СУҒУРТА☔️

2022-09-01 09:08:18 Мустақиллик байрами муборак бўлсин, азиз юртдошлар!

Жонажон Ватанимиз – Ўзбекистон Республикаси ўзининг давлат мустақиллигини қўлга киритгани ва мустақил тараққиёт йўлини бошлаганига 31 йил тўлиши муносабати билан барча Ватандошларимизни чин қалбдан муборакбод этамиз. Ochish/sharhlash

2022-08-31 09:27:38 Айнан фуқароларда банк ва суғурта компанияси ўртасида тушунмовчиликлар ҳақида сиз қандай фикрдасиз Ochish/sharhlash

2022-08-30 09:19:14 Жанубий Кореяда суғурта ва жарималар Ochish/sharhlash

2022-08-30 08:01:50 8-модда. Суғурталовчининг қайта суғуртага доир суғурта фаолияти
Ўзбекистон Республикаси ҳудудида фақат қайта суғуртани амалга оширишга доир фаолият қонунчиликда назарда тутилган тартибда лицензияланиши лозим.
Суғурта ташкилоти суғурта фаолиятининг турлари (класслари) бўйича суғурта таваккалчиликларини қайта суғуртага ўтказишни ва қабул қилишни суғурта фаолиятини амалга ошириш учун олинган лицензияга мувофиқ, қонунчиликда белгиланган пруденциал нормативларга риоя этган ҳолда, қайта суғуртага оид лицензияни олмасдан туриб амалга ошириши мумкин.
Қайта суғуртани қайта суғуртага оид лицензия асосида фаолиятнинг алоҳида тури сифатида амалга оширувчи қайта суғурта ташкилоти «ҳаётни суғурта қилиш» ва «умумий суғурта» соҳаларида суғуртанинг барча класслари бўйича қайта суғуртани амалга оширишга ҳақли.
Резидент бўлган суғурталовчиларнинг тузилган суғурта шартномалари бўйича суғурта товонларига (суғурта тўловларига) доир мажбуриятларини (бундай мажбуриятларнинг бир қисмини) қайта суғурта қилиш, ўзи таъсис этилган мамлакатнинг миллий қонунчилигига мувофиқ қайта суғурта фаолиятини амалга ошириш ҳуқуқини олган чет эл суғурта ташкилотлари, қайта суғурта ва (ёки) брокерлик ташкилотлари томонидан амалга оширилиши мумкин. Ochish/sharhlash

2022-08-29 09:28:07 Сайёр қабул: Тошкент шаҳри аҳолиси ва тадбиркорлари мурожаатлари эшитилди

Бугунги кунда очиқлик, ошкоралик ҳар бир давлат ташкилоти фаолиятининг асосий мезонларига айланиши лозим. Аҳоли билан очиқ мулоқот тарзида сайёр қабуллар ташкил этилиши бу борада муҳим қадамлардан бири ҳисобланади.

Молия вазирлиги ҳузуридаги Суғурта бозорини ривожлантириш агентлиги раҳбарияти ҳамда суғурта ташкилотлари вакиллари аҳоли ва тадбиркорлар билан бўлиб ўтган сайёр қабулда мурожаат ва таклифлар тингланди. Суғурта бозорини ривожлантириш учун тадбиркорлик субъектлари томонидан берилган таклифлар умумлаштирилиб, келгусида меъёрий-ҳуқуқий ҳужжатларда акс эттирилиши таъкидлаб ўтилди.
Шунингдек, очиқ мулоқот тарзида бўлиб ўтган учрашувда аҳолининг суғурта маданиятини ошириш мақсадида тарғибот ва ташвиқот ишларини кучайтириш, фуқароларнинг суғуртага бўлган ишончни ошириш бўйича қатор вазифалар белгилаб берилди.

Telegram | Facebook | YouTube Ochish/sharhlash

2022-08-26 08:55:35 Ота-она учун фарзанд,
фарзанд учун эса ота-она
Аллоҳ томонидан берилган энг қадрли неъматлардан биридир.

Фарзанларингизни ўқитинг, уқисин, таълим олсин. Зотан, энг яхши инвестиция-фарзанд таълим ва тарбиясига ажратилган инвестициядир!

Бунинг ёрқин далили сифатида Имом Бухорийнинг ўн икки аср олдин “Дунёда илмдан бошқа нажот йўқ ва бўлмагай” деган фикрларини келтириш мумкин. Ochish/sharhlash

2022-08-26 08:46:23 7-модда. Суғурта шакллари

Суғурта ихтиёрий ва мажбурий суғурта шаклларида амалга оширилади.

Ихтиёрий суғурта ихтиёрий суғуртани амалга оширишнинг умумий шартлари ва тартибини белгиловчи суғурта шартномаси ҳамда қоидалари асосида амалга оширилади.

Ихтиёрий суғурта шартномасида суғурта қоидаларининг асосий тушунчаларини акс эттирувчи суғуртанинг муҳим шартлари кўрсатилиши керак.

Мажбурий суғуртани амалга ошириш шартлари ва тартиби мажбурий суғуртанинг аниқ турлари тўғрисидаги Ўзбекистон Республикаси қонунлари билан белгиланади. Ochish/sharhlash

2022-08-23 10:48:50 Суғурта соҳалари ва турлари (класслари)

Суғурта қуйидаги соҳаларга бўлинади:

ҳаётни суғурта қилиш (жисмоний шахсларнинг ҳаёти, соғлиғи, меҳнат қобилияти ва пул таъминоти билан боғлиқ манфаатларини суғурта қилиш, бунда шартнома бўйича суғуртанинг энг кам муддати бир йилни ташкил этади ҳамда суғурта суммаларининг суғурта шартномасида кўрсатиб ўтилган оширилган фоизни ўз ичига олувчи бир марталик ёки даврий тўловларини (аннуитетларни) қамраб олади);

умумий суғурта (шахсий, мулкий суғурта, жавобгарликни суғурта қилиш ҳамда ҳаётни суғурта қилиш соҳасига тааллуқли бўлмаган бошқа суғурта турлари).

Суғурта таваккалчиликларининг ёки улар гуруҳларининг ва улар билан боғлиқ мажбуриятларнинг умумий хусусиятларига мувофиқ суғурта соҳалари суғурта турларига (классларига) бўлинади. Суғурта турлари (класслари) Ўзбекистон Республикаси Вазирлар Маҳкамаси томонидан белгиланади. Ochish/sharhlash

2022-08-22 10:20:06 Ҳайдовчилик гувоҳномангизни янгилашни унутманг

Каналга аъзо бўлинг. Ochish/sharhlash

2022-08-22 10:14:14 Трансчегаравий суғурта ва қайта суғурта

Суғурта ташкилоти томонидан бошқа давлат ҳудудида суғурта шартномаларини тузиш ва бажариш бўйича фаолиятни амалга ошириш билан боғлиқ суғурта трансчегаравий суғуртадир.

Суғурта (қайта суғурта) ташкилоти томонидан ўзи қабул қилган суғурта таваккалчиликларини қайта суғуртага ўтказиш пруденциал нормативларни ҳисоблаш тартибига доир талаблар ҳисобга олинган ҳолда амалга оширилади.

Агар Ўзбекистон Республикасининг халқаро шартномаларида бошқача қоида назарда тутилмаган бўлса, Ўзбекистон Республикаси ҳудудида Ўзбекистон Республикасининг норезиденти бўлган суғурта ташкилоти номидан суғурта шартномасини тузиш бўйича воситачилик фаолиятига йўл қўйилмайди, бундан Ўзбекистон Республикасидан ташқарига чиқаётган транспорт воситалари эгаларининг фуқаролик жавобгарлигини суғурта қилиш шартномаси мустасно.

Ўзбекистон Республикасидан ташқарига чиқаётган транспорт воситалари эгаларининг фуқаролик жавобгарлигини суғурта қилиш шартномаларини Ўзбекистон Республикаси ҳудудида Ўзбекистон Республикасининг норезиденти бўлган суғурта ташкилоти номидан тузиш бўйича воситачилик фаолиятини Ўзбекистон Республикаси Молия вазирлиги ҳузуридаги Суғурта бозорини ривожлантириш агентлигининг тегишли суғурта класси кўрсатилган лицензиясига эга бўлган, Ўзбекистон Республикасининг резидентлари бўлган суғурталовчилар амалга ошириши мумкин. Ochish/sharhlash