Suxrob Yoqubov

2022-07-04 05:34:09 Dasturlashni pul uchun o'rganish!

Ko‘pchilik internetda Dasturchilarni yaxshi daromad qilishganini ko‘rib shu sohani o‘rganishga kirishadi bu juda yaxshi holat.

Lekin birinchi o‘rinda pul topish bo‘lmasligi kerak chunki pul topish uchun o‘rganishni boshlaganlarni juda ko‘pchiligi oxirigacha bora olishmaydi.

Rostini aytaman boshida men ham dasturchilarni yaxshi pul topishini eshitib kirganman bu sohaga lekin hozir fikrim umuman o‘zgargan men uchun birinchi o‘rinda pul emas chunki Dasturlashda tekinga bo‘lsa ham tajriba uchun ishlashga roziman.

Dasturlashni tanlaganlarga maslahatim boshida kamida 1 yoki 2 yil pul topishni o‘ylamang faqat tajriba va Portfoilo uchun o‘rganing va ishlang undan keyin ish o‘zi sizni izlab topadi.

@suxrob_yoqubov Ochish/sharhlash

2022-06-21 12:44:25 Dasturlashni hamma ham o'rgana oladimi?

Dasturlashni hamma ham o'rgana olmaydi degan gap bor agar bilsangiz. Lekin bu gapga men yuz foiz qo'shila olmayman. Sababini esa keltirib o'taman.

Hech kim dasturchi bo'lib tug'ilmagan

Mana shuni unutmang. Usha xozirda "Senior" bo'lib, dasturlashni "ekib" qo'yadigan guru dasturchilar ham qachonlardir hech narsani bilishmagan. Qachonlardir ish topolmay yurishgan. Xo'sh ular qanday bu darajagacha chiqishdi? Mantiqiy javob bu shunchaki o'z ustilarida tinmay ishlaganlari va bilimlarini har doim boyitib borganlari uchun. Boshqa hech qanaqa yo'li yo'q. Aytib o'tilganidek hech kim onasini qornidan biror kasbni egasi bo'lib tug'ilmaydi.

Maktabda yaxshi o'qimaganman

Ko'pchilik maktabda yaxshi o'qimagan bo'lsa, ayniqsa aniq fanlarni, dasturchilikka yaqinlashib ham o'tirmasin degan fikrda yurishadi. Bu noto'g'ri. Bu narsa maktabda qanday o'qiganingizga bog'liq emas. Sababi maktabda yaxshi o'qiganlar ham dasturlashni tushuna olmasliklari mumkin. Bu ko'proq mantiqiy fikrlash qobilyatingizga bog'liq.

O'rganish uchun kursga qatnashga pulim yo'q

Do'stim, biz hozir 21-asrda yashayotganimizni unutmang. Aynan hozirgi kunga kelib dasturlashni o'rganishga shuqadar ko'p imkoniyat borki, boshqa hech bir davrda bunaqa imkoniyat taqdim etilmagan. Internet atalmish butunjahon tarmog'ida siz dasturlashni bemalol tekinga o'rganishimiz mumkin. Birgina YouTube ni o'zida millionlab darsliklar mavjud. Sizdan talab etiladigan yagona narsa vaqt va VIP internet holos. Qolgani o'zinga bog'liq.

O'rgangan narsalarim tez esdan chiqyapti

Boshida shunaqa bo'lib turadi. Ko'pchilik shu joyida bu men uchun emas ekan deb tashlab ketishadi. Endi bir o'ylab ko'r, chaqaloqligingda yurishni o'rgana boshlagan payting yura olmay yiqilib tushaverganingda "bu men uchun emas ekan" deb yurishdan vos kechib ketmagansizku to'g'rimi? Agar hayotda hamma narsa bittadan o'xshayverganida hayot umuman boshqacha bo'lgan bo'lardi. Qiyinchilikka duch kelib qolsang taslim bo'lib ketish kerak degani emas.

Yoshim dasturchi bo'lishga endi kattalik qiladi

Dasturchilikni 30-40 yoshlaridan boshlab o'rganib, yaxshi dasturchiga aylanib, ish topib ketgan dasturchilar ham talaygina. Shunchaki YouTube tarmog'ida ham bunday dasturchilardan ko'plab intervyular olingan. Muhimi xohish bo'lsa bo'ldi.

Qiyinchilik nafaqat dasturchilik sohasida, balki istalgan sohada bo'ladi. O'zingizni sohangizda yetuk mutahasisga aylanmoqchi bo'lsangiz aslo mehnat qilishdan to'htamang. Yangi bilimlarni egallashdan to'htamang. Va eng asosiysi birdaniga taslim bo'lmang. Maqsad sari olg'a intiling.

@suxrob_yoqubov Ochish/sharhlash

2022-06-18 12:17:20 Uyda yo'qolgan telefonni qanday topish mumkin.

Albatta, har bir kishi shunday vaziyatga duch keldi: ular smartfonni biron joyga tashladilar va keyin uni butun kvartirada qidiradilar. Chiqish yo'li bor: unga qo'ng'iroq qiling. Ammo telefon ovozsiz bo'lsa yoki qo'ng'iroq qilish uchun imkon bo'lmasa, bu usul samarasiz.

