АҲДИМИЗНИ БУЗМАЙМИЗ Макка шаҳрида Абу Басир исмли бир бечора | Soʻfi_Allohyor
АҲДИМИЗНИ БУЗМАЙМИЗ Макка шаҳрида Абу Басир исмли бир бечораҳол киши бор эди. У Маккадан Мадинага қочиб кетди. Қурайш мушриклари Расулуллоҳ соллаллоҳу алайҳи ва салламга: “Ўзинг яхши биласан – бизлардан бирор кимса сен томонга қочиб борса, қайтариб беришга битим бор. Бизларга ўша қочоқни қайтариб юбор”, деб хат ёзиб юбордилар. Муҳаммад Мустафо соллаллоҳу алайҳи ва саллам Абу Басирни чақириб: – Бизлар ҳақиқатан ҳам у қавм билан аҳдлашганмиз. Бизнинг динимизда аҳдни бузиш тўғри бўлмайди, – деб вакил билан уни бирга қайтариб юбордилар. – Мушриклар менинг динимга фитна қилсалар ҳам қайтариб юбораверасизми? – сўради Абу Басир. – Бизлар хиёнат қила олмаймиз. Сен боравер. Аллоҳ таоло мушкулотларингни очиб юборгай.
“Расулуллоҳ (соллаллоҳу алайҳи ва саллам) ҳаётидан лавҳалар” китобидан.