2021-01-25 19:04:31
ХАЁЛ
Тўлқинлари билан қирғоққа,
Қучоқ очар бепоён уммон.
Термулганча нариги ёққа
Хаёл кетар яна сен томон.
Ҳижрон ҳали кўп қийноқ берар,
Азоблайди қўймасдан омон.
Чалғигандек бўлиб бир қадар,
Хаёл кетар яна сен томон.
Бирор илиқ сўз айтмадингку
Дил изҳоринг кутаман ҳамон.
Негалигин тушинмайман-у
Хаёл кетар яна сен томон.
Бир рўбарў келолмадим ҳеч,
Кўришсамда сўзлашим гумон.
Ақлим айтар бефойдадир, кеч,
Хаёл кетар яна сен томон.
Изтиробсиз бахт йўқ эканда,
Ҳар ютуққа тўланар товон.
Ўйламайман энди деганда
Хаёл кетар яна сен томон.
65 views16:04