Otajonim... Goho sizni ranjitganman bilib -bilmay Arazladim, gina qildim boshim egmay Qalbingizga ozor berdim bir tikanday Otajonim qadringizni bildim endi... Siz ekansiz suyanch togʻim sinovlardan Siz ekansiz qalbga malham azoblardan Siz ekansiz menga qalqon balolardan Otajonim qadringizni bildim endi... Bola paytim erkalatib koʻp suydingiz Har ishimda omad tilab qoʻlladingiz Balolardan asrar meni duoyingiz Otajonim qadringizni bildim endi... Kuyindingiz betob boʻlsam chin yurakdan Dardingizni ichga yutib sezdirmasdan Bolam deya duo tushmas qoʻlingizdan Otajonim qadringizni bildim endi... Ulgʻaytirib oʻqitdingiz besh qizingiz Toʻylar qilib kelin qilib uzatdingiz Koʻz yosh bilan oʻzga uyga kuzatdingiz Otajonim qadringizni bildim endi... Jannatlarning darvozasi ochiq sizga Umringizni baxsh etdingiz barchamizga Sizday ota nasib etsin har bir qizga Ming bor shukur Otajonim boringizga.... Ushbu sherni mehribonim, suyanchim Otajonimga bagʻishladim. Alloh barchamizning ota onamizni panohida asrasin 97 viewsRed Rose, 18:39