мунглиғ дарчалардан боқдингиз саҳар , Янги йил муборак бўлсин, отажон . Ёғётган қор каби кўнглингиз оқда , Бу ерда ҳаммаси ёлғону сохта . Чаккангиз четида очилган пахта , Янги йил муборак бўлсин, опажон. Мен йўқ, қурум босиб ётар мўрилар , Анори сочилиб ётган сўрилар . Жигарим деб дарвоза ғамгин сурилар, Янги йил муборак бўлсин, сингилжон. “Кетдик” дер юрагим, сира кўнмади , Тўрт фасл дилимда райҳон унмади . Бу ерда бўронлар ҳали тинмади , Янги йил муборак бўлсин, азизам. Дейсиз, сен келгунча сира ўлмайман , Тангри дер, ҳар кимни ҳар кун қўллайман . Сиз учун хайрли дуо йўллайман, , Янги йил муборак бўлсин, онажон. https://t.me/Suyanchiqlarim 428 views16:22