Keyin WindMyPhoneByWhistle yordamga keladi - hushtak chalish orqali smartfoningizni topish imkonini beruvchi dastur.

Ha, hammasi juda oddiy: siz hushtak chalasiz va bunga javoban telefon siz oldindan tanlagan ohangni chiqara boshlaydi, miltillaydi va tebranishni boshlaydi. Bu bepul ishlaydi, lekin siz bir nechta reklamalarga chidashingiz kerak bo'ladi.

@suxrob_yoqubov Ochish/sharhlash

2022-06-11 15:52:03 Endi rasman - Pavel Durov Telegram Premiumni e'lon qildi.

Narx masalasi yopildi, pullik obuna oyiga $4,99 turadi va sizga messenjerning qo'shimcha funksiyalaridan foydalanish imkoniyatini beradi.

Eng muhimi, barcha mavjud funksiyalar bepul qoldiriladi va "ko'plab yangi bepul xususiyatlar" bilan to'ldirilishi davom etadi.

Premiumni ishga tushirish iyun oyida rejalashtirilgan.

@suxrob_yoqubov Ochish/sharhlash

2022-06-11 14:28:07 Dasturchilarni jig'iga tegadigan savollar bermang!

Dasturlash olamiga kirgan inson bor-ki, sohasiga to'g'ri kelmaydigan savollarni hayotida tez-tez eshitib turadi. Keyin yana: "buni bilmasang nega dasturchiman deb yuribsan?" deb qo'yishlari ortiqcha

Xozir sizlarga shu kabi savollarni eng saralarini aytib o'taman:

– Telefonim nega zaryad olmayapti? Ko'rib ber, dasturchisan-ku.

– Nega PubG qotyapti? To'g'irlab ber.

– Nega telefonimda antena yo'q? Chiqarib ber.

– Nega internetim sekin? Tezlatib ber.

– Nega kompyuterim qotyapti? Tezlashtirib ber.

– Yaxshi ko'rgan qizimni instagramini vzlom qila olasanmi?

– Qo'shnimni Wifi'ni buzib bera olasanmi?

Tanish savollarmi? Sizga yana qanday savollar berib asabingizni buzishadi? Izohda qoldiring.

@suxrob_yoqubov Ochish/sharhlash

2022-06-10 19:40:01 ​​Dasturchi bo'lib qancha pul topish mumkin?

Ko'pchilik dasturchi juda ham ko'p pul ishlab topadi deb o'ylashadi. To'g'ri bu gaplarda ozroq bo'lsada haqiqat bor. Keling men sizga vaziyat aslida qanday ekanini tushuntirib beraman.

Dasturchi juda ko'p pul topishi rostmi?

Ha rost. Agar o'rtacha statistikani oladigan bo'lsak rostanam dasturchilarni oyligi boshqa sohalarnikidan ko'ra koproq. Lekin hammasi ham siz o'ylagandek silliq emas. Har bir sohada bo'lgani kabi usha sohaning yetuk mutahassislari juda ko'p pul topishadi. Shunchaki misol qilib aytaman. Tasavvur qiling tishingiz og'rib qoldi. Stomatologga borishingiz kerak. Shaharda bir dong'i chiqqan bir necha yillik tajribaga ega stomatolog bor. Odamlar uning qabuliga kirish uchun soatlab navbatda turishadi. Va uyingizni yaqinida, ochilganiga 1 oylar bo'lgan yangi stomotologiya markazi va o'tgan yili o'qishni bitirib kelgan stomatolog yigit bor.
Siz qaysi biriga davolanishga borasiz?
Qaysi stomatolog ko'proq pul topadi?

Yuqoridagi savollar o'zingiz o'ylab ko'radigan savollar edi. Javobini hamma yaxshi biladi. Dasturchilik ham hech narsasi bilan yuqoridagi misoldan farq qilmaydi. Dasturchi bo'lib katta pul topish uchun sizga tonnalab bilim, metindek sabr toqat va istaysizmi istamaysizmi bir necha yil vaqt kerak bo'ladi.

Agar dasturchilikni pul uchun o'rganmoqchi bo'lsangiz, boshqa sohaga o'tib keting!!!

Yo'q, rostan jiddiy aytayapman. Xozir agar dasturchilikni katta pul topaman, "soqqa qilib tashlab ketaman" degan maqsadda o'rganayotgan bo'lsangiz, fikringizni o'zgartiring. Keyin real holat boshqacha ekanini ko'rib afsuslanib qolishingiz mumkin. Bugungi kunda ko'pchilik IT akademiyalar reklama e'lonlarida IT dagi oyliklar orqali "Dasturchilikni 5 oyda o'rganing va oyiga 1500$-2000$ dan daromad qilishni boshlang" ka'bi e'lonlar bilan ko'tarilgan paytdan foydalanib o'quvchilarni o'ziga jalb qilmoqda. Men blogim orqali sizga IT dagi haqiqiy holatni ko'rsatib berishni maqsad qilganman.

Biror bir kursga borib uni bitirib siz hali katta oylik u yoqda tursinu ish topishingiz ham qiyin masala ekanini tushunishingiz kerak. Sababi kursni bitirganingiz bilan sizda tajriba 0. Real proyektlar 0. Kurslardan umuman foyda yo'q demoqchi emasman. Siz agar xozir shu kursni 5 oyda tugatib katta maosh olishni boshlayman degan maqsadda o'qiyotgan bo'lsangiz qattiq adashasiz. Agarda shu kursni yaxshi o'rganib, muvaffaqiyatli tugatsam dasturchi uchun kerakli bilimlarga ega bo'laman degan maqsadda o'rganayotgan bo'lsangiz bu boshqa gap.

Demoqchi bo'layotganim bu sohada ham biror muvaffaqiyatga erishish insonning o'z qo'lida va faqatgina o'ziga va qilayotgan harakatiga bog'liq. Bu siz o'ylayotgandek oson ish emas. Usha katta oylik olayotgan dasturchilarni ham bo'ynida katta mas'uliyat bo'ladi. Usha katta maoshga yarasha mehnatni qilayotgan bo'ladi.

Xulosa

Do'stim, sen dasturchi bo'lishni niyat qilgan bo'lsang maqsadlaringni va rejalaringni to'g'ri qo'yib olishing kerak. Sen shu sohada haqiqiy professional va qo'lidan har qanday muammolarni yecha olish keladigan dasturchi bo'lishni maqsad qil. Dasturchilik bo'yicha haqiqiy yetuk mutahassis bo'lishni maqsad qil. O'z dasturlaring yordamida odamlarni turmush tarzini yengillatishni maqsad qilgin. Ana ushanda sen Gigant IT kompaniyalar tomonidan talash bo'lasan. Ana ushanda pulni o'zi seni qidirib kelaveradi va katta daromad egasiga aylanasan. Bu kafolatlangan.

@suxrob_yoqubov Ochish/sharhlash

2022-06-06 22:12:43 Endi selfi qilish vaqti keldi.

Evropada BeReal nomli qiziqarli ijtimoiy tarmoq mashhur bo'lib bormoqda.

Uning g'ayrioddiy qoidalari bor: dastur har kuni bildirishnoma yuboradi, shundan so'ng foydalanuvchi 2 daqiqada suratga tushishi kerak - aks holda siz do'stlaringizning fotosuratlarini ko'ra olmaysiz.

Va yana bir ahamiyatsiz yechim - fotosurat bir vaqtning o'zida old va orqa kameralardan olinadi. Natijada nafaqat sizning suratingiz, balki atrofdagi makon ham bo'ladi.

Gap shundaki, hamma narsa haqiqiy va tabiiy bo'lishi kerak.

@suxrob_yoqubov Ochish/sharhlash

2022-06-05 18:37:25 Apple butun dunyo bo'ylab iPhone narxini oshirishni e'lon qildi

Yangi smartfonlarning barcha modellari va modifikatsiyalari 100 dollarga qimmatlashadi, ba'zi modifikatsiyalar esa yanada qimmatlashishi mumkin.

Narxlarning oshishi nafaqat yangi iPhone’larga, balki MacBook noutbuklari, iMac monobloklari va brendning boshqa mahsulotlari, jumladan, naushniklarga ham ta’sir qiladi.

@suxrob_yoqubov Ochish/sharhlash

2022-06-05 06:53:31 Inson shaklidagi Optimus roboti.

Ilon Mask Tesla shu yilning 30-sentabriga qadar inson shaklidagi Optimus robotini taqdim etishini rasman e'lon qildi.

Dastlabki bosqichda robot Tesla zavodlarida avtomatlashtirilgan mashinalar bilan ishlashda foydalaniladi. Robotning yuzida muhim ma'lumotlarni ko'rsatish uchun ekran bo'ladi.

Ilon Mask, shuningdek, Tesla Optimus gumanoid robotlariga "miyangizning imkoniyatlarini" yuklab olishni va'da qilmoqda.

Manba: Терабит: it технологии
@suxrob_yoqubov Ochish/sharhlash

2022-06-04 17:47:29 Qattiq diskingizni tozalang.

Diskdagi blokirovkalarni tartibga solish vaqti kelganda, qaysi fayllar eng og'irligi va ularni qaysi papkada izlash kerakligi ko'pincha aniq emas.

Xotirani tozalash jarayonini osonlashtirish uchun siz WizTree yordam dasturidan foydalanishingiz mumkin, bu yordam dasturi kompyuteringizda aynan nima bo'sh joy egallashini darhol ko'rsatadi.

U skanerlaydi va keyin
kontekst menyusidagi o'rnatilgan opsiyadan foydalanib, keraksiz ob'ektlarni o'chirishingiz mumkin bo'ladi.

Va ushbu dastur yordamida siz boshqa ilovalar yordamida o'chirilgan fayl va papkalarni aniqlashingiz mumkin.

@suxrob_yoqubov Ochish/sharhlash