БИРОВНИНГ ҲАҚҚИ -Шу нарсаларимни сотмоқчийдим,-ийманибгина қў | Userim
БИРОВНИНГ ҲАҚҚИ
-Шу нарсаларимни сотмоқчийдим,-ийманибгина қўлида тўрт ойлик чамаси чақалоғини кўтариб олган жувон ишлатилган нарсалар олиб сотувчи аёлга илтижоли боқди.
-Боламга чақалоқлар бўтқаси билан таглик олмоқчийдим, илтимос ола қолинг,-ялинди аёл.
-Ҳаммасига 30 минг бераман.
-А? Ахир яп-янги кўйлаклар-ку, опа! Бир марта кийилган холос.
-Ана кийилган экан-ку! Бешта кўйлакка 30 минг. Бўлмаса бошқага кўрсатинг.
Жувон атрофдагилардан уялиб кетди.
-Майли, олақолинг,-деди йиғлагудек бўлиб.
Сотувчи аёл куймалана-куймалана ҳамма ерни қараб чиқди. Сўнг жувонга гап қотди:
- Қизим, пулим тугаб қопти, шу атрофда турсангиз кечга ташлаб ўтсам бўладими? Албатта, бераман. Бировнинг ҳаққи керак эмас менга.
Жувон нима дейишини билмай қолди. Таваккал майли деди. Уят ва номусдан йиғлаб юбормаслик учун лабини тишлаб, боласини қаттиқ қучоқлаганча йўлакка қараб юрди.
Орадан бир ой ўтиб автобусда икки аёлнинг суҳбати қулоғига чалинди.
-Ҳаммаси ёниб кул бўлибди. Ҳеч нарса қолмабди. Энди ундай уйни қургунча она сутим оғзимга келар.
Жувонга овоз таниш туюлди. Ялт этиб орқага қаради. Нигоҳлар тўқнашди. Сотувчи аёл шошганча сумкасини ковлади.
-Жон синглим рози бўлинг, -деди йиғлаб.
-Қўяверинг, мен розиман. Янги уйингизга ишлатарсиз,-деди жувон ва кейинги бекатда тушиб ёшли кўзларини артиб олди.
Саида Ибодинова
Tekinga status yozib beruvchi bot
@picstart_bot @picstart_bot
Кanalga Obuna bo'ling
➥ @Ma'noli_So'zlar